Connect with us

تازه خبرونه

سولې ته د افغانانو هیله مندي ډېره شوې- نظر پوښتنه

Ariana News

خپور شوی

 په

(Last Updated On: ليندۍ ۱۲, ۱۳۹۸)

آسیا فوندیشن تازه نظر پوښتنه ښیي، چې سولې ته د افغانانو هیله مندي د تېرکال په پرتله ډېره شوې؛ خو اقتصادي او امنیتي ستونزې اوس هم ځوروونکي خنډونه دي.

په افغانستان کې د جګړې له زور سره سره د آسیا فوندیشن له یوه تازه نظر پوښتنې په ډاګه شوې، چې د تېرکال په پرتله په روان کال کې د سولې راتګ ته د خلکو هیلې زیاتې شوې دي.

آسیا فوندیشن په څلور دېرش ولایتونو کې له شاوخوا اتلس زره کسانو سره مخامخ خبرې کړي او د سولې، اقتصاد، امنیت او نورو مسایلو په اړه یې ورسره خبرې کړې دي.

 په نظر پوښتنه کې زیاتره خلکو اقتصادي پیاوړتیا ته رای ورکړې او تمه ښیي، چې نوی حکومت به د خلکو د اقتصادي ستونزو پر اوارولو ټینګاروکړي.

په نظر پوښتنه کې په څلور دیرش ولایتونو کې له شا او خوا اتلسو زرو کسانو سره مرکې شوي دي.

په افغانستان کې د آسیا فوندیشن مشر عبدالله احمدزي څرګنده کړې، چې په دوه زره نولسم کال کې د پوښتل شویو کسانو شپږدېرش سلنې ویلي، چې افغانستان په ښه خوا روان دی. شپږ ویشت سلنې بیا ویلي، چې سولې ته هیله مند دي. په پوښتل شویو کې، چې ښځې او نرینه شامل دي، څلورشپېته په سلو کې باوري دي، چې سوله امکان لري او څلور دېرش په سلو کې بیا سوله ناشونې بولي.

د آسیا فوندیشن د ستراتیژیکو پروګرامونو رييس ویلي؛ له نظر پوښتنې په ډاګه شوې، چې په دوه زره نولسم کال کې د تېر کال پر پرتله د خلکو اقتصاد پنځوس په سلو کې خراب شوی دی. ناامني او د ټاکنو د پایلو ځنډیدل هغه څه ګڼل شوي، چې د خلکو پر ژوند یې ناوړه اغېزه کړې ده.

د آسیا فونديشن لخوا په دوه زره پېنځلسم کال کې هم ورته سروې تر سره شوې وه، چې له مخې یې اووه پنځوس په سلو کې پوښتل شویو کسانو له دیموکراسۍ ملاتړ ښودلی و؛ خو په تازه نظر پوښتنه کې بیا دغه فیصدي پېنځه شپېته ته لوړه شوې ده.

د آسیا فوندیشن په سروې کې دا هم راغلي، چې په دوه زره نولسم کال کې وسلوالو طالبانو د تېرو کلونو پر پرتله له رسنیو څخه د ځان په ګټه مناسبه ګټه پورته کړې ده.

تازه خبرونه

طالبانو کابل ته نږدې د خپلو پراخو هڅو ویډیو خپره کړې

Ariana News

خپور شوی

په

توسط

(Last Updated On: تله ۵, ۱۳۹۹)

طالبانو د یوې ویدیو په خپرولو وښوده، چې د پېنځمې حوزې په اړوند باغ داوود، پنجه چنار او د ارغندې په حیدرخان کلا سیمو کې فزیکي حضور لري او د شپې  د کمپنۍ بازار او کمپنۍ پله ساحو ته را وځي؛ د لویو لارو د امنیت په اړه له موتر چلوونکیو او خلکو پوښتنې کوي.

په دغو سیمو کې خلکو ویلي؛ د طالبانو سره قطعه وخت ناوخته په دې سیمه کې د امنیتي ځواکونو پر پوستو بریدونه هم کوي.

د کابل ښار د کمپنۍ پله د اړوند سیمې اوسېدونکي اتل ویلي؛ دا لومړی ځل دی، چې طالبان د کابل ښار د پېنځمې حوزې په اړوند سیمو کې شپه مهال سړک ته راوځي او له خلکو د امنیتي حالت په تړاو پوښتنې کوي.

