Connect with us

تازه خبرونه

انس حقاني د امریکایي پوهنتون له دوه استادانو سره تبادله شوی ندی-طالبان

Ariana News

خپور شوی

 په

(Last Updated On: لړم ۲۴, ۱۳۹۸)

طالب ویاند تائید کړه، چې د طالبانو د درې بندي غړیو او د افغانستان د امریکایي پوهنتون د دوه استادانو  تبادله نده شوې او همدارنګه قطر ته یې هم لیږد رالیږد ردوي.

د سې شنبې پر ورځ( د لړم ۱۴) ولسمشر اشرف غني د حکومتي مشرانو سره راڅرګند شو او د انس حقاني، حافظ رشید او مالي خان د خوشې کیدو خبره یې وکړه، چې په وینا یې د افغانستان د امریکایي پوهنتون د دوه استادانو د آزادیدو په بدل کې به خوشې شي؛ خو دا خبره تر اوسه نده عملي شوې.

طالب ویاند ذبیح الله مجاهد آریانا نیوز ته په ډاګه کړې؛ ټاکل شوې وه، چې څلور ورځې مخکې انس حقاني، حافظ عبدالرشید او مالي خان قطر ته رالیږدول شوي وای او د پوهنتون استادان هم د افغانستان په خاوره کې امریکایانو ته تسلیم شوي وای؛ خو تر اوسه د ناڅرګندو دلایلو له  کبله دا معامله نه ده شوې.

طالب ویاند  قطر ته د  دې درې طالب چارواکو لیږد او بګرام ته یې بېرته رالیږد  هم ردوي.

 نوموړي زیاته کړې، چې دا درې کسان اوس هم په بګرام کې دي او د پوهنتون استادان هم له طالبانو سره.

د طالبانو د نظام د المپیک کمیتې رییس عبدالشکور مطمئن ویلي، چې د امدیکایي پوهنتون له دوه استادانو سره د ۸۰ طالبانو د تبادلې غوښتنه شوې وه؛ خو د افغانستان حکومت د درې کسانو د خوشې کولو امر ورکړ.

د هېواد لومړۍ میرمن رولا غني مني، چې د بندیانو تبادله نده شوې او په خبره یې د پوهنتون دوه استادان به هم خوشې نشي.

د امریکا د سولې په انستیتوت کې د هېواد لومړۍ میرمن تائیدوي، چې تر دې دمه په افغانستان کې د امریکایي پوهنتون دوه استادان له درې طالب بندیانو سره تبادله شوي ندي او ښایي په خبره یې دوه استادان، چې یو یې امریکایي او بل استرالیایي دی؛ آزاد نشي.

رولا غني ويلي، نه پوهیږي، چې ولې د بندیانو تبادله ناکامه شوه.

نوموړې وایي: وضعیت ډېر پېچلی دی او ساده ندی. لکه مو، چې وویل دا کار ونشو. ډاډه نه یم، چې ولې دا کار ونشو؛ خو ښایي یوه لوري پر خپلو ژمنو عمل نه وي کړی او له بده مرغه به د امریکایي پوهنتون دوه استادان خوشې نشي.

امریکا، افغان حکومت او طالبان نه وایي، چې ولې د بندیانو دا تبادله ناکامه شوه.

دا په داسې حال کې ده، چې یو شمېر هېوادوالو په کابل کې د جمعې پر ورځ(د لړم ۲۴) د طالب بندیانو د خوشې کیدو پر ضد اعتراضي لاریو تر سره کړ او وایي؛ حکومت د انس حقاني پر خوشې کولو، چې لسګونه هېوادوال یې وژلي؛ ستر ملي خیانت تر سره کړی دی.

انس حقاني د  حقاني شبکې د رییس او د طالبانو د مرستیال سراج الدین حقاني ورور  دی. مالي خان هم د حقاني شبکې د مشر ماما او حافظ عبدالرشید هم د ځانمرګو بریدونو مسوولیت پر غاړه درلود. دې شبکې په افغانستان کې خطرناک، پېچلي او خونړي بریدونه تر سره کړي دي.

تازه خبرونه

افغان حکومت دې د خبریالانو له نیولو او ګواښلو ډډه وکړي- د بې پولې خبریالانو ټولنه

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د بې پولې خبریالانو ټولنې له افغان حکومته غوښتي، چې د خبریالانو له ګواښلو لاس واخلي او د رسنیو قانون ته درناوی وکړي.

