Connect with us

تازه خبرونه

که طالبان جګړه بندوي، مونږ یې منلو ته چمتو یو- اشرف غني

Ariana News

خپور شوی

 په

(Last Updated On: سلواغه ۳, ۱۳۹۸)

ولسمشر اشرف غني د داووس د نړیوالې اقتصادي ناستې په څنډه کې له فاکس نیوز سره د مرکې پر مهال ویلي، چې که طالبان جګړه بندوي؛ نو مونږ يې منلو ته چمتو یو، خو که يې موخه د سولې په نامه د نظام ړنګول وي، حکومت او خلک یې  مخنیوی کوي.

نوموړي پوښتلي؛ آیا طالبان غواړي تاوتریخوالی پای ته ورسوي؛ که ځواب هو وي، نو افغانان او حکومت چمتو دي، چې دوى خپل کړي. که دوی سولې ته د داسې يوې وسيلې په سترګه ګوري، چې پر مټ يې حکومت او ټولنه ړنګه کړي؛ بیا حکومت او ټولنه د دوی مخه نیسي.

د امریکايي ځواکونو د وتلو پوښتنې ته په ځواب کې اشرف غني ویلي، چې د ځواکونو شمېر کمیدای او ډېریداى شي؛ خو د غوڅ ملاتړ ماموریت په چوکاټ کې د بهرنیو ځواکونو شتون يوازې یوه وسیله ده؛ اصلي بنسټ د امریکا او افغانستان ترمنځ دوه اړخیز او له ناتو سره د افغانستان امنیتي تړونونه دي.

ولسمشر اشرف غني د افغان امنیتي ځواکونو پر وړتیا ټينګار څرګند کړی او وایي، چې له افغانستان څخه د امریکايي سرتېرو وتل به د افغان ځواکونو پر وړتیاوو اغېز و نلري؛ ځکه اوس له پخوا ډېر پياوړي دي.

هغه دا هم ویلي، چې له سيمې څخه د امريکايي ځواکونو د وتلو لپاره اړتيا ده، چې د سیمې هېوادونه سره نږدې شي او پر اړتیاوو وپوهیږي.

طالبانو  د قطر د سیاسي دفتر د مسوولینو په اړه د ولسمشر غني څرګندونې نا مسوولانه ګڼلي او په دې اړه یې سخت غبرګون ښکاره کړی دی.

طالب ویاند ذبیح الله مجاهد په ډاګه کړې، چې د طالبانو سیاسي او پوځي مبارزه به د بهرنیو ځواکونو تر وتلو روانه وي.

دا په داسې حال کې ده، چې تېره ورځ سپینې ماڼۍ د ترمپ او ولسمشر اشرف غني د لیدنې په اړه څرګنده کړه، چې دواړو لوریو د طالبانو له لورې د تاوتریخوالي پر دومداره کمښت او داسې خبرو ټینګار کړی، چې په پایله کې يې افغانان یو تلپاتي اوربند ته ورسېږي.

تازه خبرونه

په کابل، بلخ او لوګر ولایتونو کې ۱۴ وسلوالو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۱۶, ۱۳۹۹)

امنیتي سرچینو په ډاګه کړې، چې تېره شپه وسلوالو د کابل ولایت د شکر درې په اړوند سیمه کې پر یوې امنیتي پوستې برید وکړ؛ خو د ملي اردو د سرتېرو لخوا پر شا وتمبول شول.

امنیتي سرچینو ویلي، چې له امنیتي ځواکونو سره په نښته کې یو وسلوال وژل شوی او یو بل نیول شوی دی.

دغه راز دفاع وزارت په بلخ ولایت کې د ۷ وسلوالو طالبانو له مرګ و ژوبلې خبر ورکوي او څرګندوي؛ تېره ورځ وسلوالو طالبانو د بلخ او جوزجان پر لویه لار د چک شېر محمد په سیمه کې د ملي امنیتي ځواکونو پر پوستو بریدونه کړي، چې د ملي امنیتي ځواکونو له ټینګار سره مخ او پر شاه وتمبول شول او د امنیتی ځواکونو په ځوابي بریدونو کې ۳ وسلوال طالبان وژل شوي او ۴ نور ټپیان دي.

همدارنګه دفاع وزارت په ډاګه کړې، چې تېره شپه ملي، دفاعي او امنیتي ځواکونو د دې ولایت د برکي برک ولسوالۍ د پوزه نیازي په اړوند سیمه کې د طالبانو یو برید پر شاه تمبولی؛ ۳ وسلوال طالبان وژل شوي او ۲ نور ټپیان دي.

د یاد وزارت د څرګندونو له مخې؛ په دې نښته کې د دښمن په زیات شمېر وسلې او مهمات له منځه وړل شوي دي.

طالبانو تر دې دمه د دغو ځاني زیانونو په اړه څه ندي ویلي.

د لوګر ولایتي شورا مشر حسیب الله ستانکزي ویلي، چې د دې شورا غړې نفیسه هجران نن سهار دفتر ته پر لاره وه، چې له خپل دریور سره له یوه وسلوال برید ټپي وتلې او د درملنې لپاره کابل ته لیږدول شوي دي.

