Connect with us

تازه خبرونه

کاري جرګه ګیو د مشورتي جرګې عمومي ناستې ته خپل راپورونه وړاندې کړل

Ariana News

خپور شوی

 په

(Last Updated On: غویی ۱۲, ۱۳۹۸)

د سولې مشورتي لویې جرګې یو پنځوس کاري جرګه ګیو پر څلورمه ورځ خپل کاري راپورونه له اوښکو سره مل عمومي ناستې ته وړاندې کړل، چې ټول د جګړې د پای درمل ګڼل کیږي.

د سولې مشورتي لویې جرګې کاري جرګه ګیو له طالبانو سره د حکومت د سولې خبرو پرڅرنګوالي د مشورو تر څنګ، د مرکچي پلاوي ټاکل، د تېرو لاسته راوړنو او ارزښتونو ساتنه او د ترهګرو د ملاتړو هېوادونو په وړاندې دریځ هغه  نورې غوښتنې وې، چې سولې ته د رسیدو په خاطر مطرح شوې.

په روژه کې اوربند، د سولې عالي شورا لغوه کول، د نړیوالو ځواکونو وتل، د کورني اجماع را منځته کیدل، د ترهګرو پر ملاتړو هېوادونو فشار، د طالبانو د مشروع غوښتنو منل او له طالبانو څخه د هوکړه لیک پر مهال د تضمین اخیستل په هېواد کې د جګړې پای ته رسولو لپاره د سولې مشورتي لویې جرګې د برخه والو مهمې غوښتنې وې.

د سولې مشورتي جرګې د شلمې جرګه ګۍ مشره صفیه صدیقي وایي: طالبانو پسې مه ګرزئ! راځئ لومړی په خپلو کې جوړ شئ، چې په خپلو کې هوکړه ولرئ؛ د سولې په اړه امریکا او نورو هېوادونو ته اړتیا نشته.

د سولې مشورتي لویې جرګې رییس د جرګې د برخه والو وړاندیزونه سولې ته د رسیدو کیلي بولي.

د سولې مشورتي لویې جرګې رییس عبدرب الرسول سیاف وایي، د جرګې د ټولو ګډونوالو غوښتنې به د سولې په بهیر کې د پام وړ وي.

ښاغلی سیاف زیاته کړې، چې ستاسې رایې او نظرونه د ټینګار وړدي؛ دولت تاسې ته مخ اړولی، چې مونږ غواړو روغې جوړې ته وړاندې شو، تاسې د روغې جوړې پلان وړاندې کړ او په دې اړه هیڅوک نشي کولی، چې خپل ځانګړی نظر وتپي.

ټاکل شوې د  سولې مشورتي لویې جرګې وروستۍ اعلامیه د جمعې پر ورځ د جرګې د غړیو له تائید وروسته ډاګیزه او حکومت ته وسپارل شي، وبه کتل شي، چې دا وړاندیز د سولې په بهیر کې عملي کیدای شي او د جګړې پای ته رسولو کې  به مرسته وکړي او که نه.

خبریال: خالد نیکزاد

تازه خبرونه

د لبنان بیروت ښار یوې زورورې چاودنې ولړزاوه

Ariana News

خپور شوی

په

توسط

(Last Updated On: زمری ۱۴, ۱۳۹۹)

د ځایي سرچینو د څرګندونو له مخې؛ د لبنان ښار د بندر په اړوند سیمه کې زوروره چاودنه رامنځته شوې ده.

د چاودنې بڼه په ډاګه شوې نده او نه هم د تلفاتو په اړه څه ویل شوي دي.

چاودنه دومره زوروره وه، چې د اړوند سیمې د کورونو او ودانیو ښیښې یې ماتې کړې او مالي زیانونه یې اړولي دي.

د پېښې یو لیدونکي رویترز خبري سرچینې ته ویلي: زه د بیروت پر ښار د اور لمبو  او لوګیو د راپورته کیدو لیدونکی وم؛ خلک له اړوند سیمې تښتیدل او پر چغو چغو یې ژړل. د کورونو بالکنونه را وغورزیدل او د لوړپوړو ودانیو ښیښې کوڅو او سړکونو ته راولویدې.

