Connect with us

تازه خبرونه

ټاکل شوې، چې ډېر ژر د امریکا او طالبانو د اووم پړاو خبرې پیل شي

خپور شوی

د

(Last Updated On: لړم ۳, ۱۴۰۱)

ټاکل شوې، چې ډېر ژر د قطر په  پلازمېنه دوحه کې د امریکا او طالبانو تر منځ د سولې د اووم پړاو خبرې پیل شي.

دا ځل کابل ته د افغان سولې لپاره د امریکا د ځانګړي استازي زلمی خلیلزاد سفر له پخوانیو سفرونو اوږد شو. خلیلزاد به له وسلوالو طالبانو سره د اووم پړاو خبرو د ترسره کولو لپاره ډير ژر قطر ته ولاړ شي.

طالبانو ته نږدې سرچیني وايي، چې طالبان به د پخوا په شان له افغانستان څخه د بهرنيو سرتېرو پروتلو او له افغانستان څخه د امریکا په ګډون نورو هېوادونو ته د ګواښ پر نه پېښولو خبرې وکړي.

که څه هم خلیلزاد تمه لري، چې په دغه پړاو کې د افغانانو خپلمنځي خبرې او اوربند هم شامل کړي؛ خو سیاسي هڅاند نظر محمد مطمین ویلي، چې طالبان به یوازې له افغانستان څخه د امریکايي سرتېرو پر وتو او دا، چې له افغانستان څخه به امریکا ته ګواښ نه پیښيږي، خبرې وکړي.

دا اټکل هم شته، چې له دغو خبرو وروسته به د جرمني پر هڅو او د قطر په کوربتوب د افغانانو خپلمنځي خبرې هم پیل شي.

د طالبانو د واکمنۍ د امر باالمعروف رييس مولوي قلم الدین وایي؛ تر دې دمه داسې زمینه نده برابره شوې، چې د حکومت استازي د حکومتي استازیو په توګه د افغانانو په خپلمنځي خبرو کې ګډون وکړي.

له دې ټولو سره سره دا ځل تمې داسې دي، چې زلمی خلیلزاد او طالب استازي به په اووم پړاو خبرو کې له افغانستان څخه د امریکايي سرتېرو پر وتو او له افغانستان څخه امریکا ته د ګواښ د نه پښيدو په ډاډ هوکړې ته ورسیږي.

د ولسي جرګې غړی عبدالرحمن وردګ وایي؛ تمه ده، چې داځل د افغانانو خپلمنځي خبرو ته زمینه برابره شي، ځکه پرته لدې سوله ناشونې ده.  

د سولې د خبرو او هڅو یوه برخه دا ده، چې وسلوال طالبان او افغان حکومت اوربند ته کښیني؛ خو د طالبانو رهبر وار دمخه ویلي، چې په افغانستان کې جګړه موخې ته د دوی له رسیدو سره تړاو لري.

خبریال باعث حیات

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!