تازه خبرونه
ترمپ د سولې مشروطې هوکړې ته چمتووالی ښکاره کړ

سي ان ان د یو شمېر سرچینو په حواله په ډاګه کړې، چې ترمپ له طالبانو سره د سولې د هوکړې لپاره د امریکایي ځواکونو تدریجي وتلو ته په دې شرط چمتووالی څرګند کړی، چې طالبان تاوتریخوالی راکم کړي.
د ترمپ د څرګندونو له مخې؛ طالبان باید په روانه میاشت کې د تاوتریخوالي د کمېدو په تړاو خپله ژمنه، چې د اووه ورځو لپاره شوې، ثابته کړي.
د امریکا ولسمشر د دغه هوکړه لیک له تصویب سره طالبانو ته هم د اووه ورځو لپاره د تاوتریخوالي د کمېدو شرط وړاندې کړی دی.
داسې ښکاري، چې واشنګتن او طالبان اوس د سولې هوکړې لاسلیک ته نږدې شوي دي.
په دوحه کې د تړلو دروازو تر شا نوی خبر نشته؛ خو هغو خبرو، چې خبري ارزښت خپل کړي، د افغانستان د سولې په اړه د امریکا د ولسمشر بې سارې څرګندونې دي.
په سپینه ماڼۍ کې سرچینو ویلي، د طالبانو او امریکایانو تر منځ د سولې هوکړه د امریکا ولسمشر دونالد ترمپ تصویب کړې او ژر به لاسلیک شي.
د امریکا د ملي امنیت شورا سلاکار څرګنده کړې، له افغانستان څخه د بهرنیو ځواکونو د وتو بهیر را لنډ شوی او ژر به له طالبانو سره د سولې هوکړه لاسلیک شي.
د امریکا د ملي امنیت شورا سلاکار رابرت اوبراین ویلي، چې په دې اړه د پام وړ پرمختګ شوی؛ دا هغه سکالو ده، چې د ولسمشر ترمپ له خوښې سره مل شوې ده. مونږ په پوره پاملرنه خوشبین یو، چې له دې بهیره ښه خبرونه خپاره شي. امریکا او طالبان به څو ورځو یا څو راتلوونکیو اوونیو کې پر یوې هوکړې لاسرسی پیدا کړي او له افغانستان څخه د امریکایي ځواکونو د وتو مساله ژر پلې کېدونکې ده.
واشنګتن د سولې په اړه د پرمختګونو بهیر له کابل سره شریکوي.
د امریکا د بهرنیو چارو وزیر د ملي وحدت حکومت له دواړو مشرانو سره بېلابېلې تیلیفوني خبرې کړي او کیدای شي دا افغانانو ته ښه خبر وي.
د امریکا د بهرنیو چارو وزیر له افغان ولسمشر او اجرائیه رییس سره د سولې په تړاو خپلې لاسته راوړنې شریکې کړې دي.
د اجرایي رییس ویاند مجیب الرحمان رحیمي ویلي، چې طالبانو د امریکا غوښتنې منلي او په خبرو کې یې د هوکړې د لاسلیک لپاره پرمختګ رامنځته شوی دی.
امریکا په نږدې راتلوونکې کې له طالبانو سره په دې پیغام د سولې هوکړه لاسلیکوي، چې مونږ غواړو ژر خپلو کورونو ته وګرځو. امریکا غواړي، چې دا بهیرد داسې شرایطو لاندې وي، چې ګټې او پرمختګونه یې په افغانستان کې شریکانو ته خوندې پاتې شي.
تازه خبرونه
آذربایجان په افغانستان کې د غالۍ اوبدلو روزنیز مرکز تمویلوي
دا نوښت، چې “د دودیزو افغان لاسي صنایعو د ودې لپاره د غالۍ اوبدلو د تخنیکي او مسلکي روزنې مرکز جوړول” تر سرلیک لاندې په پام کې نیول شوی دی، چې موخه ترې د افغانستان د غالۍ اوبدلو بډایه میراث ساتل او د مسلکي روزنې له لارې د ځایي هنرمندانو پیاوړتیا ده.

د افغانستان د کلتوري میراث او اقتصادي پراختیا د ملاتړ لپاره د آذربایجان نړیوالې پراختیا ادارې (AIDA) د دوشنبې پر ورځ د دې هېواد د سفارت له لارې په دې اړه رسمي تړون لاسلیک کړ، چې په کابل کې د اسلامي همکاریو ټولنې (OIC) استازي دفتر ته بودجه ولیږدوي، چې د غالۍ اوبدلو لپاره د تخنیکي او مسلکي روزنې مرکز جوړ کړي.
