Connect with us

تازه خبرونه

له طالبانو سره له سولې وروسته خوشبیني لږه ده

خپور شوی

د

(Last Updated On: لړم ۳, ۱۴۰۱)

 له طالبانو سره د مرکچي پلاوي غړي وایي، طالبان به د ښځو رسنیز فعالیت، دنده او زدکړې وساتي؛ خو محدویت به پرې لګیدلی وي.

د سیاسي چارواکو د ګډون له لارې دیپلوماتیکې هڅې په دې موخه ترسره کیږي، چې طالبان له حکومت سره پخلاینې ته برابر کړي. په داسې حال کې، چې د افغان سیاسیونو او طالبانو تر منځ تر دې دمه درې پړاوه ناستې تر سره شوي؛ خو تر دې دمه د افغانستان سولې ته د لارې نقشه ناڅرګنده ده.

په دغو خپلمنځي ناستو کې د رسنیو حقونه او د بیان آزادي هم د ټینګار وړ ارزښت یادیږي. که څه هم طالبانو په یوه خبرداري کې رسنیو ته ګواښ کړی، چې د پوځي موخې په توګه به تر برید لاندې ونیول شي؛ خو سولې ته له رسیدو وروسته ژمنه کوي، چې د رسنیو فعالیت ته ژمن دي.

دا پلاوی وایي، طالبان د ښځو رسنیز فعالیت او نور فعالیتونه د اسلامي ارزښتونو په اډانه کې، چې خپله یې تعریف کړي، پرې ټینګار کوي.

په دوحه کې د افغانانو او طالبانو د ناستې ګډونوال صدیق الله توحیدي وایي؛ د هغو ټینګار هم دا و، چې دا ارزښتونه په رسمیت پېژنو. دا، چې دغه ارزښتونه د اسلام د مبارک دین او د دوی د اندونو له مخې څنګه دي؛ د علواوو یوه اوږده بحث ته په کې اړتیا ده، چې د دې خوا دیني عالمان هم په خبرو کې برخه ولري بیا به ؛ نو کړنې پوره ډاډمنې شي.                  

رسنۍ په تېرو اووه لس کلونو کې د جګړې ښکېلو خواوو کړولي او ټپي ټپي دي او د افغانستان مطبوعات یې زیانمن کړي دي.

د پژواک خبرځي چارواکي دانش کړوخېل ویلي، چې طالبان د بیان د آزادۍ په اړه خپل فکر او اند لري؛ د افغانستان خلکو په تېرو اته لس کلونو کې په پوره میړانه خپلې غوښتنې د رسنیو له لارې وړاندې کړي او په دې اړه ستر بدلونونه راغلي دي.        

ویل کیږي، چې اوس هم د طالبانو لیدلوری توند دی؛ دې ډلې ژمنه کړې، چې د سولې له تړون وروسته ښځې کولی شي کار وکړي، کولی شي زدکړې وکړي او حتا کولی شي لومړۍ وزیره ووسي؛ خو په وینا یې ټول دا کارونه باید د قوانینو په اډانه کې وي او دا قوانین باید اسلامي وي.

د دوحې د خپلمنځي ناستې یوه ښځینه ګډونواله فوزیه کوفي وایي، چې د ښځو حقوق باید د سولې هوکړې یوه بنسټیزه  برخه وي. بیا دې د بهرنیو ځواکونو د وتلو په ګډون پر نورو برخو ټینګار څرګند شي. یعنې د ښځو حقونه دې د نورو هېوادنیو حقونو په څېر د هوکړې یوه د ټینګار وړ برخه وي.           

دا خبرې په دوحه کې له طالبانو سره په ناسته کې مطرح شوي؛ خو په عمل کې لیدل کیږي، چې د طالبانو په تر ولکې لاندې سیمو کې ښځې اوس له هغه حالته برخمنې دي، چې د دوی د واکمني پر مهال وې.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!