Connect with us

تازه خبرونه

بیات بنیاد په کابل کې یو شمېر اړو کورنیو ته ژمنۍ مرستې ووېشلې

Ariana News

خپور شوی

 په

(Last Updated On: سلواغه ۱۵, ۱۳۹۸)

د بیات بنیاد مرستیال څرګنده کړې، چې د تایمني په اړوند سیمه کې اړو کورنیو ته د بیات بنیاد ژمنۍ مرستې د پوښاکي او خوراکي توکو په ګډون ووېشل شوې.

د بیات بنیاد مرستیال حاجي محمد اسمعیل ويلي؛ خوښ یو، چې د کابل ښار په یوه برخه کې مو د بیات بنیاد ژمنۍ مرستې ووېشلې.

نوموړي زیاته کړې، چې د دغو مرستو لړۍ به په مرکز او ولایتونو کې نورو اړمنو کورنیو ته هم ورسیږي.

هغه له نورو سوداګرو وغوښتل، چې له اړو کسانو سره مرستې وکړي.

هغه کورنۍ، چې د بیات بنیاد مرستې یې ترلاسه کړي، د بیات بنیاد له مرستو مننه کوي او وايي، چې دغه بنیاد هر کال له بېوزلو سره مرستې کوي.

دوی له نورو پانګوالو او سوداګرو هم غواړي، چې په هېواد کې د اړو کسانو لاسنیوی وکړي.

بیات بنیاد هر کال په کابل او ولایتونو کې له اړو کسانو سره د خوراکي توکو او نورو اړینو وسایلو مرستې کوي.

دغه بیناد پر دغو مرستو سربېره له هېوادوالو سره د پوهنې، ورزش او روغتیا په برخو کې د پام وړ مرستې کړي دي.

خبریال: سمیع جهش

تازه خبرونه

اتمر او د تاجکستان ولسمشر د افغانستان پر سوله او اقتصادي همکاریو وغږېدل

Ariana News

خپور شوی

په

توسط

(Last Updated On: وږی ۲۸, ۱۳۹۹)

د افغانستان بهرنیو چارو وزارت چارسمبالي حنیف اتمر د پنجشنبې پر ورځ له غرمې وروسته دغه هېواد ته د خپل سفر پر مهال د تاجکستان له ولسمشر امام علي رحمان سره وکتل او د افغانستان د سولې پر خبرو او اقتصادي همکاریو بحث او خبرې کړې دي.

د افغانستان د بهرنیو چارو وزارت د جمعې پر ورځ په ډاګه کړې، چې امام علی رحمان د افغانستان د سولې خبرو له پیل هرکلیوکړی او اتمر ته یې د افغانستان د سولې له بهیر او اصولي دریځ څخه د تاجک حکومت د ملاتړ ډاډ څرګند کړ.

دغه راز دواړو لوریو د افغانستان او تاجیکستان تر منځ د سوداګرۍ، اقتصادي او فرهنګي اړیکو پر پراختیا خبرې او ټینګار څرګند کړی دی.

د بهرنیو چارو وزارت په اعلامیه کې راغلي؛ امام علي رحمان ټینګار کړی، چې د تاجکستان په بهرني سیاست کې له افغانستان سره همکاري له لومړیتوبونو څخه ده.

دواړو لوریو سیمه ییزو جوړښتونو ته په نغوته کې د انرژۍ بېخبنایي  پروژو پلي کول  د سیمې لپاره مهم بولي او زیاتوي، چې سیمه ییزې همکارۍ ته د افغانستان راجلبول به دغه بهیر نور هم پراخ کړي.

دواړو لوریو د بېخبنایي پروژو پلي کول، سوداګري او ترانزیت پراختیا، د انرژۍ لیږد، له تروریزم سره مبارزه او افراطیت پروړاندې مبارز، د تنظیم شويو جرمونو کنټرول، د سرحدي همکارۍ پیاوړتیا، د فرهنګي او علمي اړیکو پر پراختیا خبرې کړې دي.

اتمر د دواړو هېوادونو ترمنځ پر ژورو تاریخي او فرهنګي اړیکو سربېره د ستراتیژیکو همکاریو کچې ته د دوه اړخیزو اړیکو پراخولو غوښتنه ههم وکړه.

Continue Reading

تازه خبرونه

په کابل کې د امریکا سفارت پر میرمنو له احتمالي افراطي بریدونو خبرداری ورکوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

په کابل کې د امریکا سفارت خبرداری ورکړی، چې افراطي ډلې پر بېلابېلو موخو په ځانګړي توګه پر میرمنو د وسلوالو بریدونو د ترسره کولو په لټه کې دي.

