Connect with us

تازه خبرونه

ترمپ افغانستان ته په ناڅاپي سفر کې اوربند ته د طالبانو له چمتووالی خبر ورکړ

Avatar

خپور شوی

 په

(Last Updated On: ليندۍ ۸, ۱۳۹۸)

د امریکا ولسمشر دونالد ترمپ د افغانستان د بګرام پوځی اډې ته په یوه نااعلام شوي دوه ساعته سفر کې له خپل افغان سیال اشرف غني سره کتلي دي.

د امریکا ولسمشر په لومړي ځل د مننې ورځې د نمانځنې لپاره د لیندۍ پر ۷ او د نومبر پر ۲۸) د شپې اته نیمې بجې د افغانستان خاورې ته راغی او د بګرام پوځي اډې ته له را رسیدو سره یې د الوتکې څراغونه مړه شول.

نیویارک تایمز ورځپاڼې ویلي، چې ولسمشر غني ته د الوتکې له کیناستو څو ساعته مخکې خبر ورکړ شوی و او هغه هم د بګرام پوځي اډې ته د ښه راغلاست بلنه منلې وه.

د امریکا او افغانستان ولسمشرانو په دې لیدنه کې ټینګار کړی، چې که طالبان د سولې یوې هوکړې ته ژمن وي؛ باید اوربند ومني.

د امریکا ولسمشر هم خپلو سرتېرو ته په خبرو کې ویلي؛ واشنګتن له طالبانو سره د سولې خبرې اترې له سره پیل کړي؛ ځکه د هغه په خبره طالبان هم  اوس د سولې هوکړې او اوربند ته لیواله دي.

نوموړی وایي؛ مونږ له هغو سره خبرې کوو او ورته وایو، چې باید اوربند ټینګ شي، هغو اوربند نه مانه؛ خو اوس یې غواړي، چې اوربند ټینګ شي. ښایي دا ډول اقدام تر سره کړي.

ترمپ په خپل دې سفر کې وغوښتل خپل سرتېري حیران کړي، هغه ټینګار کوي چې امریکابه په افغانستان کې خپل سرتیري ډېر کم کړي، خو هغه ونه ویل چې له  دې هېواد څومره سرتېري باسي.

هغه ویلي: مونږ به تر هغه مهاله دغلته واوسو، چې یوې هوکړې ته ورسیږو، یا د بدې معاملې په صورت کې بشپړې بریا ته لاسرسی پیدا کړو. څو اوونۍ مخکې مونږ اعلان وکړ، چې زمونږ ځواکونه کور ته بېرته ستنیږي، هغوی د بېرته ستنیدو په حال کې دي او مونږ دلته د خپلو سرتېرو د کمولو په حال کې یو.

ولسمشرۍ په یوه خبرپاڼه کې څرګنده کړې، چې په دې لیدنه کې ښاغلي ترمپ د ترهګرۍ پر وړاندې د امنیتي او دفاعي ځواکونو هڅې ستایلي دي.

دغه راز د خبرپاڼې له مخې؛ ولسمشر ویلي که غواړو په افغانستان کې تلپاتې سوله رامنځته شي؛ باید له افغانستان څخه بهر د ترورستانو ځالې ړنګې شي.

ولسمشر غني د داعش په ماتولو او ترهګرۍ ضد مبارزه کې د امریکایي او افغان دفاعي او امنیتي ځواکونو رول ستایي.

د بګرام په پوځي اډه کې جوړو شویو مراسمو ته د افغانستان ولسمشر اشرف غني ویلي: مهرباني وکړئ له خپلو کورنیو مننه وکړئ، چې په دې مناسبت درپسې خپه شوي دي؛ خو هوکړه یې کړې، چې تاسې دلته واوسئ او د متحده ایالتونو له امنیت او زمونږ له آزادۍ دفاع وکړئ. مونږ به په ګډه بریالي شو. مونږ به کله هم هیر نکړو، چې د سپتمبر پېښو مونږ یو ځای کړي یو او مونږ به کله هم د دغه راز پېښو د تکرار اجازه ورنکړو.

