Connect with us

تازه خبرونه

ښځې باید د سولې په خبرو کې ډېره او معنالرونکې ونډه ولري-موندنې

خپور شوی

د

(Last Updated On: لړم ۳, ۱۴۰۱)

د افغانستان د بشر حقونو خپلواک کمیسیون له افغان حکومت، د سولې له مشورتي لویې جرګې او نورو بنسټونو غواړي، چې د سولې په خبرو کې د ښځو رول په پام کې ونیسي.

د بشر حقونو خپلواک کمیسیون د سولې مشورتي لویې جرګې د جوړیدو په درشل کې د ۳۳ ولایتونو د ښځو د ملي څېړنې لومړنۍ موندنې خپرې کړې، چې د سولې په بهیر کې د ښځو او جګړې د قربانیانو د ونډې غوښتنه لري او وایي، که د سولې په بهیر کې عدالت تامین نشي؛ تاوتریخوالی به نور هم روان وي.

په دې څېړنه کې د سولې او امنیت په اړه د ښځو لیدلوری، تلپاتې سوله، چې عدالت او د قانون حاکمیت تامین کړي، د سولې په خبرو کې د مهمو موضوعاتو په اړه خلکو ته پوهاوی، د سولې په خبرو کې د ښځو د رول پراختیا، خپلو بشري حقونو ته د خلکو لاسرسی او د تر سره شویو جنایتونو څېړنه د ټینګار وړ دي.

د سولې په خبرو کې د ښځو اندېښنه داده، چې طالبان د ښځو په اړه خپل پخوانی دریځ تکرار نکړي، د کلیوالي ښځو حقونو ته نه پام او د قربانیانو حقونو په برخه کې د عدالت نه تامین په دې څېړنه کې د ښځو لویې اندېښنې ښودل شوې دي.

د افغانستان د بشر حقونو خپلواک کمیسیون رییس سیما سمر وایي: ښځې غواړي، چې نرینه باید د سولې په خبرو کې د ښځو له استازیتوب ډډه وکړي؛ ځکه د ښځو له ګډون او معنا لرونکې ونډې پرته به له طالبانو سره سوله پایله ونلري.          

هغې زیاته کړې، چې: که پر عدالت سترګې پټې شي په هېواد کې به د شخړې نه غوښتونکی پېر بیا راوګرځي؛ د زیانمنو خلکو درد و غم به نور هم ډېر شي او اړ دي، چې خپله دفاع پخپله وکړي.   

ښځو پدې څېړنه کې له افغان حکومت، د سولې له مشورتي جرګې، مدني بنسټونو او نورو ښکېلو بنسټونو غوښتي، چې د دوی غوښتنو ته پوره پاملرنه به د سولې بهیر ته ډ‌ېر مشروعیت ورکړي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!