تازه خبرونه
په تاجکستان کې د داعشیانو برید له افغانستان سره تړاو نلري- ملي دفاع وزارت
د افغانستان د ملي دفاع وزارت ویلي؛ د تاجکستان پوله ساتي ځواکونه ادعا کوي، چې شل داعشیان د کندوز له قلعه زال څخه دې هېواد ته ور اوښتي دي.
د تاجکستان دولتي خبرځي څرګنده کړې، چې د چارشنبې ورځې په لومړیو کې یوې وسلوالې ډلې له ازبکستان سره په پوله کې پر تاجکي ځواکونو برید کړی دی.
رسمي سرچینو د بریدګرو شمېر ۱۵ کسان ښوودلی، چې لږ وروسته د تاجکي پوله ساتو ځواکونو مطبوعاتي دفتر په ډاګه کړه، چې د لومړنیو څېړنو له مخې او د نیول شویو کسانو د اعتراف پربنسټ ټول برید ګر د داعش غړي وه.
دې مرکز دا هم ویلي، چې هغوی د افغانستان له قلعه زال څخه د نوامبر پر ۳ د تاجکستان قبادیان سیمې ته ورغلي وه، چې له پلازمېنې دوشنبې دوه سوه کیلو متره لیرې پرته ده.
د ملي دفاع وزارت ویاند روح الله احمدزی د تاجکي پوله ساتو ځواکونو دې ادعا ته په غبرګون کې ویلي؛ دا شل داعشیان په تاجکستان کې ول او د هغه هېواد پر یوې پوستې یې برید کړی، چې له افغانستان سره کوم تړاو نلري او تراوسه هم معلومه نده، چې دوی د کوم هېواد وګړي وه.
کارپوهان باوري دي، چې له تاجکستان سره په پوله کې د داعش حضور د شوروي تر نفوذ لاندې هېوادونو ته د خطر زنګ دی.
تر برید لاندې راغلې د عشق آباد سرحدي پوسته د رودکي اړوند سیمې ته نږدې ده، چې د پلازمېنې دوشنبې په سویل لویدیځ کې پرته ده.
د تاجکي ځواکونو مطبوعاتي دفتر زیاته کړې، چې بریدګرو پېنځه میله اتومات وسلې له دې پوستې وړي دي.
د دولتي سرچینو په وینا، د انتظامي او امنیتي ځواکونو په عملیاتو کې ۱۵ برید ګر وژل شوي او ۵ نور ونیول شول.
په دې عملیاتو کې یو پوله ساتی سرتېری او یو پولیس وژل شوي دي.
د ولسمشر سلاکار نبي مصداق ویلي؛ داعشیان د پاکستان له پولو افغانستان ته راغلي او اوس هڅول کیږي، چې له دې ځایه د تاجکستان خاورې ته وردننه او خپل عملیات پیل کړي.
د تاجکستان د کورنیو چارو وزارت ویلي، څلور برید ګر د رودکي د ایسنبای په کلي کې د تېښتې پر مهال نیول شوي دي.
د دې وزارت ویب سایت د برید تصویرونه خپاره کړي، چې په کې څلور موتر له منځه تللي او څو مړي هم لیدل کیږي. د تاجکستان د کورنیو چارو وزارت وایي، دا موتر او مړي د بریدګرو دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