تازه خبرونه
په تاپي پروژه کې به له کورنیو سرچېنو کار واخیستل شي
د کانونو او پترولیم وزارت ویاند وایي؛ د تاپي نللیکې په شاوخوا سیمو کې به بېخبنایي او تولیدي کارخانې جوړې شي، چې دا به د دې سیمو د اقتصادي ودې لپاره ګټور کار وي.
تاپي د مرکزي او سویلي آسیا د نښلولو پروژه ده، چې تر شاوخوا دوه لسیزو وروسته رښتیا کیږي.
د کانونو او پترولیم وزارت ویاند عبدالقدیر مطفي وایي، په افغانستان کې به د دې پروژې د کار په پیل زرګونه خلکو ته د کار زمینه برابره او د کورنیو سرچینو څخه په کار اخیستلو تر سره او د پانګوالو پانګونه به جلب شي.
د دې پروژې تر څنګ په هېواد کې پاکستان ته د پېنځه سوه کیلو واته برښنا مزی او نوري فایبر هم غزول کیږي او دا لیکه پر یوه اقتصادي دهلیز بدلوي.
د سوداګرۍ وزارت معین فیروز خان مسجدي وایي، د دې دهلیز له لارې مونږ کولی شو له ګازو ګټه پورته او د خرابو ګازو د وارداتو مخنیوی وکړو.
د نوموړي په وینا؛ دغه پروژه د افغانستان د اقتصادي ودې او پانګونې په برخه کې آسانتیاوې هم رامنځته کوي.
د اقتصاد وزارت ویاند سهراب بهمن وایي؛ مونږ هڅې پیل کړي، چې پانګونه آسانه او د هېواد اقتصادي پلانونه پلي کړو.
د تاپي د ګازنللیکې اته سوه کیلو متره برخه به د افغانستان د هرات، هلمند، کندهار، نیمروز او فراه له ولایتونو تېره شي، چې دا به خلکو ته کاري زمینې برابرې او بهرني پانګوال پانګونې ته و هڅوي.
ولسمشر غني تېره ورځ( د کب ۴) د ترکمنستان، پاکستان او هند د ګازنللیکي د عملي کار د پیل په مراسمو کې د برخې اخیستنې په نیت هرات ولایت ته تلی دی.
نوموړي نن د بې پلانه ملکیتونو لپاره د سند ورکولو په مراسمو کې وویل، چې د افغانستان خلکو د تاپي پروژې د امنیت ساتنې ډاډ څرګند کړی دی. دا پروژه د دې هېواد د راتلونکي ژمنه او هیله ده. مونږ درې هېوادونه په خپله سیمه کې ونښلول او دوی به ۸ میلیارد دالر پانګونه وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