Continue Reading

تازه خبرونه

افغان حکومت سبا ته د افغان سولې د سیمه ییزې ناستې کوربه دی

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

ارګ د دوشنبې پر ورځ د امریکا، روسیې، چین، هند، ایران، پاکستان، ملګرو ملتونو او ۱۹ نورو هېوادونو د استازیو په ګډون د افغان سولې د سیمه ییزې ناستې کوبتوب کوي.

ارګ د دوشنبې پر ورځ د ۱۹ هېوادونو او ملګرو ملتونو د استازیو په ګډون د یوې ودیدیوي ناستې کوربتوب ته چمتووالی نیولی، چې امریکا، روسیه، چین، پاکستان، هند، ایران، قطر، سعودي عربستان او ګاونډ هېوادونه یې برخوال دي.

د بهرنیو چارو وزارت ویاند ګران هېواد د افغانانو خپلمنځي خبرې، د تاوتریخوالي کمی، د بندیانو تبادله او د بشردوستانه اوربند ټینګښت د دې ناستې اجنډا بولي.

 د بهرنیو چارو وزارت ویاند  ګران هېواد وایي، چې د دوشنبې پر ورځ به په ارګ کې د افغان سولې بهیر په اړه د سیمې هېوادونو او د افغانستان د نړیوالو ستراتیژیکو ونډوالو په ګډون یو ویدیوي کنفرانس تر سره شي.

د دوشنبې د ورځې په ناسته کې به د هغو هېوادونو استازي هم را غونډ شي، چې د ګټو ټکر لري؛ دوی د سولې خبرو په تړاو د یوې اجماع د جوړولو هڅه کوي. که څه هم دولت تل ویلي، چې د سولې په اړه په  سیمه کې اجماع شته.

په پاکستان کې پخواني دیپلومات احمد سعیدي ویلي؛ د افغانستان حکومت تل ویلي، چې د ځان په ګټه سیمه ییزه اجماع لري. د سبا ناسته یو ځل بیا د افغانستان د سولې او امنیت لپاره پر سیمه ییزې همغږۍ ټینګار کوي

ټاکل شوې، چې په کابل کې به سیمه ییزه ناسته د ولسمشر غني پر خبرو پیل شي او په پای کې به ۱۹ هېوادونه او ملګري ملتونه د افغانستان د سولې په اړه ګډه اعلامیه وړاندې کړي.

ویل کیږي، چې د سې شنبې پر ورځ کابل د افغانستان، پاکستان او چین د درې اړخیزې ناستې کوربه دی، چې په کې د سولې خبرې کیږي؛ خو په دې خبرو کې د هند نه حضور د سولې پر زیان انګېرل کیږي.

Continue Reading

تازه خبرونه

په کابل کې د ۵ پراختیایي پروژو هوکړه لیکونه لاسلیک شول

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

په کابل کې د اقتصاد، لوړو زدکړو او پوهنې وزارتونو او د هند سفارت تر منځ د ۵ پراختیایي پروژو هوکړه لیکونه لاسلیک شول.

د اقتصاد وزیر مصطفی مستور ویلي؛ د اقتصاد، لوړو زدکړو او پوهنې وزارتونو او په افغانستان کې د هند سفیر تر منځ د ۶.۲ میلیون دالرو پر ارزښت د پېنځه پرمختیايي پروژو تړون لاسلیک شو، چې له مخې به یې په بدخشان او نورستان کې درې ښوونځي او په فراه او کاپیسا کې دوه پوهنتونونه بیا ورغول شي.

د نوموړي د څرګندونو له مخې؛ په بدخشان کې دوه ښوونځي او یو بل به هم په نورستان ولایت کې د پوهنې وزارت لخوا  جوړ شي او دغه راز د کاپیسا د طبي پوهنتون سړک او د فراه تدریسي ودانۍ په پام کې نیول شوي دي.

د پوهنې وزارت اداري او مالي مرستیال عبدالسبحان رووف ویلي؛ د بدخشان او او نورستان پر دغو ښوونځیو ۹۰۰ زره دالر لګښت راځي.

د لوړو زدکړو وزارت چارسمبالی عبدالتواب بالاکرزی وایي؛ هیله ده، چې دغه پروژې د اقتصاد وزارت لخوا پلې شي.

په کابل کې د هند سفیر ویلي، دا ډول پروژې د زد کوونکیو او محصلانو د پوهې د کچې په لوړولو کې اړینې دي.

په افغانستان کې د هند سفیر ویني کمار وایي، چې هند نه یوازې په افغانستان کې فزیکي کارونه کړي، بلکې د ځوانانو د وړتیاوو په جوړولو کې یې هم همکاري کړې، چې خپله پروژې جوړې کړي.

له ۲۰۰۵  کاله تر اوسه هند د اقتصاد وزارت په همکارۍ څلور سوه پراختیایي پروژې پلې کړي او دا هېواد ژمنه کوي، چې له افغانستان سره به په بېلابېلو برخو کې اوږد مهاله مرسته وکړي.

Continue Reading

Trending