Connect with us

تازه خبرونه

زلمی خلیلزاد په بروکسل کې د ناتو له مشرانو سره مشورې کوي

Ariana News

خپور شوی

 په

(Last Updated On: January 27, 2020)

د افغان سولې لپاره د امریکا ځانګړی استازی زلمی خلیلزاد په بروکسل کې د طالبانو لخوا د تاوتریخوالي د کمولو پر موضوع د ناتو له مشرانو سره خبرې کوي.

باخبرې سرچینې وايي، چې خلیلزاد به له بروکسل څخه پاکستان ته ولاړ شي او د هغه هېواد له چارواکو سره به پر همدغه موضوع له خبرو وروسته کابل ته راستون شي.

له امریکا سره د سولې د هوکړې لاسلیک ته د طالبانو لخوا په افغانستان کې د تاوتریخوالي د کمولو طرحه اوس د ناتو پر میز پرته ده.

د افغان سولې لپاره د امریکا ځانګړی استازی زلمی خلیلزاد په بروکسل کې دی او د ناتو له چارواکو سره په افغانستان کې د تاوتریخوالي د کمولو پر طرحه خبرې کوي.

د طالبانو د واکمنۍ لوی څارنوال جلال الدین شینواري ويلي، چې خلیلزاد به له بروکسل څخه اسلام آباد او له هغه ځایه کابل ته هم سفرونه ولري.

هغه زیاته کړې، چې امریکا له طالبانو غوښتي، چې  اوږد مهاله اوربند دې ومني.

د ولسمشرۍ ویاند صدیق صدیقي بیا وايي، چې افغان حکومت د امریکا له ملي امنیت شورا سره په ګډه په افغانستان کې د اوربند پر ټينګښت او له افغانستان څخه بهر د طالبانو د پټنځایونو د پر له منځه وړلو کار کوي.

ارګ اوس هم د تاوتریخوالي کمول نه مني او د سولې د خبرو لپاره پر بشپړ اوربند ټینګار ښکاره کړی.

پخوانی طالب چارواکی سید اکبر آغا وایي، د تاوتریخوالي کمول به د باور د فضا په رامنځته کولو کې مرسته وکړي.

د نوموړي د څرګندونو له مخې؛ خلیلزاد له طالبانو څخه پر لنډمهالي اوربند د غور غوښتنه کړې؛ خو طالبانو د تاوتریخوالي پر کمښت ټینګار کړی و.

ملګرو ملتونو هم د افغانستان په جګړه کې له ښکېلو لوریو غوښتي، چې د اوربند او سیاسي توافق لپاره د تاتریخوالي د کمولو اجرايي اړخ ته خپله پاملرنه راواړوي.

په افغانستان کې د ملګرو ملتونو ځانګړي استازي یاماموتو ویلي؛ د سیاسي توافق او اوربند لپاره په کار ده، چې ښکېلې خواوې باید د تاوتریخوالي پر اجرايي اړخ کار وکړي.

نوموړي زیاته کړې، چې که د افغانستان د ولسمشریزو ټاکنو پایلې هر څنګه وي؛ خو د نوي حکومت لومړیتوب به سوله وي.

په همدې حال کې د افغانستان لپاره د ملګرو ملتونو ځانګړي استازي ایران ته سفر کړی او د هغه هېواد له چارواکو سره پر افغان سوله خبرې کوي.

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

تازه خبرونه

د جمهوریت تر چتر لاندې ټول افغانان برابر دي – اشرف غني

Ariana News

خپور شوی

په

توسط

(Last Updated On: January 24, 2021)

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.

ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.

غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.

ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.

غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.

نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.

د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.

د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.

Continue Reading

تازه خبرونه

طالبان دې اوربند او پر ژمنو عمل وکړي – اتمر

Ariana News

خپور شوی

په

توسط

(Last Updated On: January 24, 2021)

د افغانستان د بهرنیو چارو وزیر حنیف اتمر ویلي؛ که غواړي، چې په افغانستان کې د ورستیو بریدونو له مسوولیته اوږې سپکې کړي؛ نو اوربند دې ومني.

له الشرق الاوسط ورځپاڼې سره په مرکه کې حنیف اتمر ویلي، چې طالبان باید له امریکا سره د تړون د لاسلیک پرمهال شوې ژمنې پوره کړي.

نوموړي زیاته کړې، چې افغان حکومت د طالبانو غوښتنه منلې او پخپلو کړیو ژمنو یې عمل کړی او له ۶۰۰۰ ډېر بندیان یې خوشې کړي دي.

حنیف اتمر ټینګار کړی؛ اوس د دې وخت رارسیدلی، چې طالبان په افغانستان کې د سولې راوستو لپاره خپل نیت څرګند کړي. د افغانستان خلکو او نړیوالې ټولنې ته ثابته کړي، چې دوی خپلې کړې ژمنې پوره کوي.

Continue Reading

Trending

Copyright © 2021 Ariana News. All rights reserved!