تازه خبرونه
په سعودي عربستان کې د امریکا په ګډون د سولې څلور اړخیزه ناسته جوړیږي
د سولې عالی شورا په روانه اوونۍ کې د ریاض په کوربتوب د افغانستان، امریکا، متحده عربي اماراتو او سعودي عربستان په ګډون له څلور اړخیزې ناستې خبر ورکوي.
د سولې عالي شورا وایي؛ د دې ناستې موخه دا ده، چې د سولې خبرو ته آسانتیاوې برابرې شي.
د دغې شورا د دارالانشاه مشر اکرم خپلواک وایي، په دې ناسته کې به له طالبانو سره د خبرو پر ضمانتونو خبرې وشي.
ښاغلي خپلواک دا هم ویلي، چې د سولې عالي شورا او عالمانو شورا یو ګډ پلاوی به ډېر ژر له طالبانو سره د خبرو لپاره د قطر سیاسي دفتر ته ولاړ شي.
د امریکا ان بي سي تلویزیوني شبکې د طالبانو له قوله څرګنده کړې، چې د طالبانو مرکچیان په اماراتو او قطر کې له امریکایانو سره غږیدلي.
دغه تلویزیون دا هم په ډاګه کړې؛ امربکایان پېنځه کسان ول.
په دې اړه د ولسمشر ویاند محمد هارون چخانسوري وایي، چې د افغانستان حکومت تل ویلي، چې د سولې خبرې باید د افغانانو په مشرۍ تر سره شي؛ ځکه د سولې ابتکار هم د حکومت او خلکو دی.
د افغانستان د عالمانو شورا رییس قیام الدین کشاف د سولې په خبرو کې د عرب هېوادونو رول مهم بولي. او هیله من دی، چې غوره پایله به ولري.
مخکې له دې د عربستان په ریاض او جده ښارونو کې د اسلامي عالمانو په یوه ناسته کې د افغانستان پر روانه جګړه بحث شوی او دغه جګړه ناروا وبلل شوه او دا دریځ په کابل کې د خلکو له تود هرکلي سره مخ شو.
د یادونې وړ ده، چې په ۱۹۹۱ کال کې هم ریاض د مجاهدینو د رهبرانو شورا کوربه و؛ خو هغه مهال د ګوندونو او تنظیمونو د مشرانو تر منځ پر سوله هوکړه رامنځته نشوه. وګورو، چې دغه هېواد به د افغانستان د خلکو د سولې لپاره سیاسي او مذهبي مشران څنګه نږدې کړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