ولسمشر اشرف غني دا هم ویلي، چې په افغانستان کې ۲۲۹۸ امریکایي سرتېرو ژوند له لاسه ورکړی او ۲۰۵۸۵ نور ټپیان شوي دي. افغانان ستاسې پر قربانیو ویاړي او مونږ به یې نه هیروو.

سپينې ماڼۍ ویلي، چې ترمپ  دوه ساعته په بګرام کې تېر کړل.

امریکا دا مهال په افغانستان کې شاوخوا ۱۳ زره  پوځيان لري، چې له طالبانو سره د سولې هوکړه د دې ځواکونو د کمیدو او یا وتلو اصلي شرط یادیږي.

طالبانو تر اوسه د ترمپ پر سفر تبصره نده کړې.

دا افغانستان ته د ترمپ لومړنی سفر دی، چې په دې سفر کې د ملي امنیت سلاکار کرابرت اوبراین هم ورسره ملتیا کړې وه.

تازه خبرونه

په افغانستان کې د رسنیو ډېر کارکوونکي پر کرونا اخته دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د بې سرحده  خبریالانو ټولنې په ډاګه کړې، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته شوی دي.

یادې ټولنې د رسنیو مسلکي کارکوونکي ( د مړینې نوملړ ته څه له بریدونو او څه هم د کرونا له ډګره ورزیاتیږي ) تر سرلیک لاندې ګزارش خپور کړی، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته ښودل شوي دي.

دې راپور دا هم په ډاګه کړې، چې په افغانستان کې تر دې دمه پر کرونا اخته د رسنیو دوه کارکوونکيو خپل خوږ ژوند له لاسه ورکړی دی.

د خبریالانو دې ټولنې ویلي، چې د آریانا نیوز او آریانا تلویزیونونو ډریور سلیمان یوسفي او د ننګرهار ملي رادیو ټلویزیون خبریال نصیر احمد ساپی د رسنیو هغه کارکوونکی دي، چې له دې ویروسه یې خپل خواږه ځانونه له لاسه ورکړی دي.

دغه راز د بې سرحده خبریالانو ټولنې ویلي، چې په افغانستان کې پر کرونا اخته خبریالان نه د درملنې او نه هم له مالي امکاناتو برخمن دي.

Continue Reading

تازه خبرونه

خلک د سولې په بهیر کې د روڼتیا غوښتونکي دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

خلکو د پخلاینې له ملي شورا غوښتي، چې د سولې په اړه راڼه او عملي ګامونه واخلي؛ ولس له مبهمو هڅو نه یوازې راوباسي، بلکې له حکومت سره په ګډه یې په دې اړه له پرمختګونو هم خبر کړي.

د کابل اوسیدونکيو له حکومته غوښتي، چې د سولې بهیر باید روڼ اوروان وساتل شي.

دوی دا هم په ډاګه کړې، چې خلک د سولې له هڅو پوره خبر ندي او د افغانانو خپلمنځي خبرو پیل هم د ۶۰۰۰ طالب او حکومتي بندیانو له خلاصون سره تړاو لري. په داسې حال کې، چې په تېرو څلور ورځو کې د دواړو خواوو لخوا دا بهیر درول شوی او د طالب بندیانو تخنیکي پلاوی، چې له تېرو څو اوونیو راپدیخوا کابل ته د بندیانو د پېژندنې لپاره راغلی؛ اوس هم په کابل کې دی.

پخوانی طالب سید اکبر آغا په دې اړه ویلي؛ تر هغې، چې ۵۰۰۰ طالب بندیان خوشې نشي؛ خپلمنځي خبرې هم نه کیږي.

د افغانستان د ملي امنیت شورا د څرګندونو له مخې؛ تر اوسه نږدې ۳ زره طالب او څلور سوه حکومتي بندیان له زندانونو خوشې شوي دي.

