تازه خبرونه
ترمپ د ۲۰۲۰ کال تر پایه د ځواکونو د ویستلو امر کړی- پمپیو
د امریکا د بهرنیو چارو وزیر ویلي؛ ترمپ امر کړی، چې د ځواکونو د ویستو بهیر باید د امریکا له ولسمشریزو ټاکنو مخکې پیل شي او د ځواکونو کمول د افغانستان د جګړې د پای لپاره د نوموړي د امر یوه برخه ده.
دد امریکا د بهرنیو چارو وزیر په یوه ناسته کې د دې پوښتنې په ځواب کې، چې آیا د ۲۰۲۰ کال د ولسمشرۍ له ټاکنو مخکې له افغانستان څخه د بهرنیو ځواکونو د ویستو د بهیر د پیل تمه کیږي؛ وویل، دا امر ورته د دونالد ترمپ لخوا رسیدلی دی.
د امریکا د بهرنیو چارو وزیر مایک پمپیو وایي، چې دا د متحده ایالتونو د ولسمشر امر دی. دا امر له ابهام پرته او د بې پایه جګړې د پای په معنا دی. یعنې د ځواکونو وتل او کمول.
د امریکا د بهرنیو چارو وزیر په قطر کې له طالب استازیو سره د امریکا د خبرو په اړه وایي، په دې خبرو اترو کې رښتینی پرمختګ شوی.
مایک پمپیو د افغانستان د سولې په اړه څرګنده کړې؛ د سولې په خبرو کې رښتینی پرمختګ شوی، سفیر خلیلزاد په افغانستان کې له ټولو سره لیدنې کتنې لري. وروستی ځل، چې زه هم هلته وم، له بېلابېلو بنسټونو، ښځو او د افغانستان له نورو قشرونو سره یې خبرې اترې درلودې.
ولسمشرۍ ماڼۍ له افغانستان څخه د ځواکونو د ویستو په اړه د ترمپ امر ته په غبرګون کې وایي، مایک پمپیو له ولسمشر غني سره په وروستۍ تیلیفوني اړیکه کې ولسمشر ته ډاډ ورکړی، چې د ځواکونو کمول د افغانستان شرایطو ته په پام تر سره کیږي.
د ملي امنیت شورا ویاند کبیر حقمل وایي؛ مونږ او امریکایان د همکارۍ هوکړه لرو، چې له مخې یې د افغانستان حکومت باید په پوځي برخو کې پر ځان بسیاینې ته ورسیږي، د وتلو مسله نوې نده اوس هم ډېر امنیتي مسوولیتونه د امنیتي ځواکونو پر غاړه دي. امریکایي ځواکونه په هوایي برخه کې د ملاتړ دنده لري او د پلان له مخې به تر ۲۰۲۰ پورې دا مرستې راټیټې شي.
له افغانستان څخه د بهرنیو ځواکونو په ځانګړي توګه د امریکایي ځواکونو وتل به څه عواقب ولري؟
په ولسي جرګه کې د غزني استازی عبدالقیوم سجادي وایي، چې د امریکایي ځواکونو وتل نه یوازې د افغانستان په ګټه ندي، بلکې سیمې او نړې ته هم زیان لري. کیدی شي افغانستان یو ځل بیا د نیابتي جګړو ډګر شي.
د مشرانو جرګې غړې انارکلي هنریار وایي، چې د بهرنیو ځواکونو په بیړه وتل به مونږ له یوې بلې جګړې سره مخ کړي. دا وتل باید له مسوولیت سره سم تر سره شي.
دا مهال د افغانستان د سولې لپاره د امریکا ځانګړی استازی په کابل کې دی؛ دی په سلا مشورو بوخت دی، چې له یوې خوا له طالب استازیو سره مرکچي پلاوی جوړشي او دا راز له طالبانو سره له سولې مخکې د افغان دولت او طالبانو تر منځ مخامخ خبرو ته لار اواره کړي.
خبریال: خالد نیکزاد
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