Connect with us

لوبی

محمد نبي عیسی خېل د کرکت ملي او نړیوال ویاړ دی

Ariana News

خپور شوی

 په

(Last Updated On: وری ۱۵, ۱۳۹۸)

د بدني روزنې کارپوهانو د سپورت ډګر ته ډېرې له ویاړه ډکې ځوانې څېرې وړاندې کړي، چې یوه یې هم د افغانستان د کرکت د ډګر د ملي لوبډلې بریالۍ او ځوانه څېره محمد نبي عیسی خېل دی، چې په ملي او نړیواله سطحه له ملي او نړیوال ویاړ برخمن شوی دی.

د کرکت ملي لوبډلې دغه اتل د ۱۳۶۳ لمریز لیږدیز کال د مرغوي پر ۱۱ د سې شنبې پر ورځ په لوګر ولایت کې دې نړۍ ته سترګې وغړولې او اوس، چې ۳۴ کلن دی د کرکت د لوبو د مخکښ په توګه نورو ته نه یوازې په دې اړه خپلې تجربې وړاندې کوي، بلکې د بهرنیو لوبډلو لخوا په بېلابېلو لیګونو کې د لوبیدو لپاره پر لوړه بیه هم لوبې تر سره کوي.

هغه د کرکت لوبه د پاکستان په خاورین ډګرونو کې پیل کړه او د نوي حکومت له رامنځته کیدو سره سم هېواد ته راستون شو او مسلکي لوبې یې تر سره کړې.

نوموړی نه ستړی کیدونکیو پرلپسې هڅو اړ کړ، چې د کرکت د ډګر بېلابېل پړاوونه ووهي او په ۲۰۰۹ کال کې یې د ملي لوبډلې غړیتوب تر لاسه او آسماني رنګه جامې یې پر غاړه کړې.

ښاغلي نبي له همدې جامو سره د سکاتلند پر وړندې خپله بهرنۍ لوبه بریالۍ تر سره کړه. په ملي لوبډله کې د ده بریالۍ ځلیدنې سرښوونکي خوښ کړل او د درې کلونو لپاره د آسماني رنګه زمرو ډلمشري ور په برخه شوه.

هغه د پاکستان په کستومس لوبډله کې هم درې کاله لوبیدلی  او دوه کاله له نړیوالو ډګرونو لیرې پاتې شوی دی. په ۲۰۱۳ کال کې یې د موها میدان سپورتنګ کلپ له غړیتوب سره د لوبو ډګر ته راووت او پر همدې کال یې سیلهت رویالز لوبډلې ته لوبه وکړه.

په ۲۰۱۵ کال کې یې د رانجپور ایدرز لوبډلې جامې تر غاړه کړې او په بنګلدیش لیګ کې ډګر ته راووت او یو کال وروسته هم په بنګلدیش کې د چیتاګونګ ویکنز په لوبډله او بیا د پاکستان د کویتې ګلادیاتورز په حرفه یي لیګ کې یې سیالیو ته ورودانګل.

۲۰۱۷ هغه کال و، چې محمد نبي عیسی خېل د بنګله دیش لیګ کومیلاویکتورینز لوبډلو په جوړښت کې، د هند د حیدرآباد سنرایزرز، د هېواد د مس عینک شپږیزې، د کارایب لیګ اس تي کیتس اند نویس پتریوس او په آسترالیا کې د ملبورن رانجدز میدان ته وردننه شو او له هماغه کال راپدیخوا د حیدر آباد د سنرایزرز او ملبورن رانجدز د لوبډلو غړیتوب ور په برخه دی.

محمد نبي به د هند د کرکت د غوره لیګ د سیالیو په دې څپرکي کې د حیدرآباد لوبډلې جامې واغوندي. په تېر څپرکي کې د راشد خان تر څنګ د محمد نبي ځلیدو ټول حیران کړي وه، چې د لوبو په اوسني څبرګې کې به هم د هند د کرکت د غوره لیګ لوبو ته پر ۱۰۰ لکه هندي کلدارو د سنرایزرز حیدرآباد لپاره ولوبیږي.

