Connect with us

تازه خبرونه

دوه ولایتونو ته د پایلو د اضافي فورمو پر لیږلو د مولانا عبدالله نیوکې

Ariana News

خپور شوی

 په

(Last Updated On: November 28, 2019)

د ټاکنو خپلواک کمیسیون یوه غړي مولانا عبدالله ویلي، چې د دې بنسټ د دارالانشا ریاست لخوا د رایو د بیا شمېرلو د پایلو اضافي فورمې دوه ولایتونو ته لیږل شوې دي.

ټاکنو خپلواک کمیسیون تر اوسه په شپږ ویشت ولایتونو کې د رایو بیا شمېرنه بشپړه کړې او یوازې په کندهار کې دا لړۍ پاتې ده.

د ټاکنو خپلواک کمیسیون غړی مولانا محمد عبدالله وایي، کندهار او کاپیسا ولایتونو ته د بیا شمېرل شویو رایو دوه سوه پنځه اویا اضافي فورمې لیږل شوې دي.

د نوموړي د څرګندونو له مخې؛ ۲۵۰ قورمې کندهار او ۲۵ نورې کاپیسا ولایت ته د ټاکنو کمیسیون د غړیو له تصویب پرته لیږل شوې دي.

مولانا محمد عبدالله زیاته کړې؛ دا کار د ټاکنو خپلواک کمیسیون د دارالانشا ریاست لخوا شوی او پرته  له دې، چې د کمیشنرانو هوکړه پرې وشي؛ لیږلي دي. دا ناقانونه عمل دی، چې باید په اړه یې پوښتنې او غوښتنې راپورته شي.

خو د ټاکنو خپلواک کمیسیون د دارالانشا رییس حبيب الرحمان ننګ دا ادعاوې ردوي او وایي، چې ولایتونو ته اضافي فورمې لیږل شوې نه دي او که کومه یوه لیږل شوي هم وي بېرته یې ګزارش راځي.

د ټاکنو خپلواک کمیسیون یوه بل غړي حنیف دانشیار د مولانا محمد عبدالله دا خبرې شخصي وبللې، رییسه او د کمیسیون نور غړي له ناستې ووتل.

د دوه میاشتو له تېرېدو سره اوس هم نده معلومه، چې ټاکنې چا ګټلي او ندي ویل شوي، چې لومړنۍ پایلې به کله اعلانیږي. ښایي دا د نړۍ تر ټولو پېچلې ټاکنې وي، چې د خلکو هر راز کار و بار په ځانګړي توګه اقتصادي چارې یې ډېرې اغېزمنې کړې دي.

تازه خبرونه

په تېرو ۵۰ ورځو کې طالبانو ۲۶۱ ملکي وګړي وژلي

Ariana News

خپور شوی

په

توسط

(Last Updated On: October 31, 2020)

کورنیو چارو وزارت ویلي؛ طالبانو د ۵۰ ورځو راپدیخوا په یو شمېر ولایتونو کې تاوتریخوالی او وسلوال بریدونه ډېرکړي؛ ۲۶۱ملکي وګړي یې وژلي او ۶۰۲ نور ټپيان دي.

د کورنیو چارو وزارت د ویاند طارق آرین د څرګندونو له مخې؛ په دې پنځوس ورځو کې د افغان ځواکونو په متقابلو بریدونو کې طالبانو ته هم درانده ځاني زیانونه اوښتي دي. 

د ملي اردو چارواکو ویلي، د هلمند لپاره د طالبانو د پوځي کميسیون مرستیال وژل شوی.

پو ځي کارپوه جاوید کوهستانی وایي؛ د طالبانو دا تحرکات د سولې بهیر ته شا اړول او د دوحې له هوکړې څخه سرغړاوی دی او د سولې او جګړې معادله یې بدله کړې ده.

طالبانو تر اوسه د کورنیو چارو او ملي دفاع وزارتونو خبرو ته غبرګون ندی ښودلی؛ خو په تېرو کې یې دا ډول ادعاوې رد کړې دي.

دا په داسې حال کې ده، چې د ولسمشر دوه یم مرستیال ویلي؛ طالبانو په دوحه کې د سولې خبرې له ځنډ سره مخ کړي؛ د تاوتریخوالي د کموالو او د خبرو د پرمختګ لپاره یې خپله یوه ژمنه هم پلې کړې نده

Continue Reading

تازه خبرونه

د کندهار په ارغنداب کې روانه جګړه ۵ ورځنۍ شوه

Ariana News

خپور شوی

په

توسط

(Last Updated On: October 31, 2020)

د کندهار په اړغنداب ولسوالۍ کې له تېرو پېنځه ورځو راپدیخوا د پیل شوې جګړې دواړه لوري د خپلو پرمختګونو، د درندو وسلو د وارونو او یو بل ته د درندې مرګ و ژوبلې ادعاوې کوي.