د بې پولې خبریالانو ټولنې په خپل تازه راپور کې اندېښنه ښودلې، چې په زابل کې د بیان راديو خبریال محبوب الله حکیمي د ملي امنیت سرتېرو لخوا د چنګاښ پر یوولسمه له هغې وروسته ونیول شو، چې په فیسبوک کې یې ولسمشر ته د کافر خطاب کړی و.

په راپور کې دا هم راغلي: حکیمي له نیول کیدو مخکې په ویدیو کې سپیناوی ورکړی و، چې فیسبوک یې هک شوی؛ خو د ملي امنیت لخوا له نیول کیدو وروسته ترې اعتراف اخیستل شوی او پښیماني یې ښودلې ده.

د بې پولې خبریالانو ټولنه څرګندوي، چې دغه راز په خوست ولایت کې د ملي امنیت سرتېرو یو خبریال نیولی او هم حکومتي چارواکو د پژواک خبري آژانس مسوولین ځورولي دي.

 دغې ټولنې له ولسمشر او د هغه له لومړي مرستیال امرالله صالح څخه غوښتي، چې د رسنیو قانون ته درناوی وکړي.

 حکومت بیا وايي، چې د خبریالانو او رسنیو ملاتړ ته ژمن دی.

د آزادو رسنیو ملاتړ ادارې اجرائيه مشر مجیب خلوتګر په ډاګه کړې، چې حکومت د بیان پر آزادۍ فشار راوړی او معلوماتو ته د لاسرسي مخالفت کوي او یا یې مخنیوی کوي. حکومت هغه قانو ته، چې خپله یې لاسلیک کړی ژمن ندی او خبریالان ګواښي.

دغه راز د بې پولې خبریالانو ټولنه وايي، چې د زمري پر یوولسمه د ملي امنیت سرتېرو په خوست ولایت کې د سیمه ییزو خبریالانو هر یو فاروق منګل او د هغه د ورور سیف الله حیات کورونه پلټلي او له هغوی سره یې ناوړه چلند کړی او ملي امنیت ته یې وړي دي.

د خبریالانو د خوندیتوب کمیتې د عدالت غوښتنې مسوول صدیق الله توحیدي ویلي؛ د بې پولې داکترانو اعلامیې پر خبریالانو یو لړ تورونه او اړوند بنسټونو ته د هغو له راکاږلو پرده پړرته کړې ده او ښيي، چې حکومت د خبریالانو پر شکایتونو هم غور نکوي او د ځانګړیو غوښتنو تر اغېز لاندې اغلي دي.

خبریالان وايي، چې له یوې خوا یې ژوند خوندي ندی او له بلې خوا اطلاعاتو ته د لاسرسي په برخه کې له ګڼو ستونزو سره مخ دي.

د بې پولې خبریالانو د ټولنې په راپور کې دا هم راغلي، چې پژواک خبري آژانس پاکستان ته د  مصنوعي تنفس د دوه دېرش دستګاوو د قاچاق د راپور له خپرولو وروسته د حکومت له مستقیم او نامستقیم فشار سره مخ شوی دی.

Continue Reading

تازه خبرونه

روسیه له طالبانو او حقاني شبکې سره اړیکې پالي- مارک ایسپر

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

د امریکا دفاع وزیر ویلي، چې روسیه له طالبانو او حقاني شبکې سره اړیکې پالي او له دغه حالته استفاده کوي.

طالبانو ته د امریکايي سرتېرو د وژلو پر سر د روسیې لخوا د ډالۍ ورکولو د راپورونو له خپریدو وروسته د امریکا کانګرس دفاع وزیر او لوی درستیز د سپیناوي لپاره ور وبلل.

مارک ایسپر زیاته کړې، چې تر اوسه یې داسې شواهد ندي ترلاسه کړي، چې وښيي روسیې طالبانو ته د امریکايي سرتېرو د وژلو لپاره ډالۍ ورکړي وي؛ خو د امریکا د پوځ لوی درستیز ویلي، که دا راپورونه تائيد شي روسیې ته به ځواب ورکړي.

د امریکا دفاع وزیر مارک ایسپرویلي؛ ما، چې کله لومړني راپورونه ترلاسه کړل، نو جنرال میلر او مک کینزي یې په اړه څيړنې وکې او ورته جوته شوه، چې دا راپورونه د اعتبار وړ ندي.

