Connect with us

تازه خبرونه

اوس هم د سولې بهیر په خبرو کې ستونزې شته- عبدالله عبدالله

Ariana News

خپور شوی

 په

(Last Updated On: سلواغه ۲, ۱۳۹۷)

 د هېواد اجرائيه رییس د سویس په داوس ښار کې ۵ ورځنۍ نړیوالې اقتصادي ناستې ته په وینا کې وویل، چې اوس هم د سولې بهیر په خبرو کې ستونزې شته.

د افغانستان د حکومت اجرائیه رییس عبدالله عبدالله د سې شنبې پر ورځ( د سلواغې 2 ، چې د جنورۍ له ۲۲ سره برابره ده) د سویس په داوس ښار کې د نړیوالې اقتصادي ناستې پر لومړۍ ورځ «په څو قطبي نړۍ کې د سولې او پخلاینې» او « په سویلي آسیا کې د وروستیو ستراتېژیکو تحولاتو» په اړه وینا وکړه.

د هېواد اجرائیه رییس څرګنده کړې، چې د افغانستان حکومت  له طالبانو سره له قید و شرط پرته  خبرو ته حاضر دی؛ خو دا ډله نه غواړي، چې په هېواد کې جګړه ودریږي.

ښاغلی عبدالله عبدالله وایي؛ بنستیز خنډ دا دی، چې طالبان نه غواړي د افغانستان له حکومت سره خبرو ته کیني؛ خو مونږ چمتو یو، چې له هغو سره د بهرنیو ځواکونو پر وتلو خبرې وکړو. په داسې حال کې ، چې طالبان په دې اړه یوازې له امریکایانو سره خبرې کوي.

عبدالله عبدالله ټینګارکوي، چې خلک نه غواړي خپلې لاسته راوړنې له لاسه ورکړي او تورتم پرې خپل سیوری وغوړوي.

اجرائیه رییس عبدالله عبدالله په ډاګه کړې؛ طالبان باید وپوهیږي، چې په تېرو څو کلونو کې ډېر څه بدل شوي او خلک نه غواړي خپلې لاسته راوړنې له معاملې قرباني کړي. که ډېري خلک غواړي د طالبانو په څیر ژوند غوره کړي؛ بیا، نو راځئ، چې په دې اړه خبرې وکړو. دا یوازې هغه څه دي، چې طالبان یې فکر کوي.

د اجرائیه ریاست د څرګندونو له مخې؛ داجرائیه رییس به د نړیوالې اقتصادي ناستې په څنډو کې د نړۍ له یو شمېر لومړي وزیرانو، د نړیوالو سازمانونو له مشرانو، د هېوادونو له لوړ پوړیو چارواکو، نړیوالو ټولنو او شخصیتونو سره هم وګوري.

اجرائيه ریيس به په داووس کې د خپلې استوګنې پر مهال له یو شمېر نړیوالو رسنیو او ژورنالیستانو سره هم د افغانستان د وروستیو بدلونونو او سمونونو په اړه خبرې او مرکې وکړي.

دغه نړیواله اقتصادي ناسته به د نړۍ د 3000 سوداګرو، سیاستوالو، د حکومتونو د استازیو، نړیوالو بنسټون او مدني ټولنو د استازیو په ګډون ترسره شي او د نړۍ پر مهمو اقتصادي، سیاسي مسایلو، د اقلیم بدلونونو، د هېوادونو، نړیوالو او اقتصادي سازمانونو ترمنځ د همکاریو خبرې وشي.

دا په داسې حال کې ده، چې د قطر په دوحه کې د طالبانو او امریکایې استازیو تر منځ د سولې خبرو څلورم پړاو هم تر سره شو. ولیدل شي، چې د افغانستان د سولې خبرې به پایله ورکړي او که په هېواد کې به جګړه نوره هم اوږده شي.

قتیل زوی

تازه خبرونه

تر هغه وخته، چې اړتیا وي مونږ له افغان ځواکونو سره مرسته کوو- ناتو

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

په افغانستان کې د ناتو ملکي استازي له آریانا نیوز سره په خبرو کې ویلي، چې په دې هېواد کې زمونږ د سرتېرو د پاتې کیدو او یا هم د وتو پرېکړه به افغان حکومت کوي.

د ناتو ملکي استازي له آریانا نیوز سره په ځانګړې مرکه کې ویلي؛ د طالبانو لخوا مخ په زیاتیدونکي تاوتریخوالي اندېښمن کړی او په وینا یې، چې دوی ته دغه حالت د منلو ندی.

په افغانستان کې د ناتو ملکي استازی که څه هم د یو شمېر طالب زندانیانو د نه خوشې کولو په برخه کې د افغان دولت دریځ او اندېښنې مشروع ګڼي؛ خو وايي، چې دواړه خواوې باید سولې ته د رسیدو لپاره نرمښت وښيي.

په افغانستان کې د ناتو ملکي استازی ستیفانو پونتیکورو وایي: د زندانیانو د خوشې کولو بهیر سست روان دی؛ هیله ده، چې دغه بهیر یو څه چټک شي. افغان دولت د پاتې طالب زندانیانو د خوشې کولو په هکله اندېښنه لري او دا یوه واقعي اندېښنه ده.  مونږ له دواړو لوریو په ځانګړې توګه له طالبانو غواړو، چې نرمښت وښيي.

