Connect with us

تازه خبرونه

زلمي خلیلزاد په مسکو کې د افغانستان پر سوله خبرې کړي

Ariana News

خپور شوی

 په

(Last Updated On: ليندۍ ۱۷, ۱۳۹۷)

په افغانستان کې د سولې د رامنځته کولو لپاره د امریکا د بهرنیو چارو وزارت ځانګړي استازي زلمي خلیلزاد له روسي چارواکو سره هم ليدلي دي.

تاس خبري آژانس د روسيې د بهرنیو چارو وزارت او په مسکو کې د امریکا د سفارت له وینا ویلي، چې زلمي خلیلزاد او د روسيې د بهرنیو چارو وزارت مرستیال ایګور مارګلوف او د افغانستان لپاره د روسيې ځانګړي استازي ضمیر کابلوف د افغان حکومت او طالبانو ترمنځ د سولې د مستقیمو خبرو پر موضوع خبرې کړې دي.

د روسيي د بهرنیو چارو وزارت په ډاګه کړې؛ مسکو په دې باور دی، چې د افغانستان جګړه یوازې سوله ییز حل لري او دیپلوماتیک حل هم د روسيې او هم د سیمې په ګټه دی.

زلمي خلیلزاد د سولې روان ماموریت تېره چارشنبه له اسلام آباده پیل کړ، د پنجشنبې پر ورځ سهار مهال کابل ته راغی او له غرمې وروسته پرته له ځنډه روسيې ته روان شو.

په روسیه کې د امریکا سفارت څرګنده کړې؛ د امریکا استازي زلمي خلیلزاد ټینګار کړی، چې د افغانستان روانه جګړه د خبرو له لارې حل کیږي.

د سولې په چارو کې د امریکا استازي خلیلزاد روسي لوري ته په ډاګه کړې؛ افغانان باید پرېښودل شي، چې خپل راتلونکی پخپله وټاکي، نه هغه حل لار، چې له بهره پرې وتپل شي.

د امریکا سفارت دا هم ویلي، چې د افغانستان له روغې جوړې دواړه هېوادونو(امریکا او روسیې) ته ګټه رسېږي؛ ترهګري به ختمه شي او د نشه یي توکو ګواښ به هم له منځه ولاړ شي.

د روسیې په کوربتوب د لړم پر ۱۸ چې د نومبر له ۹ سره برابره وه د طالب او امریکا د استازیو په ګډون د سیمې د ګڼو هېوادونو له استازیو غونډه جوړه شوې وه، چې په کې طالبانو د امریکایي سرتېرو پر وتو ټینګار څرګند کړی دی.

د امریکا استازی زلمی خلیلزاد به له روسیې څخه عربي هېوادونو او بلجیم ته سفرونه ولري.

تازه خبرونه

Regional consensus crucial to Afghan Peace Negotiations: SAARC

Ariana News

خپور شوی

په

توسط

(Last Updated On: تله ۴, ۱۳۹۹)

Foreign Ministers of SAARC member states have emphasized the importance of the regional consensus for the success of the Afghan Peace Negotiations (APN).

In the SAARC Information meeting of the Council of Foreign Ministers, which was held virtually on the sidelines of the UN General Assembly, Acting Foreign Minster Mohmmad Haneef Atmar thanked SAARC member-states for their support to the Afghan-led and Afghan-owned peace process.

According to a statement released on Friday, Atmar called on the participating countries to extend necessary support to Afghanistan for achieving “a humanitarian ceasefire between the Government of the Islamic Republic of Afghanistan and the Taliban, based on the relevant UN Security Council Resolution.” 

“Atmar stressed that the humanitarian ceasefire would help enable relevant institutions of the Government of the Islamic Republic of Afghanistan to provide medical services to the affected communities living throughout Afghanistan,” the statement read.

The South Asian Association for Regional Cooperation (SAARC) is the regional intergovernmental organization and geopolitical union of states in South Asia.

Its member states are Afghanistan, joined the organization in 2007, Bangladesh, Bhutan, India, the Maldives, Nepal, Pakistan, and Sri Lanka.

Continue Reading

تازه خبرونه

په کندهار کې ۱۹ طالبانو او ۷ پولیسو ته مرګ و ژوبله اوښتې

Ariana News

خپور شوی

په

توسط

(Last Updated On: تله ۴, ۱۳۹۹)

د کندهار امنیتي چارواکو ویلي، چې د دې ولایت په تخته پل ولسوالۍ کي ۱۹ وسلوالو طالبانو او ۷ پولیسو ته مرګ ژوبله اوښتې ده.

