Connect with us

تازه خبرونه

له آریانا پرته نورې انځوریزې رسنۍ د فوتبال نړیوال جام سیالیو د خپرولو حق نلري

Ariana News

خپور شوی

 په

(Last Updated On: غبرګولى ۲۸, ۱۳۹۷)

آریانا تلویزیون د خپلې څارنې په لړ کې موندلې، چې  په روسیه کې د فوتبال نړیوال جام سیالۍ په غیر قانوني توګه لس نورې تلویزیوني رسنۍ هم خپروي.

په روسیه کې د دوه زره اتلسم کال د فوتبال نړیوال جام سیالۍ د غبرګولي له پېنځمې پیل شوي، چې په افغانستان کې یې د نشر او خپراوي حق د اطلاعاتو او فرهنګ وزارت او آریانا تلویزون تر منځ د یوه تړون له مخې یوازې آریانا تلویزون تر لاسه کړی دی.

آریانا تلویزیون د خپلې څارنې په لړ کې موندلې، چې لس نورې انځوریزې رسنۍ هم دغه سیالۍ په ناقانونه توګه خپروي.

د اطلاعاتو او فرهنګ وزارت مسوولین وايي، چې د سرغړوونکیو رسنیو سره به قانوني چلند وکړي.

آریانا تلویزیون د اطلاعاتو او فرهنګ وزارت ته مخکې له مخکې مکتوب استولی و، چې د فوتبال د نړیوال جام سیالیو د نشرولو حق یې تر لاسه کړی او نورې رسنۍ یې د خپرولو حق نلري.

فوتبال فدراسیون ته هم د یوه مکتوب په لړ کې خبر ورکړ شوی، چې د دغو سیالیو حق یوازې آریانا تلویزیون سره خوندي دی.

د افغانستان د کاپي رایت د قانون له مخې؛ نورې رسنۍ د انحصاري خپرونو، د خپرولو حق نلري؛ خو ظاهراً په افغانستان کې دغه قانون ته جدي پاملرنه نه کیږي.

تازه خبرونه

د ننګرهار له زندانه د خونړي برید پر مهال سلګونه داعش او طالب بندیان وتښتیدل

Ariana News

خپور شوی

په

توسط

Photo credit Reuters
(Last Updated On: زمری ۱۵, ۱۳۹۹)

د ننګرهار ولایت پر مرکزي زندان د یکشنبې په ماښامني برید کې ۸۰۰ طالب او داعش جنګیالي له بنده وتښتیدل.

د ولسي جرګې د غړي عبدالکریم کریمي د څرګندونو له مخې په دې برید کې د داعشیانو او طالبانو ۸۰۰ بندیان ورک دي.

د ولسي جرګې غړی عبدالکریم کریمي ویلي: د برید پرمهال په زندان کې ۱۷۰۰ بندیان ول، چې ټولو د تېښتې هڅه کړې؛ ۵۰۰ بندیان په زندان کې پاتې دي او نورو  د طالب، داعش او مجرمینو په ګډون ۸۰۰ بندیانو تېښته کړې ده.

د چارواکو د څرګندونو له مخې؛ په دې بندیانو کې سیاسي او جرمي بندیان او د طالبانو او داعش غړي هم ول. اوس داعش ادعا کوي، چې برید د دې ډلې د غړو لخوا ترسره شوی و او د بندیانو د تېښتې پخلی یې هم کړی دی.

د ننګرهار والي ویاند منلې، چې سلګونه بندیان تښتیدلي دي.

هغه ټینګار کړی، چې د چارواکو غفلت به بې ځوابه پاتې نشي.

د ننګرهار والي ویاند عطاالله خوږیاڼي زیاته کړې، د طالبانو، داعش او مجرمینو په ګډون په سلګونه بندیان ورک شوي دي.

سیمه ییزو چارواکو پر تېښته د بریالي شویو بندیانو د هویت او پېژندنې په اړه څه ونه ویل؛ خو د دوی له لټون او نیولو د عملیاتو په اړه یې معلومات ورکړل.

