Connect with us

تازه خبرونه

په غزني کې د طالبانو یو مرکز ویجاړ شوی-دفاع وزارت

Ariana News

خپور شوی

 په

(Last Updated On: سلواغه ۳۰, ۱۳۹۸)

په غزني کې ځانګړیو ځواکونو د وسلوالو طالبانو پر یوه مرکز شپني عملیات تر سره کړي او بشپړ ویجاړ شوی دی.

دفاع وزارت ویلي، چې دغه عملیات تېره شپه د غزني ولایت د مقر وسوالۍ پر اړوند سیمو تر سره شوي، چې په کې د وسلوالو طالبانو یو مرکز، د مهماتو او تجهیزاتو یوه زیرمه، د ماین جوړولو یوه کارخونه، د مخدره توکو دوه کاځي او له بندیانو پرته یو زندان وران او ویجاړ شوي دي.

د دفاع وزارت د څرګندونو له مخې؛ په دې عملیاتو کې یو شمېر چاودیدونکي توکي، دوه موټرسایکله، یو فرونر ډوله موتر او یوشمېر تجهیزات افغان ځواکونو ته په لاس ورغلي دي.

طالبانو تر دې دمه په دې اړه څه ندي ویلي.

غږنې د هېواد په مرکزي ولایتونو کې یو له ناامنه ولایتونو څخه دی، چې په لیرې پرتو ولسوالیو کې یې وسلوال طالبان پراخې هڅې لري.

تازه خبرونه

طالبانو ۲۸ پولیس له تسلیمیدو وروسته وژلي – سیمه ییز چارواکي

Ariana News

خپور شوی

په

توسط

(Last Updated On: تله ۲, ۱۳۹۹)

وسلوالو طالبانو په روزګان ولایت کې له تسلیمیدو وروسته ۲۸ ملي او سیمه ییز پولیس وژلي دي.

د روزګان والي ویاند زړګي عبادي ویلي: له هغې وروسته، چې په ګیزاب ولسوالۍ کې امنیتي وضعیت خراب شو؛ نو یو شمېر سرتېري له پوستو شاتګ ته اړ شول او ځینې نورې پوستې د طالبانو تر محاصرې لاندې راغلې.

هغه زیاته کړې، چې وسلوالو طالبانو په یو شمېر پوستو کې ځواکونو ته له تسلیمیدو وروسته د دوی د خوشې کولو ژمنه شوې وه؛ خو ۲۸ ملي او سیمه ییز پولیس له تسلیمیدو وروسته د طالبانو لخوا ووژل شول.

سیمه ییز چارواکي وايي، چې د سرتېرو مړي پرون مازدیګر د ګیزاب ولسوالۍ مرکز ته راوړل شوي دي.

هغه زیاته کړې، چې اوسمهال د ولسوالۍ امنیتي حالات د امنیتي او دفاعي ځواکونو تر څارنې لاندې دي.

طالبانو د روزګان ولایت د سیمه ییزو چارواکو دغه تورونه رد کړي او څرګندوي، چې دغو پولیسو په جګړه کې خپل ژوند له لاسه ورکړی دی.

Continue Reading

تازه خبرونه

ازبکستان په ملګرو ملتونو کې د افغانستان د دایمي کمیتې د جوړولو غوښتنه وکړه

Ariana News

خپور شوی

په

توسط

(Last Updated On: تله ۳, ۱۳۹۹)

ازبک ولسمشر شوکت میرضیایف د چهارشنبې پر ورځ د ملګرو ملتونو په عمومي غونډه کې غوښتنه وکړه، چې په ملګرو ملتونو کې دې یوه دایمي کمیته جوړه شي، چې د سولې هڅې همغږې او په افغانستان کې دوامداره سیاسي حل آسانه کړي.

نوموړي په افغانستان کې د سولې راوستلو لپاره له خپلو هغو هڅو یادونه وکړه، چې د ۲۰۱۸ کال د مارچ په میاشت کې یې د یوې نړیوالې ناستې کوربتوب کړی و.

له هغه وخت راپدیخوا ازبکستان د افغانستان پر اوسپنیزې کرښې او ترانسپورتي زیربناو په ګډون د انرژۍ او ښوونې په برخه کې زیاته پانګونه کړې ده.

