Connect with us

تازه خبرونه

یو کورنی قراردادي بنسټ د ونو وهلو له کبله ۶ میلیون افغانۍ جریمه شو

Ariana News

خپور شوی

 په

(Last Updated On: وږی ۷, ۱۳۹۸)

 کابل ښاروالۍ ویلي، دا ونې له دوی سره له همغږې پرته؛ خو د امریکایانو په همکاري وهل شوي، چې له کبله یې شپږ میلیون افغانۍ جریمه شوی دی.

هغه ونې، چې د زرغون ښار لپاره له ودې برخمنې شوې وې؛ اوس یې تنې د ځینو څرګندونو له مخې د امنیت ساتنې لپاره پرې شوي. دا ونې له دولس څخه تر اتلس کلونو پورې عمر لري، چې د هرې ونې لګښت په کال کې له درې تر پېنځه زره افغانیو پورې رسیدلی دی.

کابل ښاروالۍ د ونو پرېکوونکی قراردادي شرکت شپږ میلیون نغدي جریمه کړی دی.

د کابل ښاروالۍ د ښاري خدمتونو مرستیال مهتاب عالمي ویلي، چې د سیمې خلک پر امنیتي بنسټونو او ښاروالۍ نیوکې کوي، چې ولې یې د ونو د پرې کولو مخنیوی ندی کړی.

د سیمې ځینې خلک په دې کار غصه دي او وایي، دې بنسټ د ښاروالۍ د کارکوونکیو د جامو په اغوستلو سره دا کارکړی دی.

دا ونې، چې یو مهال یې د ښار په ښکلا کې د پام وړ رول لوبولی و؛ خو اوس پرې شوي او خلک پرې ډېر خفه دي.

تازه خبرونه

افغانستان ته د نړیوال جام له خپلولو وروسته د واده نیت لرم- راشد خان

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

د افغانستان د کرکت لوبغاړي ۲۱ کلن راشد خان ارمان ویلي؛ له هغې وروسته، چې افغانستان ته د کرکت نړیوال جام تر لاسه کړي؛ نو بیا به په سړه سینه واده وکړي.

د افغانستان د کرکت ملي لوبدلې دوه یم مشر له آزادۍ رادیو سره په مرکه کې د خپل واده پروګرام په ډاګه کړ.

هغه آزادۍ رادیو ته څرګنده کړې: کله، چې افغانستان د کرکت نړیوال جام ګټونکی شو؛ نو کوژده او واده به مې هم تر سره شي.

دا په داسې حال کې ده، چې راشد خان د توپ اچونې د نړیوالې شورا د نوملړ په T20I  برخه کې د ۷۴۹ امتیازونو په لرلو لومړی ځای خپل کړی دی.

راشد خان خپله لومړۍ نړیواله لوبه په ۲۰۱۵ کې تر سره کړه، چې په کې د افغانستان د یوه ښه لوبغاړي په توګه وځلیده.

راشدخان پر ۱۹۹۸ زېږدیز کال یوه داسې کورنۍ سترګې وغړولې، چې لس وروڼه او خویندې په کې اوسیدل. کورنۍ یې په افغانستان کې د جنګونو له کبله پاکستان ته کده شوه او له څو کلونو وروسته بېرته هېواد ته راستنه او خپل عادي ژوند یې له سره پیل کړ. په ۲۰۱۸ کال کې لخوا نوموړی د کرکت نړیوالې شورا  (ICC) لخوا غوره لوبغاړی ونومول شو.

Continue Reading

تازه خبرونه

عدلي او قضايي ارګانونو د مالي فساد لسګونه دوسیې ندي څېړلي ـ د روڼتیا بنسټ

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

د افغانستان د روڼتیا بنسټ مسوولینوویلي، چې عدلي او قضایي ارګانونو د وزیرانو، سفیرانو، د ملي شورا د غړیو او نورو حکومتي لوړپوړیو چارواکو لسګونه دوسیې ندي څېړلي او ستر ګې پرې پټوي.

په افغانستان کې له اداري فساد سره د مبارزې پر څو موازي ادارو سربېره څلور کاله مخکې له اداري فساد سره د مبارزې ځانګړی عدلي او قضايي مرکز جوړ شو. دغه مرکز دنده لري، چې د مالي فساد لویې دوسیې فیصله کړي؛ خو اوس اوس د دغه مرکز پر چارو هم نیوکې کیږي.