د امریکا سفارت تېره ورځ په یوه اعلامیه کې د افراطي ډلو له احتمالي بریده خبر ورکړ.

سفارت ندي ویلي، چې کومې ډلې پر میرمنو د برید پلان لري.

د امریکا سفارت په ډاګه کړې؛ افراطي ډلې په پام کې لري، چې په افغانستان کې پر بېلابېلو موخو په ځانګړي توګه هغه فعالې میرمنې، چې په دولتي ادارو کې کار کوي؛ ښوونکې، د بشري حقونو فعالینې، دولتي چارواکې او یا حکومتي کارمندانې دي بریدونه تر سره کړي.

دا په داسې حال کې ده، چې د حکومت او طالبانو استازي په دوحه کې د روانې اوږدې جګړې پای ته رسولو لپاره د یوې سیاسي حل لارې د موندلو لپاره مشورې تر سره کوي.

همدارنګه د ملي پخلاینې عالي شورا مشر عبدالله عبدالله له الجزیرې سره په خبرو کې ویلي، چې دواړه خواوې باید د افغانستان د راتلونکي په اړه نه یوازې ګډې هوکړې ته ورسیږي ته ورسیږي، بلکې د ملت اراده او غوښتنه هم پلې کړي، چې په هېواد کې تلپاتې سوله خوندي او جګړه ودریږي.

Continue Reading

تازه خبرونه

د خبرو اترو میز ته د رسیدو لپاره باید د پرېکړو زغم رامنځته شي

Ariana News

خپور شوی

په

توسط

(Last Updated On: وږی ۲۷, ۱۳۹۹)

په افغانستان کې د سولې لپاره د امریکا ځانګړي استازي زلمي خلیلزاد ویلي، چې روان پړاو ته د رسیدو لپاره افغان حکومت او امریکا خورا ستونزمنې، ان مایوسه کوونکي او له زغمه ډکې پرېکړې کړي دي.

له الجزیرې سره په یوه مرکه کې زلمي خلیلزاد څرګنده کړې، چې امریکا او افغان حکومت دواړه له زغمه ډکې پرېکړې کړې دي.

داسې اندېښنې هم راپورته شوي، چې امریکا د افغانانو په خپلمنځی خبرو اترو د طالبانو تله درنده کړې او ښکاره بېلګه یې د ۵۰۰۰ طالب بندیانو  بندیانو خوشې کیدل دي.

فرانسې او استرالیا پدې وروستیو کې د خپل هېواد د ملکي وګړیو په وژنه کې د شپږ طالب بندیانو له خوشې کیدو سره مخالفت څرګند کړی؛ خو خلیلزاد ویلي، چې متحده ایالات پخپله پدې اړه خوښ ندي، ځکه موږ [ امریکا] د دوی پر نارضایتۍ پوهیږو او له دوی سره خواخوږي څرګندوو. مونږ غواړو، چې هدف  یو سوله ییز افغانستان وي؛ افغانان راټول شي او جګړه پای ته ورسوي. زغم هم باید داسې وي، چې افغانستان نړیوالې ټولنې ته کوم ګواښ رامنځته نکړي او افغانستان نور د نړیوالې ټولنې پر اوږو بار پاتې نشي.

زلمي خلیلزاد په ډاګه کړې: په خواشینۍ، چې ارزښتمن شي ته لاسرسی آسانه ندي. مونږ باید ستونزمن، زړه راکښونکي او له زغمه ډک کارونه ترسره کړو، چې خپلې غوره شوې موخې ته ورسیږو.

هغه ټینګار کړی، چې مخکښې موخې د قربانیو ارزښت لري.

نوموړي په مرکه کې څرګنده کړې، چې اوسنۍ روانې خپلمنځي  خبرې د سولې لاسته راوړلو لپاره تاریخي فرصت دی؛ ځکه، چې د افغانستان خلک له ۴۰ کلنې جګړې ستړي شوي دي!

خلیلزاد وایي، چې طالبانو خپل بریدونه روان ساتلي؛ خو طالبان یې د افغان حکومت پروپاګند بولي.

سره له دې هم خلیلزاد هیله من دی، چې دواړه خواوې خبرو اترو ته چمتو دي.

د نوموړي د څرګندونو له مخې؛ دغه خپلمنځي خبرې د باور رامنځته کولو، د تاوتریخوالي کمولو او د دواړو خواوو تر منځ د اختلافاتو د له منځه وړو په موخه روانې ساتل شوې دي.

خلیلزاد په دې اند دی، چې د خبرو موخه د شخړو د اواري لپاره یو سیاسي فورمول ته رسیدل دي.

Continue Reading

Trending