Connect with us

تازه خبرونه

په غزني کې له طالبانو څخه د سیمو نیولو عملیات پیل شوي

Avatar

خپور شوی

 په

(Last Updated On: زمری ۲۱, ۱۳۹۷)

حکومتي ځواکونو د غزني ښار د هغو سیمو د بېرته نیولو لپاره عملیات پیل کړي، چې له طالبانو سره دي؛ خو د افغان ځواکونو او طالبانو تر منځ نښتې په دغه ښار کې روانې دي.

غزني ښار ته د سلګونه تازه دمو سرتېرو په ځانګړي توګه کوماندو ځواکونو له رسیدو وروسته د دې ښار د هغو سیمو د بېرته نیولو عملیات پیل شوي، چې دا مهال د دواړو لوریو تر منځ د جګړې پر ډګر اوښتي دي.

د غزني ولایتي شورا مرستیال امان الله کامراني وایي، د جګړې ډګر ۸۰۰ متره د ولایت له مقامه لیرې دی؛ یو خوا دولت دی او بله خوا طالبان دي.

یو شمېر سرچینو په ډاګه کړې، چې طالبانو د غزني ښار دوه یمه امنیتي حوزه سوځولې او زندان ته نږدې له دولتي ځواکونو سره په نښتو کې ښکېل دي.

د سرچېنو د څرګندونو له مخې؛ طالبان د غزني ښار د حیدر آباد په پله او قلعه احمدخان سیمو کې بشپړه واکمني لري او له حسن آباد څخه هم پر دولتی ځواکونو ډ‌زې کوي.

طالبان ادعا کوي، چې زندان یې نیولی او بندیان یې خلاص کړي؛ خو حکومت د طالبانو دا ادعا ناسمه بولي.

پولیس او پوځیان وايي، ښار د دولت تر ولکې لاندې دی او د سقوط ګواښ یې له منځه تللی دی.

د ملي دفاع وزارت د ویاند مرستیال محمد رادمنش  وایي، چې: مونږ د غزني ښار ته کمربند جوړ کړی او د دښمن هڅې له دغې دفاعي کرښې د باندې روانې دي.

د کورنیو چارو وزارت ویاند نجیب دانش په ډاګه کړې، چې: عملیات روان دي؛ جګړه ده، خو د عمومي زندان په اړه څه نه دي ویل شوي.

په ملي شورا کې د غزني استازي وایي، په ځلونو مو حکومت ته د غزني د سقوط خبرداری ورکړی و؛ خو حکومت پرې غوږونه کاڼه کړل.

دوی په غزني کې د پوره ځواکونو پر لږوالي او د ځواکونو تر منځ پر نه همغږۍ اندېښمن دي.

په ولسي جرګه کې د غزني استازی عبدالقیوم سجادي وایي:  د کورنیو چارو له وزیر سره په لیدنه کې د غزني د سقوط خبراری ورکړ شو؛ خو پاملرنه ورته ونشوه.

په ولسي جرګه کې د غزني استازې شهلا رضایي څرګنده کړې، چې: لوړ پوړیو چارواکو ته ډېر کله د خیر خیریت ګزارشونه وړاندې کیږي.

طالبان او حکومت دواړه ادعا کوي، چې مقابل لوري ته یې درانده زیانونه اړولي دي؛ خو په غزني کې له یوې خوا مخابراتي شبکو کار پریښی او بلخوا پر لویه لار جګړې د دې سبب شوي، چې غزني ښار ته د خبریالانو د ورتګ مخه ونیسي. ستونزمنه ده، چې سړی بې پرې قضاوت وکړي؛ خو څه، چې ښکاره دي، هغه د جګړې قربانیانو ته ځاني او مالي زیانونه دي او بس.

خبریال: باعث حیات

تازه خبرونه

غني او پمپیو د افغانستان د سولې بهیر د راتلونکیو هڅو په اړه خبرې کړي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د افغانستان ولسمشر اشرف غني او د امریکا بهرنیو چارو وزیر مایک پمپیو د سولې بهیر د راتلونکیو هڅو او کړنو په اړه ګدې خبرې کړې دي.

ولسمشرۍ په داګه کړې، چې دواړو لوریو تېره ورځ د وډیو کنفرانس له لارې د افغانستان د سولې پر بهیر خبرې اترې تر سره کړې دي.

په دې وډيو کنفرانس کې د ولسمشر دواړو مرستیالانو؛ امرالله صالح او سروردانش، د ملي پخلاینې شورا مشر عبدالله عبدالله، د افغانستان د سولې لپاره د امریکا ځانګړي استازي زلمي خلیلزاد، د پرېکنده ملاتړ ماموریت ځواکونو عمومي قومندان سکاټ میلر، د امریکا سفارت شاژدافیر راس ویلسن هم برخوال ول.

په دې کنفرانس کې د امریکا بهرنیو چارو وزیر ویلي؛ د امریکا موخه د دواړو هېوادونو ترمنځ د اوږد مهاله او ستراتیژیکو اړیکو په چوکاټ کې د متحد، خپلواک، ډیموکراټ او باثباته افغانستان رامنځته کول دي، چې له حکومت سره ورته په ګډه کار کوو.

