تازه خبرونه
په ترکيه کې زلزلې ۱۰۳۶ کسانو ته مرګ و ژوبله اړولې
ترکي رسنیو څرګنده کړې، چې تر اوسه ۴۰۰ مرستندويه او ژغورونکې ډلې سیمې ته رسیدلي او تر نړیدلو ودانيو لاندې خلک راباسي او په ډاګه کوي، چې د مرګ و ژوبلې د زياتیدو اندېښنه هم شته.
د ترکيې د ځمکپېژندنې ادارې ويلي؛ په الازيع ايالت کې پرون د جمعې پر ورځ ماسپښين زلزله رامنځته شوه، چې څه نا څه شپېته ټکانونه ترې محسوس شول.
د راپورونو له مخې، د ترکيې پر نورو سيمو سربېره په عراق او سوريه کې هم د زلزلې ټکانونه احساس شوي دي.
د زلزلې په سيمه کې د تودوخې درجه له صفر څخه کښته ده؛ خلک له ستونزو سره مخ دي.
په ترکیه کې له ټولو ځواکمنه زلزله ۲۰ کاله مخکې په ۱۹۹۹ کال کې رامنځته شوې، چې د رښتر ۷ اعشاریه ۶ درجې وه او د دې هېواد ازمیت ښار یې لړزولی و. دا زلزله ۴۵ ثانیې اوږده شوې او په کې ۱۷ زره کسان مړه او نیم میلیون کسان بې کوره شوي وه.
