تازه خبرونه
د کابل په کووید ۱۹ روغتونونو کې د پوره روغتیایي خدمتونو نشتوالي خلک اندېښمن کړي
په کرونا ویروس د اخته کسانو خپلوانو او پایوازانو ویلي، چې په کابل کې له دغې ناروغۍ سره د مبارزې په روغتونونو کې طبي آسانتیاوې پر نشت شمار دي؛ ځکه ډېري ناروغان د ناروغۍ د شدت له کبله نه، بلکې د آسانتیاوو د نشتوالي له کبله په روغتونونو کې مړه کیږي.
په کابل کې له کرونا ویروس سره د مبارزې لپاره په ځانګړیو روغتونو کې د آسانتیاوو د نشتوالي له کبله د هرې ورځې پر تېریدو اندېښنې او شکایتونه مخ پر ډېریدو دي.
خلک وايي، چې له میلیونونه دالر مرسته شویو پیسو سره – سره په روغتونونو کې لازمې آسانتیاوې نه دي برابرې شوي او ناروغان له همدې کبله ژوند له لاسه ورکوي.
رحمان نومی د ناروغ مل ویلي: د تېرې شپې عیني شاهد یم، چې ۱۵ کسان مړه شول او جنازې یې له روغتونه څخه ووتې.
افغان سینماګر فقیر نبي هم پر کرونا ویروس اخته و، چې په افغان جاپان روغتون کې یې ساه ورکړه. د هغه د کورنۍ غړي وايي، چې فقیر نبي په روغتون کې د طبي آسانتیاوو د نشتوالي او بې پروايۍ له کبله ژوند له لاسه ورکړ.
دوی زیاتوي، چې فقیر نبي څلور ورځې د روغتون په انګړ کې پروت و، چې ساه یې ورکړه.
د ارواښاد فقیر نبي ورور مالک مهدي ویلي: ۴ ورځې فقیر نبي د روغتون په انګړ کې پروت و؛ هغه یې آیسو ته ونه لیږداوه او اکسیجن یې ورنکړل. دغه راز وینتلاتور نلري او ډاکټرانو ورته پاملرنه ونکړه.
د کابل د عامې روغتیا رييس خوشحال نبي زاده هم مني، چې د اړتیا په تناسب په روغتونونو کې آسانتیاوې لږ دي او مونږ اړ یو، د روغتون له انګړ او دهلیزونو کار واخلو.
دا په داسې حال کې ده، چې د عامې روغتیا د رييس په وینا؛ په کابل کې نږدې یو سل و شپېته د کرونا ناروغان بستر دي.
د کابل ښاریان وايي؛ مرستو ته په کتو د عامې روغیتا چارواکي ندي توانیدلي، چې د یو سل و شپېته کسانو لپاره لازم طبي سهولتونه برابر کړي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه18 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ16 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی17 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