Connect with us

تازه خبرونه

سوله راتلوونکې ده او د ولسمشرۍ ټاکنې به هم تر سره شي

Ariana News

خپور شوی

 په

(Last Updated On: August 22, 2019)

ولسمشراشرف غني له بیارغونې وروسته د دارالامان ماڼۍ د پرانیستې په مراسمو کې ویلي، چې دولت باعزته سوله غواړي او په خبره یې افغانستان به د مجاهدینو تر منځ د نویمې لسیزې ویجاړونکیو جګړو ته ور ونه ګرزي.

دارالامان ماڼۍ، چې د مجاهدینو په جګړو کې کنډواله شوې وه؛ اوس حکومت د خپلواکۍ د بېرته اخیستو د سلمې کلیزې مراسم په کې ونمانځل او دا ماڼۍ یې له بیا رغاونې وروسته پرانیسته.

ولسمشر غني ټینګار کوي د افغانستان خلک کوچنیو ډلو ته نه تسلمیږي.

نوموړي وسلوالو مخالفینو ته په خطاب کې ویلي؛ ترهګر دې پوه شي، چې خلک او حکومت به کوچنیو ډلو ته تسلیم نشي.

د دارالامان ماڼۍ په تېرو دوه کلونو کې د شاوخوا لس میلیون دالرو پر لګښت بیارغول شوې ده.

ولسمشر په هېواد کې په بیړه د سولې پر ټینګښت ټینګار کوي او وایي، د ولسمشرۍ ټاکنې به  هم تر سره شي او باعزته سوله به هم راشي.

د دارالامان ماڼۍ د پرانیستې ماسم په کابل کې د وروستي برید له کبله پر ټاکلي وخت تر سره نشول. ولسمشر ترهګرو ډلو ته هم پیغام لري او وایي، چې دوی پر ودونو، فاتحو، لارو او وړکتونونو هم له بریدونو ډډه نده کړې. دا کړنې د اسلام له مبین دین سره هیڅ تړاو نلري. مونږ به د دښمنانو دغه راز هڅې او مناورینونه شنډ او ناکام کړو.  

د دارالامان ماڼۍ په تنظیمي جګړو کې ډېر زیان ولید او کنډواله ترې جوړه شوې وه او خو په تېرو دوه لسیزو کې ترې کار وانخیستل شو؛ خو ملي وحدت حکومت مشرانو دوه کاله مخکې د دې ماڼۍ بیارغاونه د افغان انجینرانو پر مټ پیل کړ او پر بیارغاونه یې شاوخوا لس میلیون امریکایي دالر ولګیدل.

تازه خبرونه

د خوست ولایت د ځاځي میدان ولسوال په لوګر کې ووژل شو

Ariana News

خپور شوی

په

توسط

(Last Updated On: October 20, 2020)

د خوست ولایت د ځاځي میدان ولسوال عبدالحی ځاځی نن له غرمې وروسته د لوګر ولایت د التمور په اړوند سیمه کې د ناڅرګندو وسلوالو لخوا تر برید لاندې راغلی او له خپل ساتونکي سره وژل شوی دی.

پېښه د پکتيا او لوګر ولايتونو مسوولينو تائيد کړې ده.

د سیمه ییزو چارواکو د څرګندونو له مخې؛ پېښه په اړوند سیمه کې هغه مهال رامنځته شوه، چې دی له خپل ساتونکي سره کابل ته پر لاره و.

د پکتیا والي ویاند عبدالرحمن منګل ویلي، چې په دې پېښه کې د هغه یو ساتونکی هم وژل شوی او یو بل ملکي وګړی ټپي دی.

ویل کیږي، چې وژل  شوي کسان او ټپي د پکتیا حوزوي روغتون ته لیږدول شوي دي.

د پېښې پړه تر دې دمه چا پر غاړه نده اخیستې.

