Connect with us

تازه خبرونه

پر نوري فایبر او کانونو پانګونې ته لیواله يو- امریکايي پانګوال

Ariana News

خپور شوی

 په

(Last Updated On: کب ۷, ۱۳۹۷)

په کابل کې د افغانستان او امریکا د ګډې سوداګريزې خونې مسوولین وایي؛ امریکايي پانګوال لیواله دي، چې په افغانستان کې پر نوري فایبر او کانونو پانګونه تر سره کړي.

په کابل کې د افغانستان او امریکا د ګډې سوداګريزې خونې مسوولینو په دې اړه یوې راببل شوې ناستې ته څرګنده کړې، چې له ټولو افغان سوداګرو سره به په افغانستان کې د پانګونې پر فرصتونو بحث تر سره شي.

د افغانستان او امریکا د ګډي سوداګرۍ خوني عامل رییس وايي؛ امریکايي پانګوال لیواله دي، چې په ځانګړي توګه د کانونو او فایبرنوري په برخه کې پانګونه تر سره کړي.

د افغان ـ امریکا د سوداګرۍ خونې عامل مشر جیفري ګریکو وایي؛ امریکايي پانګوال به تر راتلونکیو دولس میاشتو د نوري فایبر د پراختیا لپاره په هغو ولایتونو کې، چې خلک ورته لاسرسی نلري سل میلیون دالر نوره پانګونه هم وکړي.

د سوداګرۍ خوني مسوولین وايي، چې ورځ تر بلي د دواړه هېوادونو ترمنځ د سوداګرۍ د پراختیا لپاره کارونه مخ په ښه کیدو دي او د کارګو له فعالیدو سره  به د هېواد  محصولات تر امریکا هم ورسیږي. دوی زیاتوي؛ د چابهار او لاجورد لارې هم په افغانستان کي نړیوال پانګونې ته هڅولي دي.

د افغانستان سوداګري خوني عامل پلاوي رییس عتیق الله نصرت وایي؛ نړیوال پانګوال غواړي، چې په افغانستان کې پانګونه وکړي. د هېواد وروستیو پرمختګونو د هېواد پر اقتصادي وده خورا مثبت اغېز کړی دی.

د سوداګرۍ خوني مسوولین وايي؛ مونږ په افغانستان کې د کانونو، انرژۍ د تولید او د کرني په بېلابېلو برخو کې د پانګونې لپاره ښه فرصتونه لرو.

خبریال: اسلم حجاب

تازه خبرونه

په حکومت کې د ګمرک میلیونونه عواید هر کال بې ځایه ځي

Ariana News

خپور شوی

په

توسط

(Last Updated On: چنګاښ ۱۶, ۱۳۹۹)

د افغانستان د روڼتیا څار بنسټ څرګنده کړې؛ په ګمرکونو کې پر فساد ککړ کسان، سیمه ییز زورواکي او حکومتي څېرې دي، چې د ګمرک عواید بې ځایه لګوي.

د  هرات ولایتي شورا غړي غلام هاشم ویلي، لس باروړنکي موتر په یوه نمبر پلیټ له محصول پرته بهر وځي او هره ورځ له سلګونه تېل ټانکرو او اضافه بار ټولګو محصول نه اخیستل کیږي.

د اسلام کلا ګمرک چارسمبالی مصطفی حکیمي تائیدوي، چې د سوداګریزو مالونو محصول د زورواکو د لاسوهنو له کبله نه اخیستل کیږي او کارونه د زور او ګواښ له مخې پر کارکوونکیو تر سره کیږي. ان یو شمېر کارمندان د بشري سرچینو د مدیر په ګډون ډبول شوي هم دي.

د هرات والي احمد وحید قتالي څرګنده کړې؛ د یوې سوداګریزې ټولګې له درې میلیون محصول یوازې ۳۰ زره افغانۍ ورکول کیږي. ان له ټګۍ برګۍ کار اخلي؛ اضافه بار، ناقانونه مالونه او بدل جنس تېرول یې ښکاره خبره ده.

د افغانستان د ګمرکونو په تړاو د افغانستان روڼتیا څار څېړونکي ناصر تیموري په ډاګه کوي، چې هر کال د زورواکو، په فساد کې د ککړو سیمه ییزو او مرکزي چارواکو په لاسوهنهپه میلیونونو ډالر ځانګړیو جېبونو ته ځي او له هوسونو ځاریږي.

دغه بنسټ زیاته کړې، چې په ګمرکونو کې له رڼښت او سیالۍ پرته ګمارنو دا جوړښت فاسد کړی دی.

 مالیې وزارت ویاند شمروز خان مسجدي که څه هم په ګمرکونو کې فساد تائیدوي؛ خو د فساد پر پوره څېړنې ټينګار هم د یادونې وړ بولي او وایي: مونږ له شک پرته منو، چې فساد شته؛ خو مونږ د والیانو د موندنو په تمه یو، چې د کومې څېړنې له مخې یې دا معلومات تر لاسه کړي دي.