ویل کیږي، چې تر دې دمه محمد نبي عیسی خېل یوه تست لوبه، ۱۱۱ یوه ورځنۍ لوبې، ۶۸ نړیوالې ۲۰ آوریزې لوبې او ۳۳ لومړۍ درجه لوبې کړي او دغه راز ۲۷۵ ویکتې یې له نامه سره ثبت شوې دي.

تازه خبرونه

امریکا د کرام الدین کریم د نیولو غوښتنه کړې

Ariana News

خپور شوی

په

توسط

(Last Updated On: وږی ۲۰, ۱۳۹۹)

امریکا د فوتبال فدراسیون د پخواني مشر کرام الدین کریم د نیولو او محاکمه کیدو غوښتنه کړې ده.

په کابل کې د امریکا سفارت چارسمبالي راس ویلسن په خپل تویت کې څرګنده کړې، چې فیفا بنسټ کرم الدین کریم د جنسي ځورونې د جرم پر تور محکوم کړی دی.

هغه په ډاګه کړې: امریکا د هغو زړورو ښځینه فوتبالرانو لپاره عدالت غواړي، چې خپل ژوند یې په خطر کې اچولی او مخ پروړاندې ګام یې پورته کړی. د افغانستان قضائیه قوه دې په دې اړه خپله دنده سرته ورسوي.

ویلسن په دې باور دی، چې: قربانيان د محاکمو له لارې د عدالت غوښتنې حق لري.

دا په داسې حال کې ده، چې د افغانستان امنیتي ځواکونه په پنجشېر ولایت کې د نوموړي پر نیولو بریالي نشول.

ویل کیږي، چې د عملیاتو په بهیر کې د پولیسو او د کریم د ټوپکوالو تر منځ نښتې هم وشوې او اړوند عملیات ناکام تر سره شول.

 پېښې وروسته د پنجشېر د ولایت چارسمبالي محمد امین صدیقي وویل، چې عملیات د پنجشېر له سیمه ییزو چارواکو سره له  همغږۍ پرته پیل شوي وه.

د روان کال په جولای میاشت کې ولسمشر غني د پنجشېر له خلکو وغوښتل، چې کریم دې د قانون پلي کولو لپاره له دې ولایته وباسي.

کرام الدین کریم یو کال مخکې د هېواد د فوتبالرونجونو پر جنسي ځورولو تورن شو او د نیولو امر صادر شوی دی.

Continue Reading

تازه خبرونه

د افغانستان د روڼتیا څار بنسټ په کرکت شورا کې له فساده پرده پورته کړه

Ariana News

خپور شوی

په

توسط

(Last Updated On: وږی ۱۷, ۱۳۹۹)

د افغانستان د روڼتیا څار بنسټ د هېواد په کرکت بورډ کې له پراخ اداري فساده خبر ورکوي.

د دغه بنسټ د څرګندونو له مخې؛ د افغانستان کرکت بورد د روڼتیا، حسابورکولو او د اداري فساد پروړاندې د مبارزې کړنلارې نلري.

د دې ادارې څېړنې او موندنې ښیي، چې د افغانستان په کرکت بورډ کې د ګمارنې بهیر د پوښتنې وړ دی.

د افغانستان د روڼتیا څار بنسټ موندنې ښیي، چې کرکت بورد د ښځو د کرکت د ودې او پراختیا لپاره که څه هم د نړیوالې ټولنې مرستې ترلاسه کړي؛ خو بریالی شوی ندی، چې ان د ښځینه لوبغاړیو لپاره فزیکي بېخبناوې چمتو کړي.