میر ضیایف په ملګرو ملتونو کې د وینا پرمهال ویلي، چې د هغه حکومت د طالبانو په ګډون د ټولو سیاسي ګوندونو او حرکتونو سره پراخه خبرې اترې کړې دي.

هغه دا هم ویلي؛ مونږ افغانستان له مرکزي آسیا بېل نه ګڼود ۲۰۱۸ کال په مارچ کې د تاشکند د لوړې کچې کنفرانس د افغانستان د مسلې د حل کولو لپاره د نړیوالو هڅو په پیاوړتیا کې نوی پړاو رامنځته کړ.

هغه د قطر په دوحه کې د افغانستان د سولې له خبرو، چې د روان کال په سپتمبر کې پیل شوي ملاتړ څرګند کړ .

نوموړي دا هیله هم څرګنده کړې، چې دا خبرې به د افغانستان په غم ځپلې خاورې کې د سولې او ثبات په راوستو کې مرسته وکړي.

Continue Reading

تازه خبرونه

بیات بنیاد په وردګ ولایت کې له سیلاب ځپلیو سره مرسته وکړه

Ariana News

خپور شوی

په

توسط

(Last Updated On: تله ۲, ۱۳۹۹)

بیات بنیاد په میدان وردګ ولایت کې له سیلاب ځپلیو سره د وریجو، غوړيو، اوړو، مکروني او د اړوند نورو خوراکي توکو مرسته وکړه.

بیات بنیاد په هېواد کې د وروستیو سیلاب ځپلیو کورنیو سره د مرستو په لړ کې دا ځل په وردګ ولایت کې له ګڼو زیانمنو کورنیو سره مرسته وکړه.

د بیات بنیاد مسوولینو ویلي، چې په دې مرستو کې  وریجي، اوړه، غوړي او مکروني پر زیانمنو کورنیو ووېشل شول.

د بیات بنیاد مرستیال حاجې محمد اسمعیل ويلي، چې د دغه بنسټ مرستې هر وخت د هېوادوالو لپاره چمتو دي. مونږ نن د میدان وردګ ولایت سیلاب ځپلیو ته اوړه، غوړی او وریجې ووېشلې.

د بیات بنیاد فرهنګي سلاکار احسان الله آرینزي ویلي، چې څو ورځې مخکې مونږ د پروان ولایت له سیلاب ځپلیو سره مرسته وکړه او دادي نن په میدان ښار کې یو او هغو کورنیو ته، چې د بهسود، نرخ، چرخ او سید آباد ولسوالیو راغلي؛ د بیات بنیاد مرستې وېشل کیږي.

دوی زیاته کړې، چې په نورو ولایتونو کې به هم له اړو کورنیو سره  دغه ډول مرستې تر سره شي.

د میدان وردګ ولایت چارواکو او اړو کسانو د بیات بنیاد له مسوولینو مننه وکړه، چې له سیلاب ځپلیو کورنیو سره یې د پام وړ مرسته کړې ده.

 دا په داسې حال کې ده، چې په وردګ ولایت کې جګړو هم زور اخیستی او په دې وروستیو کې جګړه د دې ولایت د مرکز ميدانښار تر څنډو را رسیدلې او پر وروستیو سیلابونو سربېره جګړې هم سلګونه کورنۍ زیانمنې کړې دي.

د وردګ ولایت د مقام مالي رييس محمد یعقوب ولسمل د بیات بنیاد له مرستو د مننې ترڅنګ له نورو بنسټونو هم غوښتنه وکړه، چې له دغو زیانمنو کورنیو سره مرستې وکړي.

هغو کورنیو، چې د بیات بنیاد مرستې یې تر لاسه کړي؛ له بیات بنیاد څخه پر مننه سربېره یې پر نورو بنسټونو هم غږ وکړ، چې له اړو کورنیو سره ورته مرستې وکړي.

بیات بنیاد له شاوخوا پېنځلس کلونو راپدیخوا په هېواد کې پر اړمنو کورنیو خوراکي توکي وېشي او د ژوندانه د لومړنیو اړینو توکو مرستې ورسره کوي او په بېړنیو حالاتو کې تر نورو مرستندویه بنسټونو لومړی ګام اوچتوي.

 

Continue Reading
Advertisement

Trending