د اداري سمونونو او ملکي خدمتونو خپلواک کمیسیون ویاند فرید احمد حقمل ویلي؛ تر دې دمه ټولې ګومانې او ټاکنې مالیې وزارت تر سره کړي او په دې کې د اصلاحاتو خپلواکې ادارې ته هیڅ واک ندي ورکړشوی؛ خو ټاکل شوې، چې د ولسمشر په سپارښتنه د ګمرکونو ټولې څوکۍ د آزادې سیالۍ له لارې د ګومارنې لپاره وړاندې شي.

د مالیې وزارت په ډاګه کړې؛ په ګمرکونو کې یې سکنرونه ایښي، چې د فساد مخنیوی پرې شوی او په ځینو ګمرکونو کې د فساد لپاره سکنرونه غیر فعال ساتل شوي دي.

Continue Reading

تازه خبرونه

په کابل کې د ۱۸ هېوادونو د استازیو د سولې سیمه ییزه ناسته تر سره شوه

Ariana News

خپور شوی

په

توسط

(Last Updated On: چنګاښ ۱۶, ۱۳۹۹)

د افغانستان حکومت د دوشنبې پر ورځ په کابل کې د ۱۸ هېوادونو، ملګروملتونو او د اسلامي همکارۍ د ټولنو د استازیو په ګډون د سولې بهیر د سیمه ییزې ناستې کوربتوب تر سره کړ.

دغه ویدیوي ناسته، چې د افغانستان د بهرنیو چارو وزارت چارسمبالي حنیف اتمر یې مشري کوله؛ د ولسمشر اشرف غني له وینا سره پیل شوه.

د بهرنیو چارو وزارت مسوولینو ویلي؛ دغه ناسته د سیمه ییزې اجماع د پیاوړتیا لپاره تر سره شوه، چې په کې د تاوتریخوالي پر کمښت، د خپلمنځي خبرو پیل، اوربند ته رسیدل او د طالب بندیانو پر خوشې کولو هر اړخیزې خبرې را وڅرخیدلې.

د خپلمنځی خبرو د پیلولو لپاره دغه ناسته په داسې حال کې جوړیږي، چې ښکېلو خواوو جګړه روانه ساتلې او تاوتریخوال هم ډېر شوی دی.

طالبانو د ټواو بندیانو خوشې کیدل د خپلمنځي خبرو او اوربند لپاره شرط ایښی او حکومت هم د ټولو حکومتي بندیانو خوشې کول د شرطه په توګه وړاندې کړي او وایي، چې د ځانګړیو څېرو خوشې کول، چې طالبان پرې ټینګار کوي ؛ ناشونې ده.

د حکومتي سرچینو د څرګندونو له مخې؛ له تېرو ۲۴ ګړیو راپدیخوا طالبانو په ۶ ولایتونو کې ۳۶ بریدونه کړي او افغان ځواکونه ور سره ښکېل پاتې شوي دي.

وګورو، چې د ملګرو ملتونو او اسلامي هېوادونو د همکارۍ ټولنې به وکړای شي، چې په جګړه کې ښکېلې خواوې اورکم ته راضي او خپلمنځي خبرو ته زمینه برابره کړي او که نه!

Continue Reading

تازه خبرونه

اسرائیلو د دښمنانو د څارنې لپاره یوه پوځي څارګره سپوږمکۍ خلا ته وتوغوله

Ariana News

خپور شوی

په

توسط

Reuters
(Last Updated On: چنګاښ ۱۶, ۱۳۹۹)

اسرائیلو د دوشنبې پر سهار د پوځیانو د څارنیزو اطلاعاتو د ترلاسه کولو لپاره یوه سپوږمکۍ، چې د لید پوره وړتیا لري فضا ته وتوغوله.

اسرائیل، چې د خپلو څارګرزو وړتیاوو د پراختیا په حال کې دی؛ غواړي هغه هېوادونه په ځانګړي توګه ایران تر خيب څار لاندې ونیسي، چې هستوي ګواښونه رامنځته کولی شي.

دغه سپوږمکۍ افک-۱۶ نومیږي، چې د پوځي موخو لپاره خلا ته توغول شوې ده.

د اسرئیلو دفاع وزیر این ماهواره جاسوسی نظامی با نام افک-۱۶ به فضا پرتاب شده است.

بني ګانتس څرګنده کړې: مونږ به د اسرائیلو د ځواکمنۍ او وړتیاوو د خوندي کولو لپاره په هره جبهه او هر ځای کې د ژغورنې هڅې تر سره کوو.

د نوموړي د څرګندونو له مخې؛ دغه سپوږمکۍ په ځمکه، هوا، خلا او اوبو کې د اسرائیلي ځواک وړتیاوې پیاوړې کوي.

دغه سپوږمکۍ، چې د اسرائیلو د خلا دفاعي شرکت پرې کار کړی؛ د یوې اوونۍ په دننه کې به خپل لومړني انځورونه مخابره کړي. سرچینه: رویترز.

Continue Reading

Trending