د کندهارامنیه قومندانۍ ویاند جمال ناصر بارکزي ویلي؛ تېره شپه وسل والو طالبانو د تخته پل ولسوالۍ د ملید پر پوسته ډلیز برید تر سره کړی، چې په کې اته وسلوال وژل شوي یوولس نور ټپیان دي.

نوموړي زیاته کړې، چې په دې نښته کې درې پولیس هم وژل شوي او څلور نور ټپیان دي.

دغه راز چارواکو ویلي؛ په روزګان ولایت کې له تېرو څو ورځو راپدیخوا په نښتو کې لږ تر لږه ۶۴ سرتېري وژل شوي دي.

په دې ولایت کې سیمه ییزو چارواکي څرګنده کړې، چې د روزګان ولایت ګیزاب ولسوالي له څو ورځو راپدیخوا د طالبانو تر محاصرې لاندې ده او له تېرو دوه ورځو پر دهراود ولسوالۍ هم بریدونه روان دي.

سیمه ییز چارواکي خبرداری ورکوي که مرستندوی ځواکونه ور ونه رسیږي دواړه ولسوالۍ به سقوط وکړي.

وسلوالو طالبانو تر دې دمه په دې اړه څه ندي ویلي.

دا په داسې حال کې ده، چې د دوحې د خپلمنځي خبرو له پرانستې را پدیخوا په ټول هېواد کې د ښکېلو خواوو تر منځ نښتو زور اخیستی دی.

Continue Reading

تازه خبرونه

د روزګان دهراود او ګيزاب ولسوالۍ د سقوط په درشل کې دي

Ariana News

خپور شوی

په

توسط

(Last Updated On: تله ۴, ۱۳۹۹)

د روزګان ولايت سيمه ییزو چارواکو ویلي؛ که د دې ولایت دهراود او ګیزاب ولسوالیو ته پوځي مرسته ونه رسيږي، نو په دې ولسواليو کي محاصره سرتېرو ته به درنده مرګ و ژوبله واوړي او دا ولسوالۍ به سقوط شي.

په دغو ولسواليو کي له تېرې يوې اوونۍ راپدیخوا سخته جګړه روانه ده او د ولسواليو مرکزونه وسلوالو محاصره کړي دي.

د سيمي اوسيدونکي وايي، د جګړې په لومړۍ کرښه کې عام خلک بند پاتي دي او ډېري کسان د جګړې له کبله مړه او ټپيان شويدي.

له تېرو لس ورځو څخه د روزګان د ګيزاب ولسوالۍ مرکز د وسلوالو طالبانو له خوا تر محاصرې لاندې دى او هلته لسګونه سرتېري هم وژل شوي دي.

په روزګان کي امنيتي مسوولينو ويلي؛ په ګيزاب کي تر اوسه د جګړې له کبله ٦٤ امنيتي سرتېري وژل شوي او همدا شان ملکي کسانو ته هم مرګ و ژوبله اوښتې؛ خو دوى ته يې شمېر ندى معلوم.

د دوى په خبره له تېرو دوه ورځو را پدیخوا د دهراود پر ولسوالۍ هم د وسلوالو ډله یيز بريدونه پيل شوی، چي پېنځه ملکي کسان په کي ټپيان او يو ماشوم وژل شوى دى.

دوى زياتوي اوس هم هلته ډېري امنيتي سرتېري محاصره دي. که پوځي مرسته ور نکړ شي وبه وژل شي او ولسوالي به هم وسلوال ونیسي.

د دې ولايت د ولايتي شورا پخواني مشر امان الله هوتکي ويلي، مرکزي حکومت تر اوسه د روزګان د جګړې د مهارولو په موخه هڅه نده کړې.

هغه زیاته کړې؛ که د ګيزاب او دهراود ولسواليو د سقوط مخه ونه نيول شي روزګان ولايت به سقوط وکړي، ځکه په زرګونه وسلوال طالبان له بېلابېلو ولايتونو راټول شوي او پر روزګان يې بريدونه پيل کړي دي.

د دغې جګړې قربانيانو ويلي؛ دولت تر اوسه ندى توانيدلى، چي ملکي خلک د جګړې له لومړۍ کرښې وباسي او ډيرو خلکو ته په کي مرګ و ژوبله اوښتې ده.

دا په داسي حال کې ده، چي د سولي د خبرو له پيل سره سم وسلوالو طالبانو او حکومتي ځواکونو د هېواد په بېلابېلو ولايتونو کي سختي جګړې پيل کړي، چي په کې هره ورځ لسګونه ملکي کسان او امنيتي سرتېرو ته مرګ و ژوبله اوړي او خلک د سولي پر خبرو هم بې باوره شوي دي.

Continue Reading
Advertisement

Trending