د ننګرهار ولایتي شورا غړیو ویلي، چې په ډېر شمېر طالب جنګیالي هم له بنده تښتیدلي؛ خو د برید کوونکیو لخوا له وژل شويو پېنځه بندیانو څخه درې د طالبانو قومندانان ول.

داعش په یوه شپني خپور شوي لیک کې له خلکو غوښتي، چې د بندیانو د څارنې لپاره دې پولیسو ته د دوی په پلورنځیو او کورونو کې د کمرو عکسونه نه ورکوي.

د ۱۱ وسلوالو بریدګرو، طالبان، یو شمېر ملکي وګړیو او پوځیانو په ګډون په دې خونړي برید کې ۴۱ کسان وژل شوي او ۵۰ نور ټپیان دي.

Continue Reading

تازه خبرونه

د افغانستان په پوهنتونونو کې سر له سبا حضوري زدکړې پیلیږي

Ariana News

خپور شوی

په

توسط

(Last Updated On: زمری ۱۴, ۱۳۹۹)

د ولسمشر ویاند ویلي؛ د کابینې د پرېکړې له مخې، د لوړو زدکړو وزارت طرحه د پوهنتونونو بیا پرانستې ته وروستۍ شوې؛ خو ښوونځي اوس هم نه پرانیستل کیږي.

په هېواد کې د کرونا وبا له رامنځته کیدو وروسته ځینو ښوونیزو او تحصیلي بنسټونو انلاین درسونه پیل کړل؛ خو اوس د کرونا وبا پېښې مخ په  کمیدو دي؛ ځکه، نو کابینې پرېکړه کړې ، چې د زمري له ۱۵ به په حضوري ډول پوهنتونونه د زدکړو لپاره پرانیستل شي.

د ولسمشر ویاند صدیق صدیقي ویلي؛ د لوړوزدکړو وزارت د طرحې له منل کیدو وروسته پرېکړه وشوه، چې سبا ته روغتیایي سپارښتونو ته په پاملرنه پوهنتونونه بیا پیل شي.

پوهنې وزارت هم د ښوونځیو بیا پرانیستو لپاره طرحه وړاندې کړې، چې په کابینه کې پرې وروستۍ پرېکړه ونه شوه.

د عامې روغتیا وزارت ویاند اکمل سمسور په دې اړه ویلي، چې د ښوونځیو او پوهنتونونو درسونه دې په تدریج سره پیل شي.

زدکړیالان هم خوښ دۍ او وایي، چې روغتیایي سپارښتنې باید رعایت شي.

وبه کتل شي، چې روغتیایي سپارښتنې به د زدکړیالانو لخوا رعایت شي او که نه.

Continue Reading

تازه خبرونه

د لبنان بیروت ښار یوې زورورې چاودنې ولړزاوه

Ariana News

خپور شوی

په

توسط

(Last Updated On: زمری ۱۴, ۱۳۹۹)

د ځایي سرچینو د څرګندونو له مخې؛ د لبنان ښار د بندر په اړوند سیمه کې زوروره چاودنه رامنځته شوې ده.

د چاودنې بڼه په ډاګه شوې نده او نه هم د تلفاتو په اړه څه ویل شوي دي.

چاودنه دومره زوروره وه، چې د اړوند سیمې د کورونو او ودانیو ښیښې یې ماتې کړې او مالي زیانونه یې اړولي دي.

د پېښې یو لیدونکي رویترز خبري سرچینې ته ویلي: زه د بیروت پر ښار د اور لمبو  او لوګیو د راپورته کیدو لیدونکی وم؛ خلک له اړوند سیمې تښتیدل او پر چغو چغو یې ژړل. د کورونو بالکنونه را وغورزیدل او د لوړپوړو ودانیو ښیښې کوڅو او سړکونو ته راولویدې.

سیمه ییزو رسنیو د دغه هېواد د روغتیا وزارت له قوله ویلي؛ د زیانونو شمېر خورا ډېر دی او په ډېر شمېر خلک ټپیان دي.

ویل کیږي، چې چاودنه د بېلابېلو ګودامونو او زیرو په اړوند سیمه کې رامنځته شوې او تر دې دمه د پوره ځاني او مالي زیانونو شمېر په ډاګه شوی ندی.

Continue Reading

Trending