Connect with us

تازه خبرونه

زلمی خلیلزاد د سولې د خبرو لپاره اسلام اباد ته رسیدلی

Avatar

خپور شوی

 په

(Last Updated On: ليندۍ ۱۳, ۱۳۹۷)

د افغانستان د سولې په چارو کې د امریکا د بهرنيو چارو وزارت استازی زلمی خلیلزاد نن سې شنبه( د لیندۍ۱۳) د پاکستان پلازمېنې اسلام اباد ته رسیدلی دی.

د پاکستان  خبري رسنيو خبر ورکړى،  چې  نن  زلمي خلیلزاد  اسلام اباد  ته رسيدلى دى.

ښاغلی خلیلزاد له دوبۍ څخه اسلام آباد ته په رسیدو غواړي د پاکستان له ملکي او پوځي چارواکو سره د افغانستان د روانې اووه لس کلنې جګړې پر پای ته رسولو او له طالبانو سره د سولې پر موضوع خبرې وکړي.

د امریکا د بهرنيو چارو  وزارت ويلي، د خلیلزاد دغه سفر د روانې میلادي مياشتې له دوه یمې نېټې پيل شوی او د همدې میاشتې تر شلمې به روان وي.

هغه به په دې سفر کې افغانستان، پاکستان، متحده عربي امارات، ازبکستان، ترکمنستان، بلجيم او قطر ته هم  سفرونه ولري.

دا په تېرو دوه مياشتو کې سيمې ته د خلیلزاد درېيم کاري سفر دی.

د طالبانو یوې باوري سرچیني SCPRD.COM  خبري سرچینې ته منلي، چې په  قطر کې د طالبانو  د سیاسي دفتر يو پلاوى اسلام آباد ته د پاکستان په بلنه  تللى دى.

په دې پلاوي کې شېر محمد عباس ستانکزی، شهاب الدین دلاور، ضیاء الرحمن مدني او عبدالسلام حنفي شامل دي.

د طالبانو رسمي سرچینو په دې اړه څه ندي ویلي.

دې سرچینې دا هم په ډاګه کړې، چې پاکستان د افغان سولې خبرو روان بهیر ته د ځان ور ګډولو لپاره دا کسان وربللي دي.

د افغانستان د سولې لپاره د امريکا استازی په داسې حال کې اسلام آباد ته رسیدلی، چې د امريکا ولسمشر دونالد ترمپ درې ورځې مخکې د پاکستان له لومړي وزير عمران خان څخه په يو ليک له هغه غوښتي وه، چې د سولې خبرو ته د طالبانو په هڅولو کې له امریکا سره مرسته وکړي.

عمران خان لدې مخکې ويلي، چې هېواد او پوځ به يې  نور په پرديو جګړو کې ګډون نکوي او نه به هم پخپله خاوره کې د امريکا لپاره جګړه وکړي؛ خو د سولې په اړه به له امريکا سره مرسته وکړي.

تازه خبرونه

په افغانستان کې د کرونا مثبتو پېښو ډېریدو اندېښنې راپورته کړي

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په افغانستان کې د کرونا ویروس چټکه خوریدنه ټکان ورکوونکې ده او عامې روغتیا وزارت ویلي؛ که  روغتیایي سپارښتنو ته پاملرنه ونکړو، هېواد به له لوی ناورین سره مخ شي.

 د عامې روغتیا وزارت د څرګندونو له مخې، په تېرو څلیریشت ګړیو کې یوولس سوه اته شپېته بېلګې کتل شوي، چې ۵۴۵ یې مثبتې را وتلي دي.

د عامې روغتیا وزارت مرستیال وحبد الله مجروح زیاته کړې؛ د کرونا ویروس له دې پېښو سره د ټولو مثبتو هغو شمېر۱۵۷۵۰ ته رسیدلی، چې په همدومره وخت کې ترې ۸ کسان مړه شوي دي.

د عامې روغتیا وزارت مرستیال د کرونا کنټرولولو لپاره د خلکو همکاري اړینه او له دې حالت څخه د وتو یوازنۍ لار بولي او خبرداری ورکوي که روغتیایي سپارښتنې رعایت نشي؛ هېواد به له لوی ناورین سره مخ کړو.

کرونا ویروس د نورې نړۍ په څیر افغانستان هم ځپلی او زیاترو خلکو، چې اقتصادي ستونزې یې درلودې؛ د کرونا له اړخه لګیدلو محدویتونو یې ژوند نور هم تریخ کړ. که څه هم د عامې روغتیا وزارت له خلکو څخه په بیا بیا غوښتي، چې په کورونو کې پاتې او روغتیایي سپارښتنې عملي کړي؛ خو د کابل په ګډون په لویو ښارونو کې ډېر خلک پر ټولنیزو کارونو اخته تر سترګو کیږي.

Continue Reading

تازه خبرونه

حکومت ۳۰۰۰ نه، بلکې ۲۲۸۴ طالب بندیان خوشې کړي- شاهین

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په قطر کې  د طالبانو د سیاسي دفتر غړي او ویاند سهیل شاهین ویلي؛ حکومت د درې زره طالب زندانیانو د خوشي کولو خبره کوي، خو په وینا یې تر دوه نیم زره کم طالب بندیان خوشي شوي دي.

د ده په خبره حکومت تر دې دمه له خپلو زندانونو د طالبانو ۲۲۸۴ بندیان خوشي کړي دي.

شاهین زیاته کړې، چې د بندیانو د خوشي کولو بهیر باید روڼ وي او په دې لړ کې دې ګډوډي نه رامنځته کېږي.