د جګړې له وېرې رابېځایه شوې کورنۍ په ډاګ کوي، چې له کورونو او باغونو یې د جګړې سنګرونه جوړ شوي او د بېرته ژر ورتګ هیله یې نشته.

د ارغنداب له جګړې بېځایه شويو ويلي، دلته د ژوند سختې شېبې تېروي او تر اوسه یې هیڅ مرستندویه ادارې لاسنیوی ندی کړی.

له دغې جګړې بېځایه شوي کورنۍ وايي، د ژوند سختې شیبې تېروې او تر اوسه یې هیڅ مرستندویه ادارې لاسنیو نه دی کړی.

امنیتي ځواکونو ويلي، ځمکنۍ جګړه د هوايي ځواک له ملاتړه برخمنه ده او لسګونه وسلوالو ته یې مرګ ژوبله اړولې.

د کندهار د پولیسو ویاند جمال ناصر بارکزي ويلي، هوايي ځواکونو يې مرسته کړې او په ارغنداب، میوند او ژړۍ ولسوالۍ کې يې ۷۵ طالبان وژلي دي.

د ارغنداب تر څنګ تازه په پنجوايي او ژړۍ ولسواليو کې هم سلګونه طالبانو پر امنیتي پوستو بریدونه کړي او ځينې سيمې یې له حکومتي ځواکونو نيولي دي.

له تېري یوې میاشتي راپدیخوا د کندهار په گاونډ ولايتونو هلمند او روزګان کې هم وسلوالو طالبانو بريدونه پيل کړي دي.

د راپورونو له مخې، په دواړو ولایتونو کې د دغو بریدونو له کبله په زرګونه کسان له خپلو کورونو بېځایه شوي او تر شنه آسمان لاندې د بېوسۍ سختې شېبې  تېروي.

Continue Reading

تازه خبرونه

په یونان او ترکیه کې زلزلې لږ تر لږه ۲۶ کسان مړه کړي

Ariana News

خپور شوی

په

توسط

(Last Updated On: October 31, 2020)

د جمعې پر ورځ د لړم ۹ د رښتر ۷ درجې زلزلې د ترکیې لویدیځ ساحل ازمیر او د یونان ساموس ټاپوګان ولړزول، چې د مالي زیانونو تر څنګ په کې ۲۶ کسان مړه  شوي او سلګونه نور ټپیان دي.

د شنبې پر ورځ، د ژغورنې کارمندانو د ویجاړو شویو ودانیو له خاورو څخه ژغورل شوي او د ژغورونکو هڅې روانې دي.

د ترکیې د ناورین او بېړنیو حالاتو ادارې د شنبې پر سهار په یوه خپره شوې اعلامیه کې څرګنده کړې ، چې په ترکیه کې ۲۴ کسان مړه شوي دي.

د ترکیې دفاع وزارت ویلي، له زلزلې وروسته پر نورو مرستو سربېره چورلکې هم پر کار ګمارل شوي، چې د لټون او ژغورنې په عملیاتو کې برخه واخلي.

د ترکیې ولسمشر رجب طیب اردوغان له خپلو خلکو سره د تویت له لارې خواخوږي ښودلې او د ازمیر ایالت له مشر سره یې تیلیفوني اړیکه نیولې ده.

دغه راز پر ترکیې سربېره د یونان چارواکو هم ویلي، چې زلزله د یونان په ساموس بندر کې احساس شوې، چې له کبله یې ځینې ودانۍ اغېزمنې شوې دي.

یوناني چارواکو ویلي، چې د یونان په ساحلي ښار ساموس کې دوه ماشومان مړه شوي دي.

په یونان کې رسنیو راپور ورکړی، چې د ساموس او نورو ټاپوګانو اوسیدونکي له خپلو کورونو تښتیدلي او اوسنی حالت یې کوچنی سونامي نوولی دی.

امریکایي ځمکپوهانو ويلي، چې د ترکیې ازمیر ایالت ۷ درجې سختې زلزلې وهلی دی. په داسې حال کې چې ترکیې د زلزلې درجه ۶.۶ ښودلی ده.

Continue Reading
Advertisement

Trending