د افغانستان د روڼتیا څار بنسټ ویلي، چې دغې څېیړنې ان څو میاشتې وخت نیولی؛ ځکه، چې د افغانستان کرکت لوبډله د معلوماتو په چمتو کولو کې زړه نازړه وه. همدا علت دی، چې معلوماتو ته د لاسرسي کمیسیون په دې اړه لاسوهنه کړې ده.

د افغانستان د روڼتیا څار بنسټ اجرائیوي مشر سید اکرام افضلي ویلي: د افغانستان کرکت بورد له بېلابېلو مدیریتي ستونزو سره مخ دی؛ لومړۍ او خورا مهمه مسله د دې ادارې په مشرتابه شورا کې د ګومارنې د بهیر سیاسي کول او په اجراییه کچه کې تکراري بدلونونه دي.

په دې راپور کې د افضلي د څرګندونو له مخې ویل شوي؛ د افغانستان ولسمشر، چې د بورد د مشر د ټاکلو حق لري، په بورد کې د مشرتابه د بدلون لپاره په روڼتیا او حساب ورکولو کې پاتې راغلی او هیڅکله یې په مشرتابه کې د بدلون لامل ندی وړاندې کړی.

د افغانستان د روڼتیا څار بنسټ د څرګندونو له مخې، ولسمشر په تېرو شپږ کلونو کې څلور ځله د کرکت بورد مشر بدل کړی او هیڅ یو مشر یې هم پر فساد له تورنیدو پرته بل ښه ریکارد نلري.

په راپور کې راغلي؛ سربېره پردې حکومت د بورد له غړیو هیڅ راز کاري ارزونه هم نه ده ترسره کړې.

دغه بنسټ زیاته کړې، چې په نورو هېوادونو کې د کرکت مشران د ټاکنو له لارې د درې یا پنځو کلونو لپاره  غوره کیږي.

دې ادارې زیاته کړې، چې افغانستان په کرکت بورد کې اصلاحاتو ته اړتیا لري.

دغه بنسټ له ولسمشره د کرکت بورد په قانون کې د تعدیل غوښتنه کړې او د دې شورا غړیو ته دې کاري کلونه وټاکي او د دې ادارې د رهبرۍ په شورا کې د ګومارنې بهیر هم روښانه کړي.

Continue Reading

تازه خبرونه

ښایي په دسمبر میاشت کې د افغانستان او آسترالیا کرکت تیست لوبه تر سره شي

Ariana News

خپور شوی

په

توسط

(Last Updated On: وږی ۴, ۱۳۹۹)

د آسترالیا کرکت ملي لوبډله او د افغانستان کرکت بورد د دغه هېواد په پرت ښار کې پر تر سره کیدونکې سیالۍ مشورې کوي.

د دغه هېواد سپورت سایت څرګنده کړې، چې دا اوس هم روښانه نده، چې آیا د ورځې اوشپې تیست سیالۍ به ترسره شي او که نه.

د کرکت نړیوالې کمیتې د پروګرام له مخې؛ ټاکل شوې وه، چې استرالیا د نومبر په میاشت کې د T20  نرینه نړیوال جام له لغو کیدو وروسته د افغانستان کوربتوب وکړي؛ خو د کرونا ویروس د خپریدو له کبله، لوبې یا لغو شوي او یا پوره ځنډیدلي دي.

په راپور کې راغلي، چې ون ـ آف سیالۍ د کرکت نړیوالې د کپ په تیست لوبو کې نه راځي. دا سیالۍ د نړۍ د غوره ۹ لوبډلو ترمنځ ترسره کیږي، چې د افغانستان، آیرلیند او زمبابوې لوبډلې په کې ونډه نلري.

د آسترالیا تورنمنت په کرکت نړیواله کمیته کې د افغانستان له پوره غړیتوب وروسته دا پېنځمه لوبه ده.

افغانستان بیا هند او ویست اندیز ته وبایلله، خو له ایرلیند او بنګله دیشه یې وګټله.

Continue Reading

Trending