سیمه ییزو رسنیو د دغه هېواد د روغتیا وزارت له قوله ویلي؛ د زیانونو شمېر خورا ډېر دی او په ډېر شمېر خلک ټپیان دي.

ویل کیږي، چې چاودنه د بېلابېلو ګودامونو او زیرو په اړوند سیمه کې رامنځته شوې او تر دې دمه د پوره ځاني او مالي زیانونو شمېر په ډاګه شوی ندی.

Continue Reading

تازه خبرونه

د جنسي تېري په اړه له طالبانو سره په نښته کې ۳ عام وګړي وژل شوي

Ariana News

خپور شوی

په

توسط

(Last Updated On: زمری ۱۴, ۱۳۹۹)

تخار د پولیسو ویاند ویلي؛ د تخار په خواجه غار ولسوالۍ کې د خلکو او طالبانو ترمنځ په نښته کې درې ملکي وګړي وژل شوي او درې نور ټپیان دي.

د تخار پولیسو ویاند خلیل اسیر ویلي؛ د دوشنبې پر ورځ مازیګر مهال د تخار ولایت د خواجه غار ولسوالۍ خلکو د دې ولسوالۍ په دارالعلوم سیمه کې د طالبانو پر یوه زندان برید وکړ، چې پر دوه تنکيو نجونو د جنسي تېري عاملان ونیسي او سزا ورکړي؛ خو د طالبانو په ډزو کې درې عام وګړي وژل شوي او درې نور ټپیان دي.

دا په داسې حال کې ده، چې دوه اوونۍ وړاندې د خواجه غار ولسوالۍ یوه اوسیدونکي ادعا وکړه، چې طالبانو یې پر دوه تنکیو لوڼو جنسي تېری کړی؛ خو طالبانو دغه ادعا نده تائید کړې.

طالبانو پر زندان د برید او اوښتي ځاني زیان په اړه تر دې دمه څه ندي ویلي.

Continue Reading

تازه خبرونه

د داعش نوی مشر د حقاني شبکې غړی دی – اندرابي

Ariana News

خپور شوی

په

توسط

(Last Updated On: زمری ۱۴, ۱۳۹۹)

د کورنیو چارو وزارت چارسمبالي مسعود اندرابي تېره شپه ویلي، چې د داعش نوی مشر  شهاب المهاجر د حقاني شبکې غړی دی.

اندرابي په خپل تویت کې څرګنده کړې: حقاني شبکه او طالبان هره ورځ په ټول افغانستان کې خپل ترهګریز فعالیتونه ترسره کوي او کله، چې د دوی فعالیتونه د دوی د سیاست خلاف وي؛ نو بیا دغه هڅې د داعش تر نامه لاندې ترسره کوي

د اندرابي دغه څرګندونې له هغې وروسته په ډاګه کیږي، چې امنیتي ځواکونو د ننګرهار ولایت پر مرکزي زندان د داعش برید شنډ کړ.

دغه برید د یکشنبې پر شپه شاوخوا ۷ بجې پیل او د دوشنبې تر مازیګړه روان و.

برید کونکو لومړی د ننګرهار محبس ته د ننوتلو پر مهال یو موتر بم برید تر سره کړ او بیا د زندان ودانۍ ته ننوتل.

داعش د برید مسوولیت منلی دی.

یکشنبه په ټول هېواد کې د طالبانو او افغان حکومت تر منځ د اوربند درېیمه او وروستۍ ورځ وه. په دې برید کې د ملکیانو په ګډون ۳۰ امنیتي ځواکونه او بندیان وزل شوي دي.

په هر حال، د برید پرمهال یو شمېر بندیان تښتیدلي؛ خو امنیتي ځواکونه وايي، چې دوی په سلګونه بندیان بېرته نیولي دي.

برید یوه ورځ وروسته له هغې تر سره شوی، چې د افغانستان د ملي امنیت ریاست ځانګړیو ځواکونو د جلال آباد ښار ته نږدې د داعش د استخباراتو لوړ پوړی غړی اسدالله اورکزی وواژه.

Continue Reading

Trending