Connect with us

تازه خبرونه

اوس هم د تېرو ټاکنو تور سیوری حس کیږي-عبدالله عبدالله

خپور شوی

د

(Last Updated On: لړم ۲, ۱۴۰۱)

اجرائیه رییس وایي، اوس هم د تېرو ټاکنو تور سیوری د هېواد په ګوټ ګوټ کې احساس کیږي؛ خو د ولسي جرګې او ولسمشرۍ په ټاکنو کې به د خلکو د حق د ورکړې لپاره جدي هڅې تر سره شي.

د افغانستان په ټاکنو کې د ښځو د ونډې د څرنګوالي په اړه د جوړې شوې غونډې پر مهال اجرائیه رییس عبدالله عبدالله وویل، چې اوس هم د تېرو ټاکنو تور سیوری حس کیږي او په راتلونکې کې د رڼو ټاکنو لپاره هڅې روانې دي، چې د بې عدالتیو مخه پرې ونیول شي.

د ملي وحدت حکومت اجرائیه رییس عبدالله عبدالله وایي، چې: جنګ د هغو ډلو تر منځ دی، چې ټاکنو ته ډاډ من ندي؛ مونږ د رڼو ټاکنو لپاره مبارزه کوو.        

ټاکنو کمیسیون هم رڼې ټاکنې د بې باوریو د له منځه وړلو لپاره اړینې بولي.

د ټاکنو خپلواک کمیسیون رییس عبدالبدیع صیاد وایي، چې: یوازې عدالت او مساوات مو معیار دی؛ د ټاکنو خپلواک کمیسیون له هیچا سره سلیقوي کړنه تر سره کوي. که ښځه وي او که نرینه یا د شمال وي که د جنوب.          

ناامني د ټاکنو په وړاندې  لوی سرخوږی دی؛ خو کورنیو چارو وزارت وایي، ناامني د ټاکنو مخه نه شي نیولی.

د کورنیو چارو وزیر ویس احمد برمک وایي:  تاسې ته ډاډ درکوم، چې د بشري ځواک په ګډون وسلې مهمات، تجهیزات، ځمکني او هوایي ځواکونه ټول ستاسې د ساتنې او ژغورنې لپاره دي.     

د ولسي جرګې او ولسوالیو شوراګانو ټاکنې ټاکل شوي، چې د تلې پر ۲۸ تر سره شي؛ خو اوس هم ناامني د یوې سترې ستونزې په توګه یو خنډ پاتې دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!