Connect with us

تازه خبرونه

کابل د پاکستان د یو لوړ پوړي پلاوي کوربتوب کوي

خپور شوی

د

(Last Updated On: لړم ۲, ۱۴۰۱)

د هېواد بهرنیو چارو وزارت په ډاګه کړې، چې کابل د شنبې پر ورځ(د سلواغې ۱۴) د پاکستان د بهرنیو چارو وزارت د مرستیالې تهمینه جنجوعه په مشرۍ د یوه پلاوي کوربتوب کوي.

کابل ته د دغه پلاوي سفر په داسې حال کې ترسره کیږي، چې تېره اوونۍ د افغانستان د بهرنیو چارو وزیر ویس احمد برمک او د ملي امنیت رییس معصوم ستانکزي هم پاکستان ته سفر کړی و.

د افغان او پاکستاني چارواکو د پلاوو تګ راتګ وروسته له هغې پیل شو، چې افغان چارواکو د طالبانو په ځپلو کې له پاکستان څخه د همکارۍ او ملګرتیا غوښتنه وکړه.

د پاکستان د بهرنیو چارو وزارت ویاند داکتر فیصل ویلي، د افغانستان په ناامنۍ کې د دوی د لاس لرلو دعوه غیر عادلانه ده.

نوموړي زیاته کړې، چې ټول سیمه ییز او نړیوال ګزارشونه ښيي، چې په افغانستان کې دننه ډېره سیمه د طالبانو په ګډون د داعش، پاکستانیو طالبانو او جماعت الاحرار د وسلوالو لخوا د خوندي سیمې په توګه کارول کیږي.  پاکستان د افغانستان لخوا په ناامنیو کې د لاس لرولو پر تور تورنول؛ یوه ناعادلانه پرېکړه ده.  

پاکستانیو ورځپاڼو د محمد فیصل له خبرو څرګنده کړې، چې په دې لیدنه کې به له ترهګرو سره د مبارزې، د استخباراتي، پوځي او اقتصادي اطلاعاتو تبادله او د افغان ګډوالو پر راستنیدو خبرې اترې ترسره شي.

د پاکستان دغه مقام ویلي، چې پاکستان په خپله خاوره کې د افغان طالبانو او حقاني شبکې په ضد عملیات روان ساتلي او پرې به نږدي، چې ترهګر د پاکستان خاوره د افغانستان پر ضد وکاروي.

په اسلام آباد کې د افغانستان سفیر حضرت عمر زاخېلوال له آریانا نیوز سره په خبرو کې ویلي، چې که پاکستان رښتینې همکاري وکړي؛ امنیتي حالاتو کې به ډېر ژر بدلون رامنځته شي.

نوموړي زیاته کړې، چې افغان حکومت له پاکستان سره د خبرو دروازه نه بندوي او د دغه هېواد د انزوا لپاره هم هڅې نه کوي.

د پاکستان د بهرنیو چارو ویاند دا هم ویلي، چې د ۲۰۱۷ کال په نومبر میاشت کې افغانستان ته د طالبانو او حقاني شبکې ۲۷ کسه سپارل شوي دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!