دا نوښت، چې “د دودیزو افغان لاسي صنایعو د ودې لپاره د غالۍ اوبدلو د تخنیکي او مسلکي روزنې مرکز جوړول” تر سرلیک لاندې په پام کې نیول شوی دی، چې موخه ترې د افغانستان د غالۍ اوبدلو بډایه میراث ساتل او د مسلکي روزنې له لارې د ځایي هنرمندانو پیاوړتیا ده.
دا پروژه، چې د AIDA لخوا تمویل کیږي؛ د دودیزو او عصري غالیو اوبدلو تخنیکونو، سوداګرۍ پراختیا، بازار موندنې او کورنیو او نړیوالو بازارونو ته لاسرسي ډاډمن کړي.
تمه ده، چې دا پروګرام به د افغان غالیو اوبدونکو ژوند ته د پام وړ وده ورکړي او سیمهییزو خلکو ته به دوامداره اقتصادي فرصتونه برابر کړي.
چارواکو ویلي، چې دا روزنیز مرکز به د مهارتونو د پراختیا او کلتوري ساتنې لپاره د یوه اړین مرکز په توګه د باکیفیته لاسي غالیو د تولید لپاره د نړیوالو مرکزونو په توګه د افغانستان د موقعیت په رامنځته کولو کې مهم رول ولوبوي.
دا همکاري په افغانستان کې د بشري او پرمختیایي هڅو د ملاتړ لپاره په ځانګړي توګه د تخنیکي زدکړو او کلتوري صنایعو د ودې په برخو کې د آذربایجان ژمنه روښانه کوي.
تازه خبرونه
سویډن د افغان میندو او ماشومانو د تغذیې لپاره ۲.۲ میلیون ډالر مرسته اعلان کړه
د خوړو نړیوال پروګرام په ایکس پاڼه کې اعلان کړی، چې دا مالي مرسته به د درې میاشتو لپاره ۱۲۵ زره افغان میندو او ماشومانو ته د مغذي خوړو د چمتو کولو لپاره وکارول شي.

په افغانستان کې د بشري ناورین د کمولو لپاره د نړیوالو هڅو په لړ کې د سویډن نړیوالې پراختیایي همکارۍ ادارې (SIDA) د خوړو نړیوال پروګرام (WFP) ته د ۲.۲ میلیون ډالرو له ورکولو سره د افغان میندو او ماشومانو د تغذیې لپاره خپل ملاتړ اعلان کړ.
د خوړو نړیوال پروګرام په ایکس پاڼه کې اعلان کړی، چې دا مالي مرسته به د درې میاشتو لپاره ۱۲۵ زره افغان میندو او ماشومانو ته د مغذي خوړو د چمتو کولو لپاره وکارول شي.
د دې پروګرام موخه د ټولنې د تر ټولو زیان منونکو خلکو د خوارځواکۍ مخنیوی دی.
دا مرسته په داسې وخت کې اعلانیږي، چې د خوړو نړیوال پروګرام له دې مخکې په افغانستان کې د ملاتړ پروګرامونو د پلي کولو لپاره د بودجې له سخت کمښت خبرداری ورکړی و.
د دې پروګرام د راپورونو له مخې؛ د کافي مرستو په نشتوالي کې په میلیونونو ماشومان او میندې د خوارځواکۍ او اړوند ناروغیو له خطر سره مخ دي.
په وروستیو کلونو کې د اقتصادي جوړښتونو د سقوط او په هېواد کې د بېوزلۍ له زیاتېدا سره د کورنیو لپاره په ځانګړي توګه په کلیوالي سیمو کې صحي خوړو ته لاسرسی مخ پر کمېدو شو.
نړیوالې احصائې ښیي، چې د هیواد له نیمایي څخه ډېر نفوس بشري مرستو ته بېړنۍ اړتیا لري.
لکه څنګه، چې د نړیوالو مرستندویانو مرستې کمې شوې دي؛ د خوړو نړیوال پروګرام د ۲۰۲۳ کال په وروستیو کې خبرداری ورکړ، چې که دا حالت روان وي د اړتیاوو له مخې به خپلې خوراکي مرستې د پام وړ کمې کړي.
د ملګرو ملتونو د راپور له مخې، په افغانستان کې له ۲۵ میلیون څخه ډېر خلک دا مهال بشري مرستو ته اړتیا لري. د خوړو نړیوال پروګرام اړ شو، چې په ۲۰۲۳ کال کې د بودجې د کمښت له کبله خپلې مرستې له ۱۵ میلیون خلکو څخه ۵ میلیون کمو خلکو ته راټیټې کړي.
