Connect with us

تازه خبرونه

کابل ته د طالب بندیانو راغلی پلاوي بې پایلې بېرته ستون شو

خپور شوی

 په

(Last Updated On: وری ۱۹, ۱۳۹۹)

د طالبانو مرکچي پلاوی، چې د بندیانو د خلاصون په اړه د خبرو لپاره کابل ته راغلی و؛ بېرته تللی او دې خبرو هم پایله نده ورکړې.

یوه اوونۍ مخکې د طالبانو درې کسیز پلاوي په کابل کې له افغان حکومت سره د بندیانو د خلاصون په اړه څو ځلې خبرو کیناستل او د بندیانو خلاصون لپاره ژمنې وشوې؛ خو حکومت او طالبان د بندیانو د خلاصون پر ستونزې ګډې هوکړې ته ونه رسیدل. د دواړو لوریو بندون ان تر دې راورسید، چې د طالبانو تخنیکي ډله تش لاس او له کومې پایلې پرته له کابل ووتله.

 د دولت د مرکچي پلاوي یوه غړي فاروق مجروح آریانا نیوز ته ویلي، دا پلاوی له حکومت سره د بندیانو د آزادیدو په اړه هوکړې ته ونه رسید.

د هغه په خبره، طالبانو د څو جګپوړیو قومندانانو خلاصون غوښته؛ خو دولت د ځینو هغو بندیانو له خلاصون سره هوکړه درلوده، چې ډېر ګواښوونکي هم نه وي.

په دوحه کې د طالبانو سیاسي دفتر ویلي، له افغان حکومت سره یې د تخنیکي ډلې خبرې درېدلي او د بندیانو د خلاصون بهیر په بېلابېلو پلمو تر اوسه ځنډېدلی دی.

طالبانو ته نږدې سرچینو ویلي، اوس  طالبان ناراحته ښکاري؛ ځکه دوی تمه درلوده، چې له امریکا سره د شوې هوکړې له مخې به پېنځه زره بندیان له کوم قید او شرط پرته آزاد شي او ان له همدې کبله یې کابل ته پلاوی هم را ولیږه.

د طالبانو د سیاسي دفتر ویاند تېره شپه ناوخته څرګنده کړه، چې:  په بېلابېلو پلمو تر اوسه د بندیانو خلاصون ځنډیدلی. له همدې کبله زمونږ تخنیکي پلاوی له سې شنبې څخه له بېلابېلو اړخونو سره په بې پایلو ناستو کې ګډون نکوي.

د طالبانو د مهال لوی څارنوال جلال الدین شینواري ویلي؛ طالبانو غوښتل، چې په لومړي سر کې یې پېنځلس ستر او مهم قومندانان آزاد شي؛ خو دولت ویل، چې نه لومړي څلور سوه بندیان آزادوي، چې عمرونه یې پاخه دي. د چا حق پرې نشته او د بند موده یې کمه پاتې ده.

د ملي امنیت شورا ویاند جاوید فیصل ویلي، نشي کولی د طالبانو هره غوښتنه او سپارښتنه ومني.

 د بندیانو د خلاصون ستونزه د افغانانو له خپلمنځي خبرو سره تړلې. ان تر دې، چې د سیاسي پوهاوي او شخړې د پای مساله یې ګونګه کړې ده.

امریکا په ځلونو د کابل او طالبانو تر منځ د بندیانو د خلاصون پر ستونزې د هوکړې د پلې کیدوغوښتنه کړې، چې له طالبانو سره د سیاسي هوکړې یو مهم بند عملي کړي او د افغانانو خپلمنځي خبرو ته لار اواره کړي.

تازه خبرونه

Zerbena: Transport role in Afghan economy discussed

خپور شوی

په

توسط

(Last Updated On: تله ۶, ۱۴۰۰)

Continue Reading

تازه خبرونه

په کابل ښار کې د اوبو د کمېدو ستونزه بې پلانه پاتې ده

خپور شوی

په

توسط

(Last Updated On: تله ۶, ۱۴۰۰)

په کابل کې د اقتصادي ستونزو تر څنګ د اوبو کمي هم خلکو ته بېلابېلې اندېښې رامنځته کړي او هیڅ داسې پروګرام نشته، چې دا ستونزه ورسره ژر پای ومومي.

د کابل د هغو سیمو خلک، چې اوبه یې کمې دي وایي؛ اړ شوي، چې له نورو کورونو او جوماتونو د اړتیاوړ اوبه پوره کړي.

ډېري پدي اند دي، چې که اوبه ورکې شي؛ میلیونونه وګړي به د دې ښار پرېښودو ته اړ شي.

د اقلیم بدلون له همدا اوسه په کابل کې محسوسیږي؛ د ښار د اوبو کچه په ډېرو سیمو کې ټیټه شوې او په ځینو سیمو کې حتا سل مټره ژورې څاګانې هم وچې شوې دي.

چارواکي وایي، چې په کابل ښار کې یوازې نهه ویشت میلیون مټرمکعب اوبه شته. په داسې حال کې، چې د ښار د خلکو اړتیا سل میلیون مټرمکعب اوبو ته رسي.

کابل ښاروال وایي، چې په ټول هېواد کې د اوبو د کمي ستونزه شته؛ خو د خدمتونو رسولو له لارې هڅه کوي، چې د څښاک اوبه د کابل خلکو لپاره پوره کړي.

