Connect with us

تازه خبرونه

په تاجکستان کې د (سیکا) پېنځمه ناسته تر سره شوه

Avatar

خپور شوی

 په

(Last Updated On: غبرګولى ۲۵, ۱۳۹۸)

د تاجکستان په پلازمېنه دوشنبه ښار کې د شنبې پر ورځ ( د غبرګولي ۲۵) د (سیکا ) پېمځمه ناسته جوړه او د هېواد اجرائیه رییس عبدالله عبدالله په کې ګډون او خبرې وکړې.

ښاغلي عبدالله د سیکا په ناسته کې د ترهګرو د خوندي ځالو په له منځه وړلو ټینګار کړی او وایي، چې له شته آسانتیاوو باید بې برخې شي.

هغه دغه راز ویلي، چې د ترهګرۍ پر وړاندې مبارزه د یوه هېواد کار ندی؛ باید په وړاندې یې ګډه سیمه ییزه مبارزه تر سره شي.

نوموړي دغه راز ویلي، چې امنیت، ثبات او هوسیاینې ته رسیدل له سیمه ییزې همکارۍ او همغږۍ پرته ناشونی کار دی.

ښاغلي عبدالله دغه راز په سیمه کې د تاوتریخوالي، د مخدره توکو د قاچاق، وسلوالو بریدونو او ګواښونو په اړه هم خبرداری وړاندې کړ او په دې اړه یې د مخنیوي لپاره د ګډې مبارزې وړاندیز وکړ.

اجرائیه رییس عبدالله دا هم څرګنده کړه، چې افغانستان د سولې تږی دی او سولې ته د رسیدو لپاره نه یوازې هر اړخیزې هڅې تر سره کوي، بلکې په دې اړه د سیمې هېوادونو هڅې هم ګټورې بولي.

ښاغلي عبدالله د آسیا د تعامل او اعتماد جوړونې په پېنځمه ناسته کې د ګډون لپاره پرون جمعه د تاجکستان پلازمېنې دوشنببې ته رسیدلی او د یادې ناستې په څنډو کې یې د آسیایي هېوادونو له یو شمېر مشرانو سره هم ولیدل.

دغه بنسټ په ۱۹۹۲ کال کې د سیمه ییز ثبات او امنیت خوندي کولو په موخه د قزاقستان د ولسمشر نورسلطان نظر بایوف په وړاندیز طرحه او په ۱۹۹۶ کال کې رسماً جوړ شو.

سیکا دمګړۍ ۲۲ غړي لري؛ افغانستان، ایران، پاکستان، قزاقستان، جنوبي کوریا، چین، روسیه، هند، فلسطین، مغولستان، قرقیزستان، ازبکستان، تاجکستان، آذربایجان او تایلند یې هم غړي هېوادونه دی.

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Avatar

خپور شوی

په

توسط

(Last Updated On: غبرګولى ۵, ۱۳۹۹)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

تازه خبرونه

آسټرالیا په نړۍ کې د انټرنیت تر ټولو چټک سرعت رامنځته کړ

Avatar

خپور شوی

په

توسط

(Last Updated On: غبرګولى ۵, ۱۳۹۹)

د موناش، سوینبرن او آر ام آی ټي پوهنتونونو څیړونکو د آپټیکل (نوري) چپ څخه د نړۍ ترټولو چټک او ګړندی انټرنیټي سرعت، چې په ثانیه کې د ۴۴ اعشاریه ۲ تیرابیت ظرفیت لري، رامنځته کړی دی.

یوه شننه چې د نیچر کمیونیکشنز په مجله کې خپره شوې ښیې چې په آسټرالیا کې د موناش، سوینبرن او آر ام آی ټي پوهنتونونو د څیړونکو یوې ډلې د انټرنیټ ترټولو چټک سرعت ایجاد او په بریالیتوب سره ازموینه هم کړې.

