تازه خبرونه
ټاکل شوې، چې په پاکستان کې د طالبانو او خلیلزاد خبرې پیل شي
سبا (دوشنبه د لیندۍ ۲۶) په پاکستان کې د وسلوالو طالبانو او د افغانستان د سولې لپاره د امریکا د ځانګړي استازي زلمي خلیلزاد تر منځ مخامخ خبرې پیلیږي.
د دوشنبې پر ورځ د افغانستان د ګاونډ هېواد پاکستان پر هڅو وسلوال طالبان د افغانستان د سولې لپاره د امریکا د ځانګړي استازي خلیلزاد سره خبرو ته کښيني.
د افغانستان د بهرنیو چارو وزارت له دغو خبرو ملاتړ کوي او وايي، چې پر پاکستان د امریکا فشارونه به په افغانستان کې د سولې زمینه برابره کړي.
د افغانستان د بهرنیو چارو وزارت ویاند صبغت الله احمدي وايي؛ امریکا پر پاکستان فشار راوړی، چې وسلوال طالبان د سولې خبرو ته کښینوي. د افغان سولې په اړه د امریکا هر ډول هڅې له افغان دولت سره په همغږۍ تر سره کیږي.
په کابل کې د اسلام اباد، او بیجینګ د بهرنیو چارو وزیرانو په درې اړخیزه غونډه کې هم د پاکستان د بهرنیو چارو وزیر ژمنه وکړه، چې د افغان سولې لپاره به وسلوال طالبان د سولې خبرو ته حاضر کړي.
د بهرنیو چارو وزارت مسوولین هیله لري، چې په پاکستان کې د امریکايي استازي او طالبانو تر منځ خبرې به د افغانانو تر منځ خبرو ته زمینه برابره کړي.
د سولې عالي شورا ویاند احسان طاهري اوس هم د پاکستان پر نیت شک لري او وایي، چې پاکستان تر دې دمه یوه ژمنه هم پوره کړې نده. هیله من یو، چې د امریکا لپاره لږ تر لږه خپلې ژمنې پلې کړي.
دلته په کابل کې د چین او پاکستان د بهرنیو چارو وزیرانو په درې اړخیزه غونډه کې د پاکستان د بهرنیو چارو وزیر ژمنه وکړه، چې د افغانستان د سولې له بهیر سره هر ډول همکاریو ته تیار دی ان تر دې، چې وسلوال طالبان به د سولې خبرو ته حاضروي او ترهګر به له منځه وړي؛ خو دلته تمه دا ده، چې د پاکستان ژمنې باید عملي بڼه غوره کړي.
د حزب اسلامي د رهبرۍ غړي وایي، چې مونږ هیله من یو، چې خبرې پایله ورکړي او سوله رامنځته شي.
پاکستان وايي، چې کابل او اسلام آباد باید په تېرو پسې ولاړ نشي او راتلونکي ته فکر وکړي او د ډاډ وړ فضا رامنځته کړي.
ویل کیږي، چې د سولې په دې خبرو کې به د قطر استازي هم برخه ولري.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو