Connect with us

تازه خبرونه

له طالبانو سره په خبرو کې لس هېوادونه ښکېل دي

خپور شوی

د

(Last Updated On: لړم ۳, ۱۴۰۱)

لس هېوادونه له وسلوالو طالبانو سره په اړیکو کې ښکېل شوي او د افغان سولې په اړه ور سره خبرې کوي.

د افغان سولې په اړه که څه هم لومړني ګامونه واشنګتن واخیستل؛ خو اوس شاوخوا لس هېوادونه لیواله شوي، چې له وسلوالو طالبانو سره اړیکې ټينګې کړي.

روسیه، ایران، عربي متحده امارات، سعودي عربستان، قطر، پاکستان، ازبکستان، چین، تاجکستان، هر یو په خپل وار له وسلوالو طالبانو سره اړیکې نیولي او خبرې یې ور سره کړې دي.

د نظر خاوندان د افغان دولت له ګډون پرته له وسلوالو طالبانو سره د افغان سولې پر خبرو نیوکې کوي؛ خو حکومت او د سولې عالي شورا وايي، چې له وسلوالو طالبانو سره د سیمې د هېوادونو هر ډول اړیکې له افغان حکومت سره په همغږۍ پیل شوې دي.

د جمعیت اسلامي د رهبرۍ غړی محمد اسماعیل خان وایي، چې سوله په حقیقت کې د پاکستان، عربستان او عربي متحده اماراتو مسوولیت دي؛ ځکه، چې پخوایې هم له طالبانو ملاتړ کړی او اوس هم روانې هڅي پر همدغو درې هېوادونو راڅرخي. د سیمې ګاونډ هېوادونه او پخپله حکومت هم باید په کې ګډون ولري.

د ملي وفاق بهیر مشر احمد ولي مسعود وایي؛ د سولې په خبرو کې، چې مونږ ځواکمن دریځ ونلرو؛ نشو کولی، چې له کمزوري دریځه د سولې ځواکمن بهیر وڅارو.  

وسلوالو طالبانو سره د سولې په وروستیو خبرو کې افغان حکومت په څنډه کې پاتې شوی او وسلوالو طالبانو یو شمېر ګاونډ او نږدې هېوادونو ته سفرونه کړي او دغو هېوادونو هم طالبانو ته د سیاسي مشروعیت په تر لاسه ورکولو کې مرسته کړې ده.

د وسلوالو طالبانو پخواني غړي سید اکبرآغا څرګنده کړې، چې د سولې په اړه پر نورو هېوادونو باور کول ښه کار ندی باید خبرې خپلمنځۍ او د افغانانو تر منځ وشي؛ ځکه ځمکه هغه سوځي، چې اور پرې بل وي.    

افغان حکومت او د سولې عالي شورا مسوولین وايي، چې له وسلوالو طالبانو سره د سیمې د هېوادونو اړیکې د دې لپاره ټينګې شوي، چې له افغان حکومت سره د وسلوالو طالبانو د سولې خبرو ته لار پرانیزي.

د اجرائيه ریاست د ویاند مرستیال امید میثم وایي؛ ټول هغه هېوادونه، چې پر طالبانو نفوذ لري باید له دغه نفوذه ګټه واخلي او طالبان د سولې خبرو ته وهڅوي.

د سولې عالي شورا مرستیال اسدالله زائیري وایي، چې د سولې لپاره روانې هڅې د سولې عالی شورا له هڅو سره توپیر نلري او بشپړوونکې یې دي.

تېره ورځ ایران او نن طالبانو ومنله، چې د طالبانو له پلاوی سره په تهران کې د افغانستان د سولې او ثبات په اړه خبرې شوې دي.

دغه راز ټاکل شوې، چې په نږدې راتلونکې کې وسلوال طالبان او امریکايي پلاوی د سعودي عربستان په جده کې هم پر افغان سوله خبرې وکړي. کابل دغې غونډې ته پلاوي استوي؛ خو طالبانو ویلي، چې له افغان پلاوي سره خبرې نکوي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!