دا څیړنه ښیې چې د دې اختراع په کارولو سره، د معلوماتي ټیکنالوژۍ پدې سرعت سره، مونږ کولی شو په ثانیو کې ۱۰۰۰ لوړ کیفیته فلمونه ډاونلوډ کړو.

څیړونکو د انټرنیټ دا لوړه وړتیا د ۸۰ لیزرونو پر ځای چې دمخه د مخابراتي سیګنالونو لیږدولو لپاره کاریدل، یو د مایکرو کام یا نوري چپ په کارولو سره، لاسته راوړې ده.

د یادو موندنو له مخې، په دې ټکنالوژې سره به نه یوازې د آسټرالیا د مخابراتو ظرفیت ګړندی شي، بلکه په ټوله نړۍ کې به دغه ټیکنالوژي وکارول شي.

د دې موندنو پراساس، دغه ټیکنالوژي به په میلبورن، آسټرالیا او په نړۍ کې ترټولو لوړ انټرنیټ سرعت وي چې ملیاردونو پیرودوني به ترې خوند واخلي.

دا لومړی ځل دی چې یو مایکرو کام په داسې تجربه کې کارول شوی، او دا د نوري چپ څخه رامینځته شوي عنصر، د خورا ډیر معلوماتو ظرفیت لري.

ډاکټر بل کورکوران، چي د یادو څیړونکو له جملې څخه یو دې، داسی وایي: “موږ اوس په دې پوهیږو چې څنګه د انټرنیټ کارولو بې ساري شمیر له امله، په دوه یا دریو کلونو کې د انټرنیټ بیخبنا لا زیاته ګړندې کړو.”

Continue Reading

تازه خبرونه

طالبان د حکومت لخوا د ۲زرو بندیانو د خوشې کولو اعلان یو ښه ګام بولي

Avatar

خپور شوی

په

توسط

(Last Updated On: غبرګولى ۵, ۱۳۹۹)

طالبانو د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې د ۵ زرو بندیانو خوشې کول اړین ټکې دې.

د طالبانو د سیاسي دفتر ویاند سهیل شاهین د ټویټر له لارې د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې افغانانو د خپلمنځي خبرو د پیل لپاره د ۵ زرو بندیانو خوشې کول د دوحې په هوکړه منل شوې دي.

هغه لیکي: “د دوحې په توافقنامه کې د ۵ زرو بندیانو د خلاصون غوښتنه د دې لپاره وه چې د اعتماد مناسبه فضا رامنځته شي، باید دغه پروسه تکمیل شی څو د بین الافغاني مذاکراتو د پيل په مخکې خنډونه لیري شي.”

همداراز هغه زایته کړې چې طالبان “هم په خپله خوا کې د بندیانو خلاصون ته متعهد دی.”

دا په داسی حال کې ده چې تیره ورځ، د اختر له لمانځه وروسته، ولسمشر غني د طالبانو د درې ورځني اوربند اعلان په څواب کې وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

له بلی خوا، متحده ایالاتو هم د افغانستان د ولسمشر محمد اشرف غني لخوا د دې اعلان ستاینه کړې ده.

ولسمشر په خپل ټویټر کې لیکلي چې هغه د امریکې د بهرنیو چارو د وزیر مایک پامپیو څخه په دې مناسبت تلیفون اړیکه ترلاسه کړې او وایي: “هغه د افغان حکومت څخه د ۲زرو طالب بندیانو د خوشې کولو دغه زړوره پرېکړه وستایله. هغه تاکید وکړ چې متحده ایالات به د اوږد مهاله اوربند / د تاوتریخوالي کمول او د مستقیمو خبرو اترو د پیل لپاره ټینګار وکړي.”

د یادونې وړ ده چې حکومت د متحده ایالاتو او طالبانو ترمینځ افغانستان ته د سولې راوستلو د تړون له لاسلیک وروسته، ۱۵۰۰  طالب بندیان خوشې کړل. همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي. خو ښایي چې د امریکي استازي زلمي خلیلزاد تازه هڅې زرغونې شوي او دغه لړې بیا پیل کیږي.

Continue Reading

Trending