Connect with us

تازه خبرونه

هر څوک باید د افغانستان د بقا لپاره قرباني ورکړي- رحمت الله نبیل

Ariana News

خپور شوی

 په

(Last Updated On: ليندۍ ۱۴, ۱۳۹۸)

د امنیت او عدالت ټاکنډلې مشر په یوه خبري ناسته ویلي، چې د اشرف غني، عبدالله عبدالله او طالبانو په ګډون هرڅوک باید د افغانستان د بقا لپاره قرباني ورکړي.

د امنیت او عدالت ټاکنډلې مشر رحمت الله نبیل دا هم ویلي، چې که طالبان په دې فکر کې وي، چې د ګټونکیو په توګه به بیا کابل ته رادننه کيږي؛ دا به تېروتنه وي؛ ځکه هغه مهال د افغانانو منځګړي نه ول او اوس مونږ له هر څه برخمن یو.

هغه وایي؛ د منځمهاله حکومت د جوړولو پر طرحه کار روان دی، چې په کې د اساسي قانون تعدیل او له وسلوالو ځواکونو سره د طالبانو ادغام څېړل کیږي.

هغه دا ټینګار هم وړاندې کړی، چې د افغانستان خلک نه امارت غواړي او نه داسې یو جمهوریت، چې نورو ته یې ان د سولې په چارو کې لاس اوږود او د نورو راتلو ته په تمه وي.

د نوموړي د څرګندونو له مخې؛ د افغان سولې بهیر باید د افغانستان د ننه او خپلمنځي شي.

د ولسمشریزو ټاکنو نوماند په ډاګه کړې، چې هېواد باید سمې لارې ته رهبري کړو.

د ښاغلي رحمت الله نبیل د څرګندونو له مخې، تېر پېنځه کاله له ټاکنو مخکې پای ته رسیدلي؛ اوسنی حکومت مشروعیت نلري، ټاکنې بندون ته رسیدلي او بهیر یې سیاسي شوی، وسلې باید ټولې شي او همدا د روان حالت د ماتولو یوازنۍ لار ده.

ښاغلي نبیل د محمد کریم خلیلي په مشرۍ د ګوندونو او احزابو د ناستې په اړه ویلې؛ یوازې زه وم، چې وسله وال مې نه درلودل او ناست ټول دوی هغه مشران دي، چې له اختلافاتو سره سره یې ذدا دی یو او بل زغملی او خبرې کوي.

نوموړي ویلي،؛په دې ناسته کې ټینګار دا و، چې سوله او ټاکنې باید له انحصاره څنګه وژغورو.

ده دغه راز په ډاګه کړې، چې ما په هېواد کې بېلابېلې معاملې د خاورې او اغزن تار په ګډون بربنډې کړي او د افغانستان د خلکو د عدالت غوښتنې غږ مې ور سره راپورته کړی دی.

ښاغلی نبیل په داسې حال کې له خپلې ارادې او غوښتنو د نه اوښتو او په پوره صداقت له خپلو حقونو د ساتنې غږ راپرته کړی، چې د افغانستان د سولې امریکایي استازي زلمي خلیلزاد او د جنوبي آسیا لپاره د ترمپ سلاکاره لیزا کورتس تېر ماښام په کابل کې د ملي وحدت حکومت له مشرانو او یو شمېر سیاسي څېرو سره لیدلي دي.

تازه خبرونه

وسلوال مخالفان دې په لارو کې ماین ښخونه ودروي – ولسمشرغني

Ariana News

خپور شوی

په

توسط

(Last Updated On: زمری ۲۳, ۱۳۹۹)

د سولې د خبرو په درشل کې، ولسمشر غني له وسلوالو مخالفانو وغوښتل، چې د سړک غاړې ماین ښخونه ودروي او د د سولې مشورتې جرګې غوښتنو ته دې غاړه کیدي.

ولسمشر محمد اشرف غني د پنجشنبې پر ورځ په کندهار کې د سړک غاړې ماین چاودنه وغندله او له وسلوالو طالبانو یې وغوښتلو چې له تاوتریخوالي لاس واخلي او د ماینونو ښخولو عمل پای ته ورسوي.

ارګ په ډاګه کړې، چې د کندهار ولایت د پنجوایي ولسوالۍ په زلخان سیمه کې نن د طالبانو لخوا  د ځای پر ځای شوي ماین په چاودنه کې د یوې ماشومې او څو ښځو په ګډون زمونږ یو شمېر هېوادوالو ته ځاني او ماي زیانونه ورسیدل.

 ولسمشرغني دغه پېښه تروریستي بولي او وایي، چې طالبان دې له حکومت سره د مخامخ مذاکراتو د پیلېدو او سولې په درشل کې له تاوتریخوالي په ځانګړي ډول په لویو لارو کې د ماینونو اېښودلو څخه، چې د ملکي تلفاتو عمده لامل کېږي، ډډه وکړي؛ تلپاتې او باعزته سولې ته د رسېدو لپاره دې د ولس، حکومت او سولې مشورتي لویې جرګې غږ ته لبیک ووایي.

دا په داسې حال کې ده، چې د یکشنبې پر ورځ هم د دې ولایت ۸ عام وګړي د سړک غاړې  ماین چاودنې وژلي دي.

Continue Reading

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

Trending