د ارګ د څرګندونو له مخې؛ دا ویډیو کنفرانس د سولې پر بهیر، د سولې پر راتلونکيو ګامونو، د بندیانو پر خوشې کولو، د خبرو اترو پر موقعیت او د سولې اړوند پر نورو هڅو راڅرخیدلی دی.

همدارنګه دواړو لوریو د خبرو اترو پر پیل او په اړه یې د همکاریو پر اړتیا ټینګار څرګند کړی دی.

دغه راز څرګنده شوې، چې په راتلونکیو څو ورځو کې به د سولې بهیر پر جزئیاتو کار وشي او په ځانګړي ډول د افغان حکومت لخوا د نااعلان شوي اوربند پر میکانیزم ټینګار وشو، چې د سولې بهیر پوره روښانه کړي.

دا په داسې حال کې ده، چې د طالب بندیانو د خوشې کولو تخنیکي پلاوی اوس هم په کابل کې دی او د بندیانو پر تبادلې او خوشې کولو خبرې روانې دي او تر دې دمه نږدې ۳۰۰۰ طالب بندیان او لږ تر لږه ۴۰۰ حکومتي بندیان د دواړو لوریو خوشې شوي دي.

Continue Reading

تازه خبرونه

د افغانستان د وګړیو شمېر نږدې ۳۳ میلیون اټکل شوی- مرکزي احصائیه

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د مرکزي احصائې ادارې د څرګندونو له مخې؛ په روان لمریز کال کې د افغانستان د وګړیو شمېر نږدې ۳۳ میلیون اټکل شوی دی.

دوی دا هم په ډاګه کړې، چې د تېر کال په تناسب د هېواد وګړي څه باندې اووه سوه زره زیات شوي دي. د مرکزي احصائې د راپور له مخې، یو اویا سلنه وګړي په کلیو کې او پاتې نور په ښارونو کې ژوند کوي. دغه راز د کوچیانو شمېر هم یو نیم میلیون ښودل شوی، چې څلوراعشاریه شپږ سلنه کیږي.

په دې راپور کې له ۱۵ کلونو ټیټ عمره کسانو شمېر ۱۵نیم میلیون ښودل شوی دی.

د ملي احصائې او معلوماتو ادارې ویانده روبینا شهابي وایي، د دغو وګړیو یو پنځوس سلنه نرینه دي، چې له ۲۳ میلیون ډېر یې په کلیو کې ژوند کوي.

د یادې ادارې د څرګندونو له مخې؛ د نفوسو ۱۶ میلیون او اته سوه زره نرینه او ۱۶ میلیون او سل زره ښځینه دي.

 د نرینه وو نفوس له ښځینه وو څه باندې یوه سلنه ډېر دی.

د مرکزي احصائې په راپور کې په ډاګه شوې، چې د هېواد د نفوسو څه باندې څلور پنځوس سلنه وګړي د بېوزلۍ تر کرښې لاندې ژوند کوي او د نفوسو له ډېریدو سره بېوزلي هم پراختیا مومي.

ټولنپوه عبدالقیوم سجادي وایي، وړاندې شوې احصائيه له تخنیکي ستونزو سره مخ ده.

خلک وایي؛ پرلپسې جګړو له حکومت دا موقع اخیستې، چې د طالبانو په تر واک لاندې سیمو کې خلک وشمېري.

Continue Reading

تازه خبرونه

په افغانستان کې د کرونا مثبتو پېښو ډېریدو اندېښنې راپورته کړي

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په افغانستان کې د کرونا ویروس چټکه خوریدنه ټکان ورکوونکې ده او عامې روغتیا وزارت ویلي؛ که  روغتیایي سپارښتنو ته پاملرنه ونکړو، هېواد به له لوی ناورین سره مخ شي.

 د عامې روغتیا وزارت د څرګندونو له مخې، په تېرو څلیریشت ګړیو کې یوولس سوه اته شپېته بېلګې کتل شوي، چې ۵۴۵ یې مثبتې را وتلي دي.

د عامې روغتیا وزارت مرستیال وحبد الله مجروح زیاته کړې؛ د کرونا ویروس له دې پېښو سره د ټولو مثبتو هغو شمېر۱۵۷۵۰ ته رسیدلی، چې په همدومره وخت کې ترې ۸ کسان مړه شوي دي.

د عامې روغتیا وزارت مرستیال د کرونا کنټرولولو لپاره د خلکو همکاري اړینه او له دې حالت څخه د وتو یوازنۍ لار بولي او خبرداری ورکوي که روغتیایي سپارښتنې رعایت نشي؛ هېواد به له لوی ناورین سره مخ کړو.

کرونا ویروس د نورې نړۍ په څیر افغانستان هم ځپلی او زیاترو خلکو، چې اقتصادي ستونزې یې درلودې؛ د کرونا له اړخه لګیدلو محدویتونو یې ژوند نور هم تریخ کړ. که څه هم د عامې روغتیا وزارت له خلکو څخه په بیا بیا غوښتي، چې په کورونو کې پاتې او روغتیایي سپارښتنې عملي کړي؛ خو د کابل په ګډون په لویو ښارونو کې ډېر خلک پر ټولنیزو کارونو اخته تر سترګو کیږي.

Continue Reading

Trending