Connect with us

تازه خبرونه

د افغانستان بانک پر فساد تورن ۴ چارواکي لویې څارنوالۍ ته وروپېژندل شول

Ariana News

خپور شوی

 په

(Last Updated On: چنګاښ ۷, ۱۳۹۹)

د افغانستان بانک عالي شورا د دغه بانک څلور لوړ پوړي کارکوونکي، چې پر فساد تورن دي؛ له دندو ګوښه او لویې څارنوالۍ ته ورپېژندلي دي.

د افغانستان بانک څرګنده کړې، چې له دې اقدام څخه موخه د روڼتیا رامنځته کول دي.

د افغانستان بانک ویاند شریف الله شګیوال ویلي؛ د بانک د داخلي تفتیش ادارې له فساد سره د مبارزې په اړه په د افغانستان بانک کې له څېړنو وروسته خپل راپور د افغانستان بانک عالي شورا غونډې ته وړاندې کړ، چې له کبله يې د بانک د یوه مرستیال په ګډون درې نور لوړ پوړي کارکوونکي له دندو ګوښه شول.

شریف الله شګیوال زیاته کړې؛ د افغانستان بانک عالي شورا د تفیش وروستي راپور له مخې هغه څلور لوړ رتبه مامورین له دندو ګوښه او د نور رڼښت لپاره لویې څارنوالۍ ته وروپېژندل شول.

د افغانستان بانک دوه یم مرستیال محمد قسیم رحیمي، چې د فساد پر تور له د ندې ګوښه شوی؛ دغه کړنه د قانون خلاف بولي او وایي، دا یوه توطيه ده.

هغه زیاته کړې، چې دا موضوع او سکالو به دعدلي او قضایی بنسټونوله لارې وڅاري.

د افغانستان د حقوقپوهانو د ټولنې غړيو هم ويلي، چې ولسمشر د دغو کسانو د لیرې کولو واک لري؛ خو له ګوښه کیدو مخکې دغه کسان د ولسمشر په مخ کې د رڼښت او وضاحت او سپیناوي حق لري، چې په وینا یې دا حق ترې اخیستل شوی دی.

د حقوقپوهانو ټولنې غړی عبدالوحید فرزه یی: هم وايي، چې له دندو د دغو کسانو په لیرې کولو کې د بانک قانون تر پښتو لاندې شوی دی.

د مدني ټولنوغړي او د روڼتیا او څار بنسټ هم د افغانستان بانک د مسوولینو دغه اقدام سیاسي او د بانک د قانون خلاف بولي او له ولسمشره یې غوښتي، چې دغه مالي بنست له سیاسی جنجالونو خلاص کړي.

د افغانستان د روڼتیا اوڅار بنست مشر سید اکرام افضلي ویلي؛ د افغانستان بانک مشر باید یو غیر سیاسي شخص وي. په دې مالي بنست کې ړروستۍ کړنې سیاسي دي او باید دا مالی بنست له دې ستونزو خلاص شي.

د اقتصادي چارو کارپوه عبد القادر جیلاني وایي؛ مونږ ګورو، چې ښاغلی احمدي په ادارو کې له عقده يي کړنو کار وانخلي او باید د نوموړي د کنترول لپاره عدلي او قضایي بنستونه مدا خله وکړي.

د افغانستان بانک مسوولین وایي، دغه څلور کار کوونکي په اووه قضیو کې پر فساد تورن او څارنوالۍ ته یې دوسیې استول شوي.

د چارو پوهان وایي، که دا ځل د احمي د خپلسریو مخنیوی ونشي ښایې دغه مالي بنست له سختو ستونزو سره مخ شي.

تازه خبرونه

ستر جنرال دوستم د افغانستان درېیم مارشال شو

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

ولسمشر اشرف غني په یوه فرمان کې د ولسمشر پخواني مرستیال سترجنرال عبدالرشید دوستم ته د مارشالۍ رتبه وړاندې کړې ده.

د ولسمشر د پخواني مرستیال ستر جنرال عبدالرشید دوستم ویاند بشیر احمد ته ینج آریانا نیوز ته منلې، چې د ولسمشرۍ دغه فرمان د روان کال د غبرګولي پر ۲۱ د ولسمشر اشرف غني او د ملي پخلاینې د عالی شورا د مشر عبدالله عبدالله د سیاسي هوکړې له مخې صادر شوی دی.

د مارشالۍ رتبه په اردو کې ترټولو لوړ مقام دی.

د دغې سیاسي هوکړې له مخې؛ دوستم د دولت د عالی شورا او امنیت شورا له غړیتوبه هم برخمن کیږي.

د ولسمشر په فرمان کې راغلي: د اساسي قانون د ۶۴ مادې د ۱۹ فقرې له مخې د مارشالۍ رتبه د هېواد دې سیاسي شخصیت ته د ده د خدمتونو په ویاړ، چې په سیاسي بندون او هېوادني ثبات کې یې تر سره کړی؛ وړاندې کیږي.

دوستم د افغانستان په تاریخ کې له شاه ولي خان او محمد قسیم فهیم وروسته د هېواد درېیم مارشال دی، چې د مارشالۍ ویاړ یې ترلاسه کړی دی.

Continue Reading

تازه خبرونه

د جمعیت اسلامي د رهبري شورا ۴۷ غړیو رباني له مشرتابه ګوښه کړ

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د جمعیت اسلامي د رهبري شورا ۴۷ غړیو صلاح الدین رباني د دې ګوند له مشرتابه ګوښه او د کانګرې تر جوړیدو پورې یې د جمعیت د لنډمهالي مشر په توګه عنایت الله شاداب ټاکلی دی.

