Connect with us

تازه خبرونه

له طالبانو سره له هوکړې وروسته امریکا ښایي ۸ یا ۹ زره سرتېري وباسي

خپور شوی

د

(Last Updated On: لړم ۳, ۱۴۰۱)

واشنګتن پوست ورځپاڼې د څو امریکایي چارواکو له قوله څرګنده کړې؛ امریکا ښایي له طالبانو سره له هوکړې وروسته له افغانستان څخه ۸ یا ۹ زره سرتېري وباسي، خو اوربند او له نورو ترهګرو ډلو سره د طالبانو د اړیکو پرېکون هم په دې هوکړه کې شامل دي.

له افغانستان څخه د  خپلو ځواکونو د ویستو په تړاو د ولسمشر دونالد ترمپ له څرګندونو وروسته اوس واشنګتن پوست د څو امریکایي چارواکو له قوله ویلي، چې ټاکل شوې له طالبانو سره له هوکړې وروسته امریکا له اته تر نهه زره سرتېري له افغانستان څخه وباسي.

د یادې ورځپاڼې د څرګندونو له مخې؛ طالبانو هم منلې، چې اوربند کوي او په افغانستان کې به له نورو ترهګرو ډلو سره خپلې اړیکې پرې کړي.

د طالبانو د ډلې پخوانی غړی سید اکبر آغا ویلي، چې امریکایان باید د ځواکونو له ویستلو سره خپل اخلاص وښيي. له افغانستان څخه ۶ زره ځواکونو وځي او دا به له طالبانو سره خبرو او اوربند ته زمینه برابره کړي.

د امریکا د ولسمشریزو تاکنو نوماندان هم ټینګار کوي، چې د بري په صورت کې به خپل ځواکونه د ولسمشرۍ په لومړنۍ دوره کې له افغانستان څخه وباسي.

د امریکا د ولسمشریزو ټاکنو نوماند بیتو او رورک څرګنده کړې؛ له یوه وخته داسې ده، چې مونږ خپل ځواکونه بېرته خپل کور ته ستانه کړو او زه به د خپلې ولسمشرۍ په لومړي پړاو کې دا کار وکړم. مونږ به خپل ځواکونه نه یوازې له افغانستان بلکې، له عراق، لیبیا، یمن او سوریې هم وباسوو.

ځینې سیاسي فعالان له افغانستان څخه د امریکایي ځواکونو وتل د دواړو لوریو لپاره په باور جوړولو کې مهم ګام بولي.

سیاسي فعال حمید الله هوتک د یوې پوښتنې په ځواب کې ویلي؛ هو! سمه ده د طالبانو شرط هم همدا دی، چې له امریکایانو سره به هوکړه هغه وخت لاسلیک کړي، چې دوی لومړی له افغانستان څخه د ځواکونو ایستل ومني.

باورکیږي، چې د زلمي خلیلزاد او طالب استازیو تر منځ د خبرو اترو په اتم پړاو کې به دواړه خواووې کیدی شي پر هغې هوکړې لاسرسي ته ورسیږي، چې ټولې خواووې ورته له میاشتو میاشتو په تمه دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!