‌کابل ښاروال مولوي حمد الله نعماني وایي: د اوبو ستونزه یوازې افغانستان نلري، بلکې دا یوه نړیواله ستونزه ده او اوبه ټیټې شوې دي. مونږ له ستونزو ښه خبر یوو؛ څو ورځې مخکې مو پدې اړه له یو شمېر شرکتونو سره یوه ناسته لرله. دوی دمګړۍ خلکو ته د څښاک اوبه رسوي.

دغه راز نوموړي زیاته کړې، چې په دې اړه د اوبو او برښنا وزارت سره یې هم ګډه ناسته تر سره کړې  او پرېکړه شوې، چې د اوبو د تصفیې تاسیسات به د څښاک اوبو د ستونزې د حل لپاره فعاله شي.

خلک په کابل کې د څښاک اوبو بوتلونه پېري او یا یې په ډېرې سختۍ له نورو سیمو رالېږدوي.

د کابل اوسېدونکی محمد شېر وایي: زمونږ ستونزه د اوبو کمی دی، چې لاسرسی ورته ستونزمن او ډېر وخت پرې ضایع کیږي.

د کابل ښار څه باندې اویا سلنه برخه بې پلانه جوړه شوې، په داسې حال کې، چې د کابل ښار بڼه ډېره بدله شوې او ډېري کرنیزې ځمکې په کورونه شوي؛ خو د اوبو د ذخیرې لپاره هیڅ پروګرام نه تر سترګو کیږي.

Continue Reading

تازه خبرونه

افغانستان اوس خطر ندی که ( ا.ا ) پخپلو ژمنو ودریږي، امریکا به یې پر رسمیت وپېژني

خپور شوی

په

توسط

(Last Updated On: تله ۵, ۱۴۰۰)

د افغانستان په چارو کې د امریکا پخواني استازي له آریانا نیوز سره په خبرو کې څرګنده کړې؛ افغانستان اوس د امریکا لپاره خطر ندی او که پخپلو ژمنو ودریږي؛ امریکا به یې پررسمیت وپېژني.

د امریکا پخواني ځانګړي استازي په افغانستان کې موخو ته د امریکا د رسېدو په اړه ویلي، چې هېواد یې خپلو ډېرو موخو ته رسېدلې په ځانګړي توګه یوه یې د القاعده ځپل دي. 

هغه وایي: که څه هم القاعده پوره له منځه نده تلې او اوس هم په یوشمېر هېوادونو کې هڅې تر سره کوي؛ خو افغانستان دمګړۍ د امریکا لپاره ګواښ ندی؛ ځکه اسامه بن لادن ووژل شو، ډېر شمېر غړي یې بندیان او یا وژل شوي دي.

دغه راز وایي، چې افغانستان دمګړۍ د امریکا لپاره ګواښ ندی او د شویو ژمنو د پلي کېدو په صورت کې امریکا چمتو ده، چې طالبان (د افغانستان اسلامي امارت) پر رسمیت وپېژني.  

زلمي خلیلزاد دا هم ویلي، چې کابل ته د اسلامي امارت د ځواکونو له ننوتو مخکې هوکړه شوې وه، چې د اسلامي امارت ځواکونه به تر دوه اوونیو کابل ته نه دننه کیږي؛ د حامد کرزي او ډاکټر عبدالله عبدالله په ګډون به یو لوړپوړی پلاوی قطر ته ځي او د ټولمنلي حکومت پر جوړښت به د ا.ا له غړیو سره هوکړه وکړي.

هغه په دې اړه ټینګار کړی، چې له افغانستان څخه د اشرف غني ناڅاپي تېښتې نه یوازې په نظام کې تشه رامنځته کړه، بلکې په سوله ییزه توګه یې د واک لیږد چارې هم ګډوډې کړې او طالبان کابل ته دننه شول.

نوموړی وایي: نړۍ اوس په تمه ده، چې طالبان ( اسلامي امارت) خپلې کړې ژمنې پلې کوي او که نه او که یې عملي او پلې کړي؛ نو د نړۍ او طالبانو( اسلامي امارت ) ترمنځ عادي اړیکې هم خوندي کیږي.

دغه راز خلیلزاد د افغانستان د جمهوریت او امارت تر منځ د سولې خپلمنځي خبرو د ماتې په اړه ویلي، چې پخوانی ولسمشر اشرف غني د نوي حکومت له جوړېدو سره مخالف و او غوښتل یې طالبان ( اسلامي امارت) د ده د حکومت یوه برخه شي.

د یادونې ده، چې هغه خپلو هڅو او ماموریت ته په نغوته کې د امریکایي ځواکونو د وتلو، خپلمنځي خبرو، اوربند او سولې د خوندي کېدو په اړه ویلي؛ د افغانستان خلک به د ده په اړه قضاوت وکړي؛ ځکه پدې اړه یې د سیمې او نړۍ د همغږۍ لپاره هڅې او منډې کړي، چې جګړه ودریږي او ستونزې له سیاسي لارې حل شي.

دا ځای پوره مرکې ته  کېکاږئ   .

Continue Reading

Trending

آریانا نیوز: ټول حقونه خوندي دي