د کابل ښار د کمپنۍ د بازار یوه بل اوسېدونکي ویلي؛ دوه شپې مخکې طالبانو د کوټې سنګي – کمپنۍ څلور لاري په اوږدو کې د څو ساعتونو لپاره د تلاشۍ پوسته جوړه کړې وه او امنیت په تړاو یې له خلکو پوښتنې کولې.

د امنیتي پوستو سرتېرو ویلي؛ په شپه کې پرې د طالبانو سره قطعه حملې کوي او د واټ پر غاړوماینونه ږدي، چې د پوځیانو کاروانونه په نښه کړي؛ خو کورنیو چارو وزارت دغه اړوند خبرې ردوي.

په دوحه کې د افغانانو د خپلمنځي خبرو له پرانیستو سره جوخت د هېواد په زیاترو سیمو کې د طالبانو او امنیتي ځواکونو نښتې زیاتې شوي؛ خو اوس په کابل کې د طالبانود یوې خپرې شوې ویدیوي څرګندونو له مخې پراخ ښاري شون لري، چې دې کار د ښار اوسیدونکي اندیښمن کړي دي.

Continue Reading

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

طالبان به له سیاسي هوکړې مخکې اوربند ونه مني- خلیلزاد

Ariana News

خپور شوی

په

توسط

(Last Updated On: تله ۵, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد ویلي؛  فکر نکوي، چې طالبان به له سیاسي هوکړې مخکې اوربند وکړي.

زلمي خلیل زاد تېره شپه پی بی ایس نیوز ته ویلي:  فکر کوم، چې تاسې برحقه یاست؛ تر هغې، چې سیاسي هوکړه ونشي طالبان به دایمي او هر اړخیز اوربند ونه مني.

خلیلزاد ویلي: مونږ ژمن یو، چې د تاوتریخوالي د کمولو په اړه یوې هوکړې ته د رسیدو لپاره له دواړو خواوو سره کار وکړو. مونږ به په راتلونکیو څو میاشتو کې د خپلو ځواکونو ۴ یا ۵ زره ته له رسولو وروسته ارزونه وکړو، چې طالبان د خپلو ژمنو د پلي کولو تر کوم ځایه رسیدلي دي.

د افغانستان لپاره د امریکا ځانګړی استازی دا ردوي، چې مستقیما د افغانستان د سولې په خبرو کې دخیل ندی؛ خو ټینګار کوي، چې واشنګتن د داسې یوې هوکړې ملاتړ کوي، چې د ټولو افغانانو په ځانګړي توګه د ښځو او لږکیو حقونو ته درناوی وشي.

نوموړی وایي: مونږ د دې خبرو د بریالیتوب لپاره هیڅ وخت ندی ټاکلی، مونږ په مستقیم ډول په مذاکراتو کې دخیل نه یو، دا د افغانانو تر منځ خبرې دي. دوی ونه غوښتل، چې بهرنیان په کې د آسانتیاوو د برابروونکيو او منځګړيو په توګه برخه ولري.

دغه راز د پاکستان لومړي وزیر عمران خان هم د ملګرو ملتونو پېنځه اویایمې اسامبلې ته ویلي، هېواد یې د افغانستان د سولې په بهیر کې خپل مسوولیت په پوره ډول سر ته رسولی دی.

نوموړي ویلي: پاکستان … ډېر خوښ دی، چې د افغانستان د سولې په بهیر کې یې د خپل مسوولیت یوه برخه تر سره کړې ده. افغان مشران باید سولې ته د رسېدو او پخلاینې ته د لاسرسي لپاره  له دې تاریخي فرصت ګټه واخلي.

ټاکل شوې، چې د ملي پخلاینې عالي شورا مشر عبدالله عبدالله د پاکستان د لومړي وزیر په بلنه د افغانستان د سولې په بهیر کې د سیمه ییزې اجماع پیاوړتیا لپاره پاکستان ته په نږدې راتلوونکیو ورځو کې سفر وکړي.

دا په داسې حال کې ده، چې د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

Continue Reading
Advertisement

Trending