Connect with us

تازه خبرونه

یونس قانوني( د بُن ناستې ناویلې) راښکاره کړې

Ariana News

خپور شوی

 په

(Last Updated On: وری ۳۰, ۱۳۹۷)

د پخواني ولسمشر لومړي مرستیال محمد یونس قانوني د پنجشنې پر ورځ( د وري ۳۰) د بُن ناویلو خبرو تر سرلیک لاندې ناستې ته په خبرو کې په ډاګه کړه؛ کله، چې امریکا او متحدانو یې په افغانستان کې د طالبانو رژیم د راپرځولو پرېکړه وکړه؛ نو د نورو چارو په وړاندې پاکستان په دې فکر مخالفت وکړ، چې له طالبانو پرته به په افغانستان کې بل څوک ونلري.

دغه راز څرګندوي؛ اسلام آباد د بُن ناستې د تخریب هڅه کوله، چې په افغانستان کې ولسواک حکومت جوړ نه شي او جګړې هم روانه پاتې شي.

د بن ناستې ناویلې خبرې دغلته را برسېره کیږي، چې حامد کرزی څرنګه تر ارګه ورسید؟

د پخواني ولسمشر حامد کرزي لومړی مرستیال یونس قانوني وایي؛ د لنډمهاله ادارې جوړولو لپاره حامد کرزی د پاکستان د استخباراتو د رییس په وړاندیز د بُن ناستې ته وروپېژندل شو.

د ښاغلي قانوني په خبره؛ کله، چې پاکستان د امریکا او متحدانو په وړاندې په دریدو کې بریالی نشو؛ د طالبانو د رژیم پرځیدو لپاره له امریکا او متحدانو سره ودرید؛ خو شرط یې دا و، چې د طالبانو بدیل په حکومت کې پښتون محوري رول کې وي او حامد کرزی د هغه په خبره د پاکستان د استخباراتو د رییس احسان الحق په وړاندیز د بُن ناستې ته وروپېژندل شو.

د ښاغلي یونس قانوني په وینا؛ دا په دې معنا نه، چې حامد کرزی د ای اس ای طرفدار دی، بلکې پاکستان نه غوښتل، چې د متحدې ټلوالي کوم شخصیت مطرح شي.

دا، چې آیا د بن د ناستې له پایلو سره سم عمل وشو او که څنګه؟

ښاغلي یونس قانوني د بُن ناسته د پاکستان د ورانکاره هڅو د شنډیدو په برخه کې لویه لاسته راوړنه وبلله؛ خو څرګندوي، چې د بُن له ناستې وروسته حکومت د دې ناستې له فرصتونو ګټه پورته نکړای شوه او ځینو حکومتي مشرانو د متحدې ټلوالې د حذف هڅې وکړې.

ښاغلی قانوني زیاتوي؛ د پاکستان د هغه وخت ولسمشر پرویز مشرف یوه طرحه درلوده، چې له مخې یې امریکا باید په افغانستان کې د اوږدې مودې حضور ونلري او پاکستان به بیا د طالبانو، القاعده او آی ای اس آی مثلث رهبري کړي.

خبریاله: لیدا نیازۍ

تازه خبرونه

د ننګرهار پر محبس برید د بریدکوونکیو پر وژل کیدو پای ته رسیدلی

Ariana News

خپور شوی

په

توسط

(Last Updated On: زمری ۱۳, ۱۳۹۹)

امنیتي ځواکونو د ننګرهار په مرکزي زندان کې د څه نا څه ۲۰ ګړیو جګړه د جنګیالیو پر وژل کیدو پای ته رسولې او وضعیت یې تر خپلې څارنې لاندې راوستی؛ خو د ښار اړوند سیمې اوس هم د خلکو د تګ راتګ لپاره تړل شوې دي. 

په ننګرهار ښار کې پلورنځي تړل شوي او د دوشنبې پر ورځ هم خلکو ته ویل شوي وه، چې په کورونو کې پاتې شي.