دغه راز د چین او روسیې استازیو هم د بندیانو په خلاصون کې د چټکو ګامونو پورته کولو غوښتنه کړې ده.

د افغانستان د بشر حقونو خپلواک کمیسیون د ملي پخلاینې عالي شورا  مشر ته د خپلو وړاندیزونو نوملړ وړاندې کړی، چې د افغانانو په خپلمنځي خبرو کې ځای ورکړشي.

د بشر حقونو خپلواک کمیسیون مرستیال نعیم نظري ویلي؛ د سولې په خپلمنځي خبرو کې باید د ماشومانو ، ښځو، لږکیو او د جګړې د قربانیانو حقونه په پام کې ونیول شي.

د سولې مرکچي پلاوي غړې فوزیه کوفي ویلي: د سولې په بهیرونو کې باید ښځې له پوره ونډې برخمنې وي.

 همدارنګه د ناروې د بهرنیو چارو وزیر د هېواد د بهرنیو چارو وزارت له چارسمبالي حنیف اتمر سره غږېیلی او ورته یې ویلي؛ هڅه کوي، چې هېواد یې د افغانانو خپلمنځي خبرو لپاره زمینه برابره کړي.

له دې مخکې یو شمېر سرچینو په ډاګه کړې وه، چې د جون ۱۵ د افغانانو خپلمنځي خبرو لپاره ټاکل شوې او اوس دواړه لوري هڅه کوي، چې له قطر، آلمان، ناروې او ازبکستان څخه یو یې د دې خبرو د تر سره کولو لپاره وټاکي.

Continue Reading

تازه خبرونه

د ټینس نومیالی لوبغاړی خپلې پخوانۍ میرمنې پر زور زیاتي تورن کړ

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

سي این این په ډاګه کړې، چې  د نړۍ د نومیالي ټینس لوبغاړي نیکولوز باسیلاشویلي پخوانۍ میرمنې له محکمې غوښتي، چې د هغه لخوا پرې زورزیاتي شوی دی.

د جورجیا لویې څارنوالۍ څرګنده کړې؛ نیکولوز باسیلاشویلي، چې د نړۍ په ټینس لوبغاړیو کې ۲۷ ځای لري د خپلې پخوانۍ میرمنې نیلي دوروکاشویلي لخوا پرې د زورزیاتي تور پورې شوی دی.

که څه هم د قضیې په اړه څېړنې اوس هم روانې دي؛ خو باسیلاشویلي د ۳۱۳۰۰ ډالرو په ضمانت خوشې شوې او ټاکل شوې، چې د جولای پر ۱۶ بیا محکمې ته حاضر شي.

 د نوموړي وکیلانو او استازیو د باسیلاشویلي په فیسبوک پاڼه کې، چې له تضمین وروسته خوشې شوې شوی؛ څرګندوي، چې دغه تورونه “دروغ او بشپړ بې بنسټه دي.”

د هغه وکیلانو ویلي: مونږ د نیکولاس باسیلاشویلي پلویانو ته ډاډ ورګوو، چې له دې مخکې محکمې ته سپارل شوې ویډیوګانې زمونږ د مؤکل دریځ ښیې او هغه د پورته ذکر شويو ناقانونه تورونو څخه پاکوي.

له بلې خوا، د دوروکاشکا وکیل هم ویلي؛ داسې اسناد او شواهد شته، چې د دې ښځې ادعاګانې ثابتولی شي.

د هغې وکیل ویلي داسې خلک شته، چې د دوی د اړیکو شاهدان دي او وايي، چې د قضیې په اړه ویډیوګانې او آډیو ریکارډونه شته او دغه رازد ټیلیفون غږیز پیغامونه هم ثبته شوي دي.

د یادونې ده، چې د دې جوړې د واده پایله پېنځه کلن زوی دی او تېرکال