Connect with us

تازه خبرونه

یو شمېر کابل ښاریانو د نقاشۍ له لارې پر دیوالونو د سولې ارمان ښکاره کړ

خپور شوی

د

(Last Updated On: لړم ۲, ۱۴۰۱)

د سولې لپاره د افغانانو هیلې تاندې دي او کابل ښاریان په ځانکړي توګه ښځې د نقاشۍ له لارې غواړي، چې د سولې ارمان ښکاره او خلکو ته په امن کې د اوسیدو پیغام وړاندې کړي.

وروستیو خونړیو پېښو خلک د سولې راتلو ته نور هم لیواله کړي؛ زیاتره ښځې راوتې دي او د ښارونو په کوڅو او پر وینو لړلیو دیوالونو د سولې له پیغامونو ډک انځورونه وړاندې کوي.

د کابل اوسیدونکې شمیلا وایي، چې نور له جګړو ستړې شوې یو او غواړو په سوله کې ژوند وکړو.

د کابل اوسیدونکې مرضیې آریانا نیوز ته وویل: د سولې ډېرې چغې مو ووهلې؛ خو اوریدونکی غوږ نه و؛ بیا مو وغوښتل، چې خپلې غوښتنې د انځور په بڼه نندارې ته وړاندې کړو.

د سولې تږي وایي؛ کښل شوي انځورونه مو نه یوازې د سوله ییز ژوند کیسې کوي، بلکې دغه کار مو د یو ښکلي راتلونکي پر لوري له هیلو ډک ګام  هم دی.

د کابل ښار یوه بله انځورګره اوسیدونکې خجسته وایي؛  نوی کال په رارسیدو دی او له همدې کبله غواړو، چې د هنر له لارې د سولې او امنیت غږ بدرګه کړو.

د کابل ښار اوسیدونکې رابعه څرګندوي، چې پر دیوالونو مو له انځور کښلو موخه داده، چې  نوی کال له جګړې پرته په سوله کې تېر کړو.

دا په داسې حال کې ده، چې په دې وروستیو کې د کابل ښار د سړکونو پر غاړیو کې پر ايښودل شویو سمیتې دیوالونو بېلا بیل انځورونه کښل شوي دي. د بېلګې په توګه د امنیت د خوندیتوب لپاره د تورو ښیښو موتر لرونکیو ته د فرعون خطاب شوی او ګواکې، چې دوی په ناامنیو کې لاس لري.

خبریاله : افسون محمدي

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټرۍ ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه وه.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

Trending

Copyright © 2022 Ariana News. All rights reserved!