دا په داسې حال کې ده، چې د هېواد د دفاع وزارت لوی درستیز یاسین ضیا جلال آباد ښار ته رسیدلی، چې د بریدګرو پر ضد دعملیاتو مشري تر سره کړي.

نن له غرمې وروسته دغه زندان افغان ځواکونو ونیوه، چې په کې لږ تر لږه ۵ بریدګر وژل شوي دي.

امنیتي چارواکو ویلي، چې محبس ته مخامخ ودانۍ هم اوس له بریدکوونکیو پاکه شوې ده.

داعش جنګیالیو تېره ورځ ماښام مهال د محبس پر ور موتربم برید ترسره کړ؛ د ودانۍ انګړ ته وردننه شول او څه نا څه ۲۰ ساعته یې له افغان ځواکونو سره جګړه وکړه.

ویل کیږي، چې د جګړې د پیل پر مهال ۱۷۰۰ بندیان په زندان کې دننه ول، چې یو شمېر یې د داعش غړي وه.

د جګړې په بهیر کې سلګونه بندیان بریالي شول، چې وتښتي؛ خو امنیتي ځواکونو یو شمېر بېرته ونیول.

یو شمېر نیول شویو بندیانو آریانا نیوز ته ویلي؛ ۶ بریدګر زندان ته رادننه شول او دوی ته یې د وتلو سپارښتنه وکړه.

د دوی د څرګندونو له مخې؛ بندیانو ته وویل شول که ونه وځي، نو وبه وژل شي.

یوی امنیتي سرچینې ویلي، چې تښتیدلي بندیان طالبان،  داعشیان او مجرمان ول.

د ننګرهار والي ویاند عطا الله خوږیاڼي ویلي؛، چې په دې پېښه کې ۳۰ کسان وژل شوی او ۵۰ نور ټپیان دي.

خوږیاڼي زیاته کړې؛ په دې دله ییز برید کې امنیتي ځواکونو، بندیانو او عامو وګړیو ته ځاني زیان اوښتی دی.

د ننګرهار ولایت د عامې روغتیا ریاست ویاند ظاهر عادل آریانا نیوز ته ویلي، چې د ۱۳ ټپیانو روغتیایي حالت د اندېښنې وړ دی.

د داعش دغه ډله ییز برید یوه ورځ وروسته له هغې رامنځته شو، چې د افغانستان ملي امنیت ریاست ځواکونو جلال آباد ښار ته نږدې د دغو جنګیالیو یو استخباراتي مشر اسدالله اورکزی په یو لړ عملیاتو کې وواژه.

Continue Reading

تازه خبرونه

په ایران کې د طالبانو د انځور او رپي لیږدوونکي نیول شوي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ایران چارواکو په یوه پارک کې هغه افغانان نیولي، چې د اختر پر ورځ یې له طالبانو څخه د ملاتړ په موخه سپین رپي پورته کړي وه.

ایراني چارواکو سیمه ییزو سرچینو ته ویلي، چې دغه کسان د یو لړ عملیاتو په بهیر کې نیول شوي دي.

دوی زیاته کړې، چې دغه کسان د تهران په ملت پارک کې د طالبانو د انځورونو او رپو د لرلو په تړاو نیول شوي دي.

د ایران پولیسو هغه مهال د طالبانو د دغو ملاتړیو افغانانو نیول پیل کړل، چې په ټولنیزو رسنیو کې د طالبانو انځورونه او رپي د ایرانیانو له غبرګړنونو سره مخ شول.

د ایراني پولیسو دا کار په داسې وخت کې تر سره کیږي، چې د افغانستان غربي تړونوال ایران د سولې په بهیر کې په زړه نا زړه توب تورنوی؛ خو ایران له دې هېواده د سولې لپاره خپل ملاتړ نوی کړی او د هغه تورونه یې رد کړي دي.