د افغانستان امنیت شورا ویلي، چې په درې ورځو کې یې د طالبانو زر بندیان خوشې کړي دي.

د ملي امنیت شورا ویاند جاوید فیصل ویلي، چې له اختر مخکې ۱۰۰۰ طالب بندیان خوشې شوي دي.

د نوموړي د څرګندونو له مخې؛ په اختر کې ولسمشر په ډاګه کړه، چې دوه زره نور بندیان دې هم خوشې شي، ۱۰۰۰ یې د اختر په ورځو کې خوشې شول.

۷۱۰ کسان په تېرو درې ورځو کې خوشې شول او ټاکل شوې، چې ۲۹۰ نور هم خوشې شي، چې له دې سره به ټول ۳۰۰۰ پوره شي.

پخواني طالب سید اکبر آغا ویلي؛ د یو شمېر ډاډمنو سرچینو د څرګندونو له مخې، د بندي طالبانو د آزادولو په بهیر کې د نشه یي توکو ځینې قاچاق وړونکي هم خوشې شوي دي.

طالبانو هم له څلور ۴۰۰ ډېر بندیان آزاد کړي دي، چې حکومت ویلي و؛، ځینې یې ملکیان دي.

د حکومت د سولې خبرو مرکچي پلاوی له طالبانو غواړي، چې په سملاسي توګه د افغانانو خپلمنځي خبرو ته حاضر شي.

د حکومت د سولې مرکچي پلاوي غړی فاروق مجروح ویلي؛ ځینې هېوادونه د دې خبرو اترو کوربتوب ته چمتو شوي دي او څومره، چې ژر کیدای شي، حکومت او طالبان دې د دې خبرو د ځای پر سر هوکړې ته ورسیږي.

د ملي پخلاینې شورا، چې د سولې خبرو اترو د پر مخ بیولو په برخه کې واک لرونکې اداره ده، پخپل اداري جوړښت له کار کولو خبر ورکوي.

د حکومت د مرکچي پلاوي غړې فوزیه کوفي وایي، چې د دې شورا د مشرتابه په کچه کې باید ښځې ټاکوونکی رول ولري.

د ولسمشر له فرمان سره سم د دوو زرو طالب بندیانو د خلاصولو بهیر د یکشنبې پر ورځ بشپړ شو؛ خو حکومت ندي ویلي، چې دا بهیر غزوي او که نه؟ خو د طالبانو تخنیکي ډله، چې د خپلو بندیانو پېژندنې لپاره کابل ته راغلې، اوس هم په کابل کې ده.

مخکې سرچینو آریانا نیوز ته ویلي وه، چې د جون پر لسمه یا ۱۵ ښایي د افغانانو خپلمنځي خبرې پیل شي؛ خو طالبانو او حکومت  په دې اړه په رسمي بڼه څه ندي ویلي.

حکومت تمه لري، چې د زندانیانو له خوشي کولو سره د افغانانو خپلمنځي خبرې پيل او د تاوتریخوالي کچه راټيټه شي؛ خو طالبانو د تولو ۵۰۰۰ بندیانو له خوشې کیدو وروسته د سولې خبرو د دوه یم پړاو یا خپلمنځي خبرو پر پیلولو ټینګار ښکاره کړې دي.

Continue Reading

تازه خبرونه

سټیفانو پونټیکورو په افغانستان کې د ناټو د ملکي استازي په توګه وټاکل شو

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

ناتو په ډاګه کړې، چې ایټالیاوي سټیفانو پونټیکورو په افغانستان کې نن د جون پر لومړۍ نېټه په رسمي بڼه د ناټو د ملکي چارو د نوي سفیر په توګه دنده پیل کړه.

د ناټو عمومي منشي ینس سټولټنبرګ څرګنده کړې، چې زه د افغانستان د راتلونکي لپاره په دې حساس وخت کې له هغه سره کار کولو ته د زړه له کومي چمتو یم.

د دغه بنسټ د څرګندونو له مخې؛ ښاغلی پونټیکورو به د ناټو په مشرۍ له غوڅ ملاتړ ماموریت سره د افغان ملي ځواکونو د روزنې او مشورې په اړه کار او مرسته کوي.

 

دغه راز هغه به په افغانستان کې د ناټو له عمومي منشي او شمالي اتلانتیک شورا سره  د خپلو متحدینو د هڅو او افغان ملګرو د اړیکو په اړه هم کار کوي.

په خبرپاڼه کې راغلي: هغه به د افغان حکومت له لوړ پوړیو غړیو، افغان چارواکو او نورو نامتو ملي او سیمه ییزو مشرانو سره په اړیکه کې هم وي. هغه به له نړیوالې ټولنې، د افغانستان مدني ټولنې او نادولتي بنسټونو او سازمانونو له استازیو سره هم اړیکې ټینګوي.

هغه له دې مخکې په پاکستان کې د ایټالیا سفیر، د افغانستان په ګډون د ناټو په سیاسي او نظامي چارو کې د ایټالیا د دفاع وزیر ډیپلوماټیک سلاکار او په لندن او مسکو کې د ایټالیا د سفارت د ماموریتونو د مرستیال په توګه دنده ترسره کړې.

د یادونې ده، چې له ده مخکې بریتانیاوي نیکولایس کي د ۲۰۱۹ میلادي کال له مارچه په افغانستان کې د  ناټو د ملکي استازي په توګه دغه دنده ترسره کړې ده.

 

Continue Reading

Trending