د امریکا د پوځ لوی درستیز مارک میلي بیا ویلي، چې روسیې له کلونو راپدیخوا له طالبانو او حقاني شبکې مالي او روزنیز ملاتړ کړی دی.

نوموړی وایي: که دا جوته شي، چې؛ روسیه په افغانستان کې له سخت دریځو سره مرسته کوي، نو تاسې پوهیږئ، چې زه یو قهرجن پوځي یم، د بل هر پوځي په څېر. که د روسیې او بل هر دولت لخوا د امریکايي سرتېرو د وژلو حکم شوی وي؛ نو دا به ډېره ستره لوبه وي.

یو شمېر امریکايي پوځیان، چې په افغانستان کې یې دندې تر سره کړي وايي؛ روسیه له طالبانو سره ژورې اړیکې لري.

په افغانستان کې د ناتو د پرېکنده ملاتړ پخوانی قومندان جان نیکلسون وایي: دا یوه دوه اړخیزه معامله ده؛ روسیې وړاندیز کړی او طالبانو منلی دی. دا کار په مستقیم او غیر مستقیم ډول په افغانستان کې د سولې له روحیې سره په تکر کې دی.

روسیې او طالبانو دواړو دغه راپورونه رد کړي او روسیې د امریکا استخبارات تورن کړي، چې له افغانستان څخه د نشه يي توکو په قاچاق کې ښکېل شوي دي.

دا په داسې حال کې ده، چې افغان حکومت د امریکا او طالبانو د سولې هوکړې د بشپړې پلې کولو په برخه کې له نړیوالو څخه د همکارۍ غوښتنه کړې ده.

Continue Reading

تازه خبرونه

افغانستان د کرونا ۳۴۱۹۴ پېښې او ۹۷۱ مړي لري

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

عامې روغتیا وزارت ویلي، چې په افغانستان کې پر کرونا ویروس د اخته کسانو شمېر ۳۴۱۹۴ رسیدلی او له همې ناروغئ ۹۷۱ ناروغان مړه شوي دي.

د دغه وزا رت د څرګندونو له مخې؛ په تېرو څلیریشت ګړیو کې د دې ویرړس ۲۸۶ مثبتې پېښې ثبت شوي، چې۸۳ يې د کابل، ۸۱ د هرات، ۹ د بلخ،  ۳ د ننګرهار، ۳۰ د بامیان، ۵ د تخا، ۳ د بغلان، ۳۰ د بادغیس، ۲ د لوګر، ۵ د کندوز، ۲ د پروان، ۱۶ د دایکندي، ۳ د میدان وردګ،  ۱ د لغمان، ۲ د پنجشېر او ۱۳ د غور ولایتونو دي.

دغه راز په تېرو ۲۴ ګړیو کې پر کرونا اخته ۱۲ ناروغان مړه شوي، چې ۱۰ په کابل او یو، یو په میدان وردګ او تخار ولایتونو کې دي.

یاد وزارت دا هم ویلي، چې په تېره یوه شپه او ورځ کې له کرونا ۴۱ کسان رغیدلي او له روغتونونو څخه کورونو ته رخصت شوی او په ټول هېواد کې ۲۰۸۸۲ زوغ شوي دي.

، چې د نړیوال بانک مدیره پلاوي نن په افغانستان کې د کوويد-۱۹ وبا د اقتصادي او ټولنیزو اغېزو سره د مقابلې، زیانمنونکیو خلکو ته د آسانتیاوو برابرولو او له خصوصي تشبثاتو څخه د ملاتړ په موخه د ۲۰۰ میلیون امريکايي دالرو پر ارزښت د وړیا مالي مرستې یوه بسته تصویب کړه.

په اعلامیه کې راغلي؛ دغه وړیا مالي مرسته، چې ( په افغانستان کې د کوويد-۱۹ ناورين ته د ځواب وینې لپاره د پاليسيو د پراختيا پروګرام ) په چوکاټ کې لګول کیږي ۱۰۰ میلیون امريکايي دالر يې د نړیوالې پراختيا ادارې، چې تر ټولو بېوزله هېوادونو ته د نړیوال بانک د مالي مرستو برابروونکی اداره ده او ۱۰۰ میلیون نور يې د افغانستان د بیارغونې صندوق ته، چې مدیریت یې د ۳۴ هېوادونو او نړيوالو مرستندویو ټولنو په استازولۍ نړیوال بانک پر غاړه لري؛ لخوا ورکول کېږي.

Continue Reading

Trending