Connect with us

تازه خبرونه

که سرپرسته اداره ونه منل شي، په ټاکنو کې به ګډون ونکړو-معترض نوماندان

خپور شوی

د

(Last Updated On: لړم ۳, ۱۴۰۱)

 د ولسمشریزو ټاکنو یو شمېر نوماندانو د سې شنبې پر ورځ( د چنګاښ ۴) په یوه اعتراضي غونډه کې له ولسمشره د واک پرېښودو او سرپرستې ادارې د جوړېدو غوښتنه وکړه.

له څو ورځو راپدیخوا دوی د حکومت ضد اعتراض د جوړیدو ګواښنه کړې وه او ستونې یې وپړسیدل، چې ولسمشر دې واک پریږدي؛ خو اوس را ټول شوي او له ولسمشره غواړي، چې واک پریږدي او سرپرسته اداره ومني.

په داسې حال کې، چې د سولې لپاره هڅې تېزې شوي؛ خو دوی حکومت تورنوي، چې د سولې دښمن دریځ یې نیولی.

د ولسمشریزو ټاکنو نوماند محمد حنیف اتمر، چې د ټاکنو یو کاندید دی، اوسنی حکومت نامشروع، ظالم او د سولې دښمن بولي.

د نوموړي د حرګندونو له مخې؛ د اوسني حکومت دوام ټاکنې او سوله ګواښي او نه یوازې د هېواد راتلوونکې ته لوی ګواښ دی، بلکې بې اتفاقۍ ته هم لمن وهي.

هغه وایي، هر نیک ګام، چې پورته شوی؛ حکومت یې نه یوازې مخالفت کړی، بلکې خنډ شوی یې هم دی.

د ولسمشریزو ټاکنو نوماند نورالحق علومي وایي، چې حکومتي مشران دې له سولې او خلکو سره لوبې نکوي او خنډونه دې هم نه رامنځته کوي.            

دغه راز د ولسمشریزو ټاکنو بل نوماند شهاب حکیمي ویلي، چې که پر اوسني حکومت ټینګار وشي؛ نو په ټاکنو کې به ګډون ونکړو او مخنیوي ته به یې هم ملاوې وتړل شي.

د ولسمشرۍ ماڼۍ د ویاند مرستیال شاه حسین مرتضوي وایي، چې دا غونډې ټاکنیز کمپاینونه ګڼل کیږي او په خبره یې مسوولین باید دې حالت ته پام ولري.  

دې ټولو څرګندونو ته په کتو ولیدل شي، چې حالات کوم لوری خپلوي؛ ولسمشر ته سترې محکمې ټر ټاکنو پورې د کار د دوام واک ورکړی؛ خو نوماندان یې نه مني.

خبریال: خالد نیکزاد

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!