Connect with us

تازه خبرونه

ټاکل شوې، چې د شنبې پر ورځ د سولې اووم پړاو خبرې پیل شي

خپور شوی

د

(Last Updated On: لړم ۳, ۱۴۰۱)

ټاکل شوې، چې د شنبې پر ورڅ( د چنګاښ ۲۹) د طالب استازیو او امریکایانو تر منځ د اووم پړاو خبرې پیل شي.

د شنبې پر ورځ طالب استازي او امریکایان بیا د قطر په دوحه کې د اووم ځل لپاره خپلمنځيو خبرو ته کیني او پر اختلافي مسایلو؛ د ځواکونو د ویستو لپاره پر مهالوېش او په ترهګرۍ ضد هڅو کې د ښکېلتیا پر تضمین بحث او خبرې کیږي.

طالبانو منلې، چې سبا د شنبې پر ورځ به له امریکایي پلاوي سره د طالب استازیو لخوا د قطر په مرکز دوحه کې د اووم پړاو خبرې پیل شي.

په کابل کې لدې ناستې تمې ډېرې زیاتې دي او ځینې؛ خو وایي، چې دا خبرې برخلیک ټاکوونکې دي.

یو شمېر سرچینو ویلي، چې د امریکا د بهرنیو چارو وزیر مایک پمپیو کابل ته په خپل سفر کې حکومتي مشرانو او سیاسي څېرو ته قناعت ورکړی، چې له ټاکنو مخکې له طالبانو سره هوکړې ته چمتو شي؛ خو  د اووم پړاو پیلیدونکیو خبرو په تړاو ناهیلۍ هم زیاتې دي.

په کابل کې دا تمې هم شته، چې د دې پړاو خبرې به ډېرې ګټورې ثابتې شي او دا هم ویل کیږي، چې ښایي دا ځل ناسته برخلیک ټاکوونکي ووسي.

د حزب اسلامي غړی همایون جریر وایي: که د اووم پړاو خبرې له تمې سره سمه پایله ولري؛ د افغانانو تر منځ خبرو ته به زمینه برابره کړي.     

دې ناستې ته د خوشبینو تر څنګ ناهیلۍ هم شتون لري، نا هیلۍ دا دي، چې که  دا خبرې بې پایلې پاتې شي، د سولې بهیر به له بندون سره مخ شي.

سیاسي مخکښ نظر محمد مطمئن وایي، چې که په اووم پړاو خبرو کې طالبان او امریکایان غوره پایلې ته ونه رسیږي؛ ډېر احتمال شته، چې د طالب او امریما تر منځ د سولې په خبرو کې اوږد ځنډ رامنځته شي.

د امریکا د بهرنیو چارو وزیر مایک پمپیو  کابل ته په خپل وروستي سفر کې هیله څرګنده کړه، چې په شاوخوا درې میاشتو کې به له طالبانو سره یو جورجاړي ته ورسیږي. هغه دا هم ویلي؛ دوی چمتو دي، چې ځواکونه له افغانستان څخه وباسي، خو په وینا یې دا پرېکړه به مشروط وي.

زلمي خلیلزاد ویلي؛ تر هغې، چې پر ټولو مواردو هوکړه نه وي شوي، په هیڅ مورد هوکړه نکیږي. یعنې پر څلور واړو خبرو باید یوه هوکړه وشي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!