د ناتو ملکي استازی وايي، چې په افغانستان کې د ننه د رهبرانو ترمنځ د سولې په اړه اجماع ډېره مهمه ده. د هغه په وینا د سیمې او نړۍ هېوادونه په دې اړه اجماع ته رسیدلي دي.

دی زیاتوي، چې مونږ د تل لپاره دلته نه پاتې کیږو؛ مونږ د اړتیا تر وخته همکارۍ ته چمتو یو. زمونږ حضور به اړتیاوو ته په کتو وي او په ټوله کې به افغان دولت په دې برخه کې پرېکړه کوي.

د ناتو ملکي استازي له آریانا نیوز سره په مرکه کې له طالبانو وغوښتل، چې سولې ته ژمن پاتې شي او باور رامنځته کړي.

Continue Reading

تازه خبرونه

په بدخشان او کندوز ولایتونو کې ۳۲ افغان ځواکونو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

د کندوز ولایتي شورا مشر محمد یوسف ایوبي ویلي، چې طالبانو تېره شپه د دې ولایت د امام صاحب د مبارکې روضې د امنیتي ځواکونو پر ګډ مرکز پراخ بریدونه تر سره کړي دي.

د نوموړي د څرګندونو له مخې؛ په دې برید کې ۶ سرتېري او ۶ پولیس وژل شوي او ۶ سرتېري او ۷ پولیس ټپیان دي.

هغه زیاته کړې، چې له افغان ځواکونو سره دا نښته څو ګړۍ روانه وه او د مرستندویو ځواکونو د نه رارسیدو له کبله دا پو ځي مرکز طالبانو ونیوه او ټول هجهیزات یې له ځانونو سره یوړل.

سیمه ییزو چارواکو  د پېښې رامنځته کیدل منلي؛ خو وایي، چې د ځاني زیانونو په اړه څه په ډاګه شوی ندي.

دغه راز د بدخشان والي ویاند نیک محمد نظري ویلي؛ تېره شپه ۱۱ بجې د دې ولایت د ارغنجوا ولسوالۍ پر امنیتي پوستو د طالبانو په بریدونو کې د امنیتي ځواکونو ۷ سرتېری وژل شوي دي.

نوموړي زیاته کړې، چې په دې پېښه کې ۵ طالب جنګیالي هم وژل شوي او ملکي کسانو ته کوم ځاني زیان ندي اوښتي.

همدارنګه د کندهار ولایت د شورابک پر امنیتي پوستو هم بریدونه شوي دي.

 د کندهار پولیسو ویاند جمال ناصربارکزي ویلي، چې له طالبانو سره په نښته کې ۱۱ طالبان وژول شوي او ۵ نور ټپیان دي.

نوموړي زیاته کړې، چې د وسلوالو طالبانو بریدونه پر شا تمبول شوي او امنیتي ځواکونو ته ځاني زیان ندی اوښتي.

طالبانو د دغو پېښو په اړه تر دې دمه څه ندي ویلي.

Continue Reading

تازه خبرونه

د سمنګان ولایت په ایبک ښار کې موتربم چاودنې لسګونه کسانو ته مرګ و ژوبله اړولې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

سیمه ییزو چارواکو ویلي، چې نن له غرمې مخکې د سمنګان ولایت د ایبک ښاروالۍ او ملي امنیت ریاست ته نږدې زوروره چاودنه رامنځته شوې ده.

سیمه ییزو چارواکو منلې، چې په دې  موتر بم چاودنه کې عامو  کسانو ته هم مرګ وژوبله اوښتې او برید کوونکي درط کسان ول، چې له امنیتي ځواکونو سره یې له چاودنې وروسته نښته هم کړې ده.

د سمنګان ولایت چارواکو ويلي، د ملي امنیت پر ریاست په ننني برید کې ۱۱ کسان وژل شوي او له ۷۰ ډېر ټپیان دي.

طالبانو منلې، چې د سمنګان ولایت د ملي امنیت پر ریاست یې ځانمرګی برید کړی دی.

دوی دا هم ویلي، چې په دې برید کې تر ۱۱۹ کسانو ته مرګ و ژوبله اوښتې ده.

ولسمشر غني د سمنګان ولایت په ایبک ښار کې نننی ډله ییز برید او چاودنې په کلکه غندلي او یو ځل بیا یې له طالبانو وغوښتل، چې له افغان وژنې دې ډده وکړي؛ د خلکو، حکومت او نړیوالې ټولنې غږ دې د جګړې د پای ته رسیدو او سولې ټینګیدو لپاره واوري.

هغه زیاته کړې، چې تاوتریخوالي زیاتول او جګړه روانه ساتل به د سولې بهیر زیانمن کړي.

د ناتو ملکي استازي ستیفانو پونتیکورو  د برید د غندلو ترڅنګ ویلي، چې د طالبانو لخوا ډېریدونکی تاوتریخوالی ورته د منلو ندی او د سولې فرصت زیانمنوي.
.هغه دا هم ویلي، چې د یو شمېر طالب بندیانو د نه خوشې کولو په اړه د افغان حکومت دریځ او اندېښنې مشروع دي؛ خو دواړه خواوې باید سولې ته د رسیدو لپاره نرمښت وښي
هغه له طالبانو وغوښتل، چې تاوتریخوالی راکم او د سولې خبرو ته راودانګي.
Continue Reading

Trending