Continue Reading

تازه خبرونه

ناتو تر ۲۰۲۴ کال پورې له افغان ځواکونو د مالي ملاتړ ډاډ بیا تکرار کړ

Ariana News

خپور شوی

په

توسط

(Last Updated On: October 19, 2020)

د دوشنبې پر ورځ په یوه خپره شوې اعلامیه کې ناتو څرګنده کړې، چې د افغانستان د ملي اردو د وجهي صندوق بورد په خپله عمومي غونډه کې له افغان امنیتي ځواکونو څخه د مالي ملاتړ پر پلي کولو بیاکتنه کړې ده.

د دوی د څرګندونو له مخې؛ د دې سازمان غړیو د ۲۰۲۱ کال لپاره له افغان ځواکونو سره پخپلې مالي مرستې بحث او خبرې وکړې او د ۲۰۲۴ کال پورې به له افغان امنیتي ځواکونو سره د مالي مرستې چمتو کولو په اړه خپلې ژمنې تکرار کړي.

د ناتو عمومي منشي ینس ستولتنبرګ په دې ناسته کې ویلي؛ د نن ورځې ژمنې هغه ډاډ پیاوړی کړو، چې  له ۲۰۲۰ کال وروسته به له افغان امنیتي ځواکونو سره زموږ مالي ملاتړ هم روان وساتل شي.

نوموړي زیاته کړې؛ له افغان ځواکونو سره د نړیوالې مرستې د وجهي صندوق د جوړیدو له ورځې د ۲۰۲۰ کال تر اکتوبر تر ۵ ټوله مرسته ۳.۲ میلیارد ډالرو ته رسيږي.

د ناتو تر مشرۍ لاندې د افغانستان د ملي اردو وجهي صندوق په ۲۰۰۷ کال کې جوړ شوی دی. دې مرستو د تمویل، تجهیز او وړتیاوو د رامنځته کولو په ګډون د افغان ځواکونو په مسلکي روزنې، سواد او پوځي زدکړو او اړوند نورو هڅو د تمویلولو او د افغان امنیتي ځواکونو په اغیزمنتوب، ودې او پایښت کې بنسټیز رول لوبولی دی.

دغه  وجهي صندوق د نړیوالې ټولنې لخوا د مرستې لپاره خلاص شوی دی.

دا د هغو درې تمویل کوونکیو څخه یو دی، چې د نړیوالې ټولنې لخوا د افغانستان امنیتي ځواکونو او بنسټونو ته د مالي مرستې ورکولو لپاره کارول کیږي.

نور دوه بنسټونه د افغانستان لپاره د قانون او نظم وجهي صندوق (ال او تی اف ای) د ملګرو ملتونو پراختیايي پروګرام او بل د افغانستان لپاره د امریکا د امنیتي ځواکونو وجهي صندوق ( ای اس اف اف) دی.

Continue Reading

تازه خبرونه

په نړۍ کې پر کرونا د اخته کسانو شمېر له ۴۰ میلیون پورته شو

Ariana News

خپور شوی

په

توسط

(Last Updated On: October 19, 2020)

رویترز څرګنده کړې؛ داسې ښکاري، چې د ژمي له راتلو سره په شمالي نیمه کره کې د کورونا ویروس یو ځل په چټکۍ مخ پر خپریدو شوی دی.

کارپوهان پدې باور دي، چې په ځینو هېوادونو کې که څه هم د مړینې او ناروغیو د پوره آزموینې او بشپړ راپور  ناشونی دیګ خو بیاهم یې شمېر خورا ډېر دی.

د رویترز موندنې ښیي، چې دغه ناروغي چټکه خپریږي؛ ځکه، چې په ۳۲ ورځو کې پر دې ویروس د اخته کسانو شمېر له ۳۰ میلیون څخه ۴۰ میلیون ورسیده. په داسې حال کې، چې په ۳۸ ورځو کې له ۲۰ میلیون څخه ۳۰ میلیون ته، له ۱۰ میلیون څخه تر ۲۰ میلیونو پورې په ۴۴ ورځو کې او د چین په اوهان ښار کې د دفه ویروس له رامنځته کیدو درې میاشتې وروسته پر دغه ویروس د اخته کسانو شمېر ۱۰ میلایون ته رسیدلی دی.

امریکا، هندوستان او برازیل اوس هم په نړۍ کې ترټولو اغېزمن شوي هېوادونه دي.

Continue Reading
Advertisement

Trending