داسې ښکاري، چې حزب جمعیت دوه ټوټې شوی؛ د دې ګوند د مشرتابه شورا اووه څلوېښت غړیو د صلاح الدین رباني خلاف رایه و کاروله او هغه يې له مشرتابه لیرې کړ. په دوی کې عطا محمد نور، یونس قانوني، بسم الله محمدي، حفیظ منصور، اسماعیل خان او ستار مراد استازیتوب لري.

د مشرتابه له ۶۲ غړیو ۴۷ یې عنایت الله شاداب، چې د دې ګوند له بنسټګرو دی؛ د مشرتابه شورا لنډمهالی مشر ونوماوه، چې له کلونو وروسته د ګوند د عمومي اسامبلې لپاره لومړني ګامونه واخلي.

د حزب جمعیت د مشرتابه شورا ځینو غړيو ویلي؛ صلاح الدین رباني خپلسري کوله او لیدلوری یې د حکومت په وړاندې د اپوزیسیون جوړول ول. په داسې حال کې، چې جمعیت اوس په قدرت کې دی او له حکومت ملاتړ کوي.

 د حزب جمعیت مرستیال احمد ضیا مسعود ویلي؛ صلاح الدین رباني اوس هم د ګوند مشر دی او انشعابي څېرې نشي کولی د ګوند په اړه کورنۍ پرېکړه وکړي.

هغه حکومت تورنوي، چې د دې ګوند د مشرتابه شورا له ځينو غړیو سره يې له لنډو خبرو وروسته د حزب جمعیت اسلامي افغانستان د پاشلو زمینه برابره کړله.

صلاح الدین رباني نه غوښتل په مشارکتي حکومت کې شریک وي؛ خو د مشرتابه شورا ۴۷ غړیو ځان په حکومت کې د عبدالله له پتې شریک ګاڼه او دوی وايي، چې د سولې په بهیر کې به د عبدالله تر څنګ د پام وړ رول ولوبوي.

د مشرتابه شورا یوې سترې برخې صلاح الدین رباني پخپل ځای پرېښی، ښاغلي رباني دوه اوونۍ مخکې د حزب جمعیت اسلامي ځيني غړي پر معاملو تورن کړي وه.

د افغانستان زیاتره ګوندونه په دا تېرو دوه لسیزو کې بې نظمه او څو ټوټې او له داخله وراسته او شړېدلي دي او ندې توانیدلي، چې په سیاسي معادلو کې د یوه واحد ارګان په توګه عمل وکړي. له همدې کبله انګیرنه دا ده، چې زیاتره ګوندونه د وروستیو دوه لسیزو په بدلونونو کې کمزوي ثابت شوي دي.

Continue Reading

تازه خبرونه

طالبان اوس هم د القاعده له څانګو سره همکار دي – پنتاګون

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د امریکا دفاع وزارت په یوه راپور کې، چې د افغانستان امنیت په تړاو کانګریس ته لیږل شوی؛ طالبان  د القاعده له هغې څانګې سره په همکارۍ تورنوي، چې د هند ټاپو وزمې لپاره کار کوي.

طالبان د پنتاګون په تازه راپور کې تورن شوي، چې د القاعده شبکې له هغې څانګې سره همکاري کوي، چې د هند ټاپووزمې پر ضد هڅې تر سره کوي.

د پنتاګون د تازه راپو له مخې؛ د القاعدې دا څانګه له ټیټ پوړیو طالبانو سره اړیکې پالي او موخه یې د افغان دولت کمزوري کول دي.

د پنتاګون په دې راپور په ډاګه شوې، چې القاعده پورې تړلې سیمه ییزې ډلې له طالبانو سره نږدې اړیکې ټینګوي او پر امریکایي او د نورو هېوادونو پر سرتېرو په بریدونو کې خپلې تلپاتې ګټې ویني.

پنتاگون دا هم ویلي؛ د سولې په بهیر کې شویو پرمختګونو ته په کتو د القاعدې او طالبانو نږدې اړیکې خطرناکې دي او ممکن دوام وکړي.

پنتاګون ښيي؛ روسیه له طالبانو او نورو ډلو سره فعالانه کار کوي، چې له افغانستان څخه د بهرنیو ځواکونو د وتلو بهیر چټک شي. دا هغه څه دي، چې د امریکا د بهرنیو چارو وزیر له خپل روسي سیال سره په اړیکه کې پرې خبرې کړي دي.

د امریکا د بهرنیو چارو وزیر مایک پمپیو څرګنده کړې؛ هغوی په افغانستان کې مات شول، موخه یې هلته د ترهګرۍ د خطر کمی دی،  ما مې له خپل روسي سیال سره پدې تړاو خبرې کړي دي. هغوی باید په دې موضوع کې ځان شریک نکړي.

د ولسمشر ویاند صدیق صدیقي ویلي؛ طالبان له امریکا سره په دوحه کې شوې هوکړې ته ژمن ندي او د افغانستان د امنیتي بنسټونو راپورونه ښیي، چې طالبان د القاعده شبکې په ګډون له څو ترهګرو ډلو سره همکاري کوي.

د پنتاګون د راپور له مخې؛ ایران له طالبانو سره د حساب وړ اړیکو له لارې غواړي له افغان دولت سره هم پیاوړې اړیکې تعقیب کړي.

Continue Reading

Trending