Connect with us

تازه خبرونه

زلمی خلیلزاد د سولې لپاره د پلاوي پر ټاکلو خبرې کوي

خپور شوی

د

(Last Updated On: لړم ۳, ۱۴۰۱)

د سولې د خبرو په لړ کې د افغان سولې لپاره د امریکا ځانګړی استازی زلمی خلیلزاد به له افغان حکومت څخه وغواړي، چې له وسلوالو طالبانو سره د خبرو لپاره هر اړخیز پلاوی وټاکي.

د قطر غونډې ته تلونکي کسان وايي؛ خلیلزاد به حکومت ته قناعت ورکړي، چې د قطر راتلونکې خپلمنځي غونډې ته یو هر اړخیز پلاوي وټاکي.

افغان حکومت هم له طالبانو سره د خبرو لپاره له سیاستوالو سره سلا مشورې پیل کړې دي.  

اجرائيه ريیس عبدالله عبدالله وایي؛ د سولې په اړه ټولې هڅې باید له ټولو سره شریکې او همغږي وي، چې د افغانستان د خلکو غږ د سولې په بهیر کې تمثیل شي. په دې اړه مشورې روانې ساتل شوي، چې وکولی شو خپلې هڅې ورسره همغږې کړو.  

که څه هم افغان حکومت په قطر کې د افغانانو په خپلمنځي غونډه کې د ګډون بلنیک تر لاسه کړی؛ خو تر اوسه حکومتي پلاوی ندی ټاکل شوي.

ښاغلي عبدالله په ډاګه کړې،چې د قطر له یوه انستیتیوت څخه یې د سولې په خبرو کې د ګډون غوښتنلیک تر لاسه کړی؛ خو په وینا يې د ګډون په اړه به یې په کابل کې له سلا مشورو وروسته پرېکړه وکړي.

د کابل پخوانی والي احمد الله علیزی وایي؛ حکومت وړاندیز کړی، چې د قطر ناسته دې له مشورتي لویې جرګې وروسته تر سره شي؛ خو مونږ وویل، چې نه! اول باید ناسته تر سره شي او بیادې د ناستې پایله د هوکړې لپاره جرګې ته وړاندې شي.  

قطر ته تلونکي د سیاستوالو پلاوی وايي؛ له حکومت څخه یې غوښتي، چې د قطر په جوړیدونکې غونډه کې دې د خبرو د یوه اړخ په توګه نه، بلکې د افغانستان د پلاوي په ترکیب کې ګډون وکړي.

د افغانانو له خپلمنځي خبرو مخکې به د زلمي خلیلزاد په مشرۍ امریکايي پلاوی له طالب استازیو سره په قطر کې د شپږم پړاو خبرې پیل کړي.

ویل کیږي، چې د اپریل پر شپاړسمه د قطر په پلازمېنه دوحه کې د افغانانو خپلمنځي غونډه جوړیږي.

سیاسي مخکښ نظر محمد مطمئین وایي، چې د افغانانو له ناستې مخکې امریکایان له طالب استازیو سره خبرې کوي. که دغه ناسته مثبته پایله ولري؛ نو د افغانانو تر منځ د خبرو پایله به هم مثبته وي.

افغان سیاستوال وايي، چې د سولې د روانو هڅو په اړه د حکومت په دریځ کې د تېر په پرتله نرمښت راغلی او دا تمه ښيي، چې حکومت به خپل پلاوي د افغانستان د پلاوي په ترکیب کې ورګډ کړي او له وسلوالو طالبانو سره به د دوحې په خبرو کې ګډون وکړي.

خبریال: باعث حیات

 

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!