تازه خبرونه
په باکو کې د افغانستان په اړه نړیوال کنفرانس جوړ شو
دا کنفرانس د آذربایجان جمهوریت د دولتي امنیت خدماتو (SSS) راغوښتی و او د ۲۰ هېوادونو استخباراتي چارواکو په کې برخه اخیستې وه.

په باکو کې د “افغانستان: سیمهییز اتصال، امنیت او پراختیا” تر سرلیک لاندې یو نړیوال کنفرانس ترسره شو.
دا کنفرانس د آذربایجان جمهوریت د دولتي امنیت خدماتو (SSS) راغوښتی و او د ۲۰ هېوادونو استخباراتي چارواکو په کې برخه اخیستې وه.
دا کنفرانس د آذربایجان د دولتي امنیتي خدماتو د مشر جنرال علي نقي یوف پر وینا پیل او په باکو کې یې د افغانستان په اړه د دې کنفرانس جوړېدا د پخوانیو ناستو تداوم وباله.
د Caliber.Az خبري سرچینې د آذربایجان د دولتي امنیتي خدماتو د څرګندونو له مخې راپور ورکړی؛ هغه هیله ښودلې، چې دا نړیواله ناسته کولی شي د افغانستان د مرکزي حکومت په جوړولو کې اغېزمن رول ولوبوي او د نړیوالو قوانینو د اصولو او مقرراتو پر بنسټ عمل وکړي.
هغه د آذربایجان او افغانستان ترمنځ اوږدمهاله اړیکو ته په نغوته(اشاره ) کې ویلي؛ دا اړیکې پر متقابل باور ولاړې دي او همدارنګه یې د دواړو هېوادونو پر ژورو تاریخي او کلتوري اړیکو هم ټینګار وکړ او وایي، چې آذربایجان تل په افغانستان کې د داخلي سیاسي ثبات او امنیت د تامین لپاره له نړیوالو نوښتونو ملاتړ کړی او هیڅکله یې پدې اړه له هڅو کولو ډډه نده کړې.
جنرال علي نقي یوف له افغانستان څخه د نړیوالو ټولنو پر هراړخیز ملاتړ اړتیا ټینګار کړی، چې د جرمونو په ګډون له نړیوال تروریزم، د مخدره توکو قاچاق او غیرقانوني مهاجرت سره د مبارزې په برخه کې له افغانستان سره همکاري وکړي.
هغه د دې کنفرانس یو له اصلي اهدافو څخه د تخریبي ځواکونو او ترهګرو ډلو له ویجاړونکو هڅو سره د مقابلې لپاره د همغږۍ دریځ رامنځته کول وغوښتل، چې په افغانستان کې بحراني وضعیت وساتي. نوموړي زیاته کړې، چې په نړیوال نظام کې د افغانستان د دریځ ډاډمنول او په دې هېواد کې د سولې ټینګښت خورا اړین کار دی.
هغه باور څرګند کړ، چې د سیمې هېوادونه او نور حکومتونه به پر همغږۍ عمل وکړي او په دې برخه کې به ګډې هڅې ترسره کړي.
په دې کنفرانس کې د نورو هېوادونو استازو هم په افغانستان کې د امنیت او پرمختګ په اړه خبرې وکړې او څرګندوي، چې دا کنفرانس کولی شي په دې هېواد کې د سولې او امنیت د تامین لپاره د ډاډمنو ګامونو د پورته کولو لپاره اړین فرصتونه برابر او په دې هېواد کې د تلپاتې ثبات د رامنځته کولو لپاره د نړیوالې ټولنې ملاتړ هم ترلاسه کړي.
-
تازه خبرونه2 days ago
ایران او افغانستان په ملک پوله کې بندیان تبادله کړل
-
سوداگري4 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
سوداگري2 days ago
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي
-
سیمه ییز خبرونه2 days ago
د بندر عباس چاودنې د مړو شمېر ۴۰ کسانو ته پورته شو
-
تازه خبرونه2 days ago
د غبرګولي پر اوومه د ۱۴۰۴ کال د کانکور ازموینه اخیستل کیږي
-
سیمه ییز خبرونه3 days ago
پر کشمیر د هند د اوبو بندولو په پاکستان کې وېره خپره کړه
-
لوبی1 day ago
د افغانستان کرکټ الف لوبډله د سریلانکا کرکټ الف لوبډلې سره یوه ټیسټ لوبه کوي
-
تازه خبرونه3 days ago
په کاناډا کې د ونکوور پر فلیپیني ننداریزو مراسمو د یوه موټر ورختلو مرګ او ژوبله رامنځته کړه