د افغانستان د روڼتیا بنسټ څېړونکی ناصر تیموري ويلي، چې له فساد سره د مبارزې عدلي او قضايي مرکز د جنرالانو، وزیرانو، سفیرانو، ښاروالانو او د ملي شورا د غړیو په لسګونه دوسیو سترګې پټې کړې دي.

هغه زیاته کړې؛ پرته له یوه وکیله، چې دوسیه یې څېړل شوي تر دې دمه د افغانستان په محاکمو کې د هیچا دوسیه فیصله شوې نده.

دا نیوکې په داسې حال کې کیږي، چې پر مالي ادارو او د عوایدو پر سرچینو د پراخ مالي فساد راپورونه ورکول کیږي؛ خو د عاملینو د نیولو او محاکمې په اړه جدي ګامونه نه اوچتیږي.

 د ولسي جرګې ځينې غړي وايي، چې بډو د دغو دوسیو د څېړنو مخه نیولې ده.

د ولسي جرګې غړی محمد علي اخلاقي ویلي؛ دې مرکز باید د فساد له سترو دوسیو سره مبارزه کړې وای؛ خو نورو اړوند ادارو ته ورته په دې برخه کې ځانګړې لاسته راوړنه نلري.

د ولسي جرګې غړي غلام فاروق مجروح ویلي؛ دې بنست څومره، چې خلک په تمه ول؛ هومره کار ندی کړی. اوس هم یو شمېر اغېزمن کسان شته، چې لاسونه یې ورته تړلي او پرېکړې نشي کولي.

اوږده موده کیږي، چې له فساد سره د مبارزې ځانګړي عدلي او قضايي مرکز هم قضايي غونډې ندي کړي.

پر همدې موضوع سترې محکمې تر دې دمه څه ندي ویلي؛ خو لویه څارنوالي وايي، چې د فساد هر ډول دوسیې، چې دوی ترلاسه کړي، پخپل وخت یې څېړلي دي.

د لویې څارنوالۍ ویاند جمشید رسولي ويلي، چې دوی ته د فساد ورغلې ټولې دوسیې څېړل شوي؛ خو له اداري فساد سره د مبارزې د عدلي او قضايي مرکز د وروستیو فعالیتونو په اړه اړوند چارواکي څه نه وايي.

څو ورځې مخکې د افغانستان پر ګمرکونو په ځانګړي توګه د اسلام کلا په ګمرک کې د پراخ مالي فساد راپورونه خپاره شول؛ خو داسې بریښي، چې اوس هم په ډنډ کې ولاړو اوبو هیڅ ټکان نه وي خوړلی.

Continue Reading

تازه خبرونه

په افغانستان کې د کرونا له ۸۵ نویو پېښو سره ټول شمېر ۳۴۴۵۱ ته ورسید

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په افغانستان کې د تېرو دوه میاشتو له څلیریشت ګړیو راپدیخوا د کرونا ویروس له ټولو ورځنیو تازه مثبتو پېښو څخه ټیټ شمېر، چې ۸۵ دی؛ ثبت شوی، چې ورسره د دې ناروغۍ ټول شمېر ۲۴۴۵۱ ته رسیدلی دی.

د عامې روغتیا وزارت د څرګندونو له مخې؛ له تېرې یوې شپې او ورځې په کابل کې د ۱۴، په هرات کې د ۱۸، په کندهار کې د ۵، په بامیان کې د ۲۰، په ننګرهار کې د ۴، په تخار کې د۱۰، په کندوز کې د ۳، په بدخشان کې د ۸، په میدان وردګ، لغمان او کونړ ولایتونو کې د یو – یو ناروغانو د کتنو پایلې مثبتې ثبت شوي، چې ورسره پر کرونا د اخته کسانو شمېر ۳۴۴۵۱ ته رسیدلی دی.

دغه راز په تېرو ۲۴ ګړیو کې ۱۶ کرونایي ناروغان مړه شوي، چې ۱۲ یې په کابل، ۲ په هرات او ۲ نور په کندهار ولایتونو کې دي.

تر دې دمه ۱۰۱۰ کرونایي ناروغان په ټول هېواد کې له خواږه ژوندانه بې برخې شوی دي.

دغه راز په همدومره وخت کې ۸۱ ناروغان له روغتونونو کورونو ته رخصت شوي، ورسره د رغیدلیو کسانو شمېر  ته ۲۱۲۱۶ ورسیده.

د یادونې ده، چې په ټوله نړۍ کې پر کرونا د اخته کسانو شمېر ۱۲۶۸۴۴۰۹،  مړینه ۵۶۴۵۰۶ او رغیدلي ۶۹۸۱۱۷۰ دي.

Continue Reading

Trending