د ایران ولسمشر حسن روحاني د شنبې پر ورځ په افغانستان کې سوله او ثبات د سیمې لپاره اړین ګنلي او له افغان ولسمشر اشرف غني سره یې په تیلیفوني خبرو کې ویلي، چې ایران د سولې په اړه تل د افغانستان د خلکو او حکومت ملاتړ کړی او تر څنګ یې ولاړ دی.

Continue Reading

تازه خبرونه

په ننګرهار زندان کې له روان بریده تر دې دمه ۲۱ کسان وژل شوي او ۴۳ نور ټپیان دي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار پر محبس په روان وسلوال برید کې تردې دمه ۲۱ کسان وژل شوي او ۴۲ ټپیان دي.

د ننګرهار له زندان څخه له ۱۴ ګړیو وروسته هم د سپکو او درندو وسلو ډزې اوریدل کېږي. د دې ولایت د والي ویاند عطاالله خوږیاڼی ويلي؛ تراوسه د دې برید له کبله ۲۱ مړي او ۴۳ ټپیان روغتونو ته لیږدول شوي.

نوموړي زیاته کړې؛ بریدګرو په محبس او ورته مخامخ په شرق نومې پلازه کې سنګرونه نیولي دي.

هغه  وايي، تراوسه ۷۰۰ تښتیدلي زندانیان، د امنیتي ځواکونو له خوا بېرته نیول شوي او خوندي ځایونو ته لیږدول شوي دي.

له محبس څخه راوتلی اسلام الدین نوم آریانانیوز ته ویلي؛ شپږ بریدګر، چې پر سرونو یې تورې ټوټې تړلې وې او ژوندی دې وي اسلامي خلافت چغې یې وهلې؛ زندان ته را د ننه شول.

تښتیدلي بندي دا هم ویلي، چې بریدګرو د امنیتي ځواکونو لباس اغوستی و او زندانیانو ته یې ویل، ژر له زندان څخه ووځي کنې وبه وژل شئ.

د ننګرهار د عامې روغتیا ریاست ویاند ظاهرعادل ويلي؛ د ښار په روغتونو کې بېړنی حالت اعلان شوی.

هغه وايي، تراوسه ورته ۵۰ ټپیان وروړل شوي، چې د ۱۳ هغو روغتیايي حالت د اندېښنې وړ دی. په قربانیانو کې امنیتي سرتېري، زندانیان او ملکي وګړي شته او  ځېنې کسان په کورونو کې هم ژوبل شوي.

د برید له کبله د تښتېدلیو زندانیانو شمېر خورا مهمه ده؛ خو تر دې دمه کره شوی ندی.

د ننګرهار والي ویاند عطاالله خوږیاڼی تائيدوي، چې یوشمېر زندانیان تښتېدلي  خو وايي کره شمېره یې نه ده معلومه.

یوې امنیتي سرچینې د نوم د نه ښودلو پر شرط آریانانیوز ته ویلي، چې سلګونه زندانیان پر تېښته بریالي شوي، چې په کې وسله وال طالبان، د دعش اړوند جنګیالي، انسان تښتوونکي او نور جنايي بندیان شته.

داعش د دې برید مسوولیت پرغاړه اخیستی او څرګندوي، چې د برید له کبله د دوی یو شمېر کسان پر تېښته بریالي شوي دي.

د محبس د ننه یو شمېر بند پاتې زندانیان وايي، بریدګر پر اردو ژبه خبرې کوي او ښه مجهز دي.

کورنیو چارو وزارت تېر ماښام په ډاګه کړې، چې مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره په نښته کې ښکېل شوي دي.

دفاع وزارت په ډاګه کړې، چې د دې ولایت پر مرکزي محبس له داعش جنګیالیو سره په څه نا څه ۲۰ ګړیو نښته کې  ۳۰ کسان وژل شوي او ۵۰ ټپیان دي.

 د یادونې ده، چې داعش دغه برید د اسدالله اورکزي له ږژنې یوه ورځ وروسته رامنځته شوی دی .

Continue Reading

Trending