Connect with us

تازه خبرونه

کابل ښاریان د رخصتیو او لارو د خلاصون غوښتنه کوي

Ariana News

خپور شوی

 په

(Last Updated On: غویی ۱۰, ۱۳۹۸)

په کابل ښار کې څو ورځنیو رخصتیو او د ښار د یو شمېر سړکونو تړل کیدو کابل ښاریان له ستونزو سره مخ کړي او  له حکومت غواړي، چې د کابل ښار تړلي واټونه دې بېرته خلاص کړي.

فرشته نومې، چې د سید جمال الدین افغان د ښوونکیو د روزنې زدکړیاله وه؛ د پلار له مړینې وروسته یې د مور، خور او یوه ورور نفقه پر غاړه واخیسته او له ګڼو ستونزو سره سره غواړي د پرمختګ لومړیو پوړیو ته ځان ورسوي.

هغه د ژوند سختو شېیبو اړ کړې، چې زدکړې پریږدي او د کابل ښار په یوه برخه کې اوس سوپ پلوري.

په کابل ښار کې څو ورځنۍ رخصتۍ د دې کورنۍ اقتصاد اغېزمن کړی؛ میلاد، چې نهه کلن دی، له خپلې خور فرشتې سره همکار دی او وایي، چې خور مې مرستې ته اړ ده.

په کابل کې ځینې کسان؛ ځکه وزګار شوي، چې کلک امنیتي تدابیر نیول شوي او د واټونو تړل کیدو بازارونه هم کم رنګه کړي دي.

حارث نومی د خپلې نهه کسیزې کورنۍ د ډوډۍ برابرولو لپاره د کابل په واټونو کې موټر چلوي؛ خو په دې څو ورځو کې د واټونو تړل کیدو د هغه ستونزې زیاتې کړې دي او وایي، چې په دې ورځو کې یې هیڅ کار ندی کړی.

د سولې مشورتي لویه جرګه د غویي پر نهمه پیل شوې او ټاکل شوې تردوه نورو ورځو هم روانه وي؛ خو ویل کیږي، چې د منشیانو او مرستیالانو د ټاکل کیدو پر سر د ناندریو له کبله ښايي د جرګې موده درې ورځې نوره هم وغزول شي.

دا په داسې حال کې ده، چې امنیتي تدابیرو او د واټونو تړل کیدو د خلکو ستونزې زیاتې کړې او کابل ښاریان له بېلابېلو اندېښنو سره مخ دي.

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

تازه خبرونه

د سولې خپلمنځي خبرې باید د بندو دروازو تر شا ونشي

Avatar

خپور شوی

په

توسط

(Last Updated On: زمری ۲۳, ۱۳۹۹)

اطلاعاتو ته د لاسرسي کمیسیون په ډاګه کړې، چې د سولې خبرې باید د خبریالانو په حضور کې تر سره شي.

 په قطر کې د افغانانو خپلمنځي خبرې د پیلیدو په درشل کې دي؛ خو د دغو خبرو رسنیز پوښښ د محدودولو هڅو د افغان خبریالانو او مدافع بنسټونو اندېښنې را پارولي دي.

ویل کیږي افغان خبریالان، چې د پوښښ لپاره قطر ته د تلو هوډ لري؛ دغه هېواد ویزه نه ورکوي.

اطلاعاتو ته د لاسرسي کمیسیون غړي عین الدین بهادري ویلي، چې په قطر کې د افغانانو په خپلمنځي خبرو کې د افغان خبریالانو ګډون باید اساسي شرط وي، چې وکولی شي د خبرو جزئیات خلکو ته وړاندې کړي.

دوی وايي، چې د خبریالانو له حضور پرته به دغه خبرې سختې پوښتنې را پورته کړي.

ویل کیږي، چې د افغان رسنیو هغو خبریالانو ته د قطر هېواد ویزه نه ورکوي؛ چې غواړي د سولې د خبرو د پوښښ لپاره دغه هېواد ته ولاړ شي.

د خبریالانو د خونديتوب کمیتې مسوولین وايي، چې د سولې پرېکړې باید د تړلیو دروازو تر شاه ونشي.

د خبریالانو د خوندیتوب کمیتې اجرائيه مشر صدیق الله توحیدي هم په دې اندېښمن دي، چې ګواکي په قطر کې د افغانانو په خپلمنځي خبرو کې خبریالانو ته د ګډون او راپور ورکولو حق نه ورکول کیږي.

خبریالانو ویلي؛ افغان طالبانو او امریکايي پلاوي هم په قطر کې شاوخوا یو کال د تړلیو دروازو تر شا خبرې وکړې او خبریالانو په ډېره سختۍ له دغو غونډو معلومات تر لاسه کول.

عام افغانان هم په دې باور دي، چې باید د افغانانو له خپلمنځي خبرو څخه باخبره وساتل شي او پوه شي، چې د هېواد او خلکو برخلیک ټاکنه کوم پړاوونه وهي او پر کوم لوري روانیږي.

د رسنیو ملاتړي بنسټونه وايي؛ که څه هم له افغان دولت سره هوکړې ته رسیدلي، چې د خبرو او غونډو جزئیات به رسنیو ته وړاندې کبږي؛ خو حکومت تر اوسه څه نه وايي.

د سولې په برخه کې د دولت وزارت مسوولین د خبریالانو د سفر د ځنډیدو په اړه څه نه وايي؛ خو یو شمېر خبریالان دغه وزارت ته ورپېژندل شوي، چې د سولې د خبرو د لومړي پړاو د پوښښ لپاره به قطر ته ځي.

Continue Reading

Trending