Connect with us

پرمختګ او بشپړتیا

کابل ښاروالۍ په ۱۳ ناحیه کې د ۱۵ پروژو کار پیل کړ

Ariana News

خپور شوی

 په

(Last Updated On: زمری ۳, ۱۳۹۸)

کابل ښاروالۍ د دیارلسمې ناحیې په اړوند سیمو کې د یو میلیارد افغانیو پر ارزښت د پېنځلس پروژو کار پیل کړ.

د کابل ښار د دشتي برچې په سیمه کې د ۱۵ عام المنفعه پروژو د عملي کار لړۍ پیل شوه، چې په کې د یارلسمي ناحیې د حلقوي سړک د کار عملي چارو د پیل ترڅنګ ځینې نورې پروژې هم شاملې دي.

ښاغلي دا نش ويلي، د دغو پروژو له پلي کیدو سره به د خلکو په ورځیني ژوند کې زیاد سهولیتونه رامنځته شي.

د ولسمشر دوه یم مرستیال، چې د دې پروژو د کار په پرانیسته کې خبرې کولې؛ څرګنده کړه، چې د دیارلسمې ناحیې خلک دې د پرژو په پلي کولو کې له کابل ښاروالۍ سره همکاري وکړي.

د نوموړي د څرګندونو له مخې؛ د دغو پروژو مالي لګښت یو میلیارد افغانیو ته رسیږي، چې د کابل ښاروالۍ لخوا ورکول کیږي. خلک باید د پروژو د پلي کیدو په برخه کې ورسره همکاري وکړي.

 د کابل ښاروالي مسوولینو ويلي، د کابل ښار له ټولو نواحیو څخه يې دیارلسمې ناحيي ته ډېره بودجه ځانګړې ګړې او د دغو پروژو له پلي کیدو سره به د خلکو په ورځني ژوند کې د پام وړ اقتصادي بدلونونه رامنځته شي.

د کابل ښاروالۍ ویانده نرګس مهمند وایي: مونږ په ۱۳ ناحیه کې د پېنځه لس پروژو کارونه پیل کړل، چې په دې کې د عادي، حلقوي او فرعي سړکونو جوړو نه او بیا جوړونه او ځیني نورې پروژې هم شته، چې مالي لګښت يي یو میلیارد ډالرو ته رسیږي.

د سیمي او سیدونکي وا يي، د لته ټولې آبادۍ د ښاري پراختیا له معیار څخه لیرې دي او ډېري د استوګنې کورونه سندونه نلري. حکومت باید د خلکو برښنا، د څښاک پاکې اوبه، روغتیا او د زدکړو برخي ته هم پاملرنه وکړي.

د سیمې اوسیدونکی محمد علي احساني وایي؛ مونږ خوښ یو، چې د پروژو کارونه پیل شول؛ خو فکر کوم، چې دا فقط یو کمپاین دی او بس، ځکه، چې که حکومت د دغو پروژو د پیل جدي علاقه درلوده باید پخوايي پیل کړې وای.

د ولسمشر دوه یم مرستیال په کابل ښاروالۍ او د پروژې پلي کوونکي شرکت څخه په جدیت غوښتنه وکړه، چې د پروژو چاري باید پر معیار برابرې پلې شي.

د دوی د څرګندونو له مخې؛ دغه پروژې  به تر راتلونکيو دوه کلونو ګټې اخیستنی ته وسپارل شي.

خبریال: اسلم حجاب

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Ariana News

خپور شوی

په

توسط

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Ariana News

خپور شوی

په

توسط

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

پرمختګ او بشپړتیا

د آریانا افغان هوايي شرکت دوران ته ۶ نورې الوتکې هم ورزیاتیږي

Ariana News

خپور شوی

په

توسط

(Last Updated On: سلواغه ۱۶, ۱۳۹۸)

د آریانا افغان هوايي شرکت ویلي، د فعالیتونو د معیاري کولو لپاره به په نږدې را تلونکي کی ۶ نورې الوتکې هم د خپلو هڅو دوران ته ورزیاتې کړو.

د آریانا افغان هوايي شرکت مسوولینو زیاته کړې؛ دمګړۍ په دې هوايي  شرکت کې څلور الوتکي هڅې لري، چې په نږ دې راتلونکي کې به  شپږ نورې  مسافر وړونکې نوي الوتکي هم  ورزیاتې شي.

د اریانا افغان هوايي شرکت رییس عالم شاه ابراهیمي څرګنده کړې، چې له دې شپږ الوتکو څخه څلور به د افغان حکومت له خوا پېریدل کیږي او دوه هغه الوتکې، چې د چین هېواد لخوا افغان ولسمشر ته ډالۍ شوې وې؛ هغه به هم د باختر هوايي شرکت او آریانا هوايي شرکت تر چتر لاندې خپلې هڅې پیل کړي.

د اقتصادي چارو کار پوهان وايي، د آریانا افغان هوايي شرکت په تېر کې ډېرې لوړې ژورې لیدلي او له نوې رهبرۍ  هم هیله څرګندوي، چې باید دا ملي تصدي له مالي ستونزو وژغوري او له نړیوالو معیارونو یې برخمنه کړي.

د اقتصادي چارو کارپوه سلیم توپان وایي؛ مونږ له نوې رهبرې هیله لرو، چې دا ملي تصدي ته له شته ستونزونه راوباسې. مونږ منو، چې اوس تر یوه بریده ستونزو ته لاسرس روان دی؛ خو باید باید چاري نوري هم پراخې شي.

د آریانا افغان هوايي شرکت مسوولین وايي، ډېر ژر به دا شرکت له نړیوالو معیارونو او ریفورم برخمن شي او د یوې بهرنۍ کمپنۍ له خوا به په دې ملي تصدۍ کې کارونه پیل شي.

دوی دا ډاډ هم څرګند کړی، چې له مالي پلوه د دې شرکت پخوانۍ  ستونزې حل شوي او اوس د ځان بسیایني پر لور ډاډمن ګامونه پورته کوي.

خبریال: اسلم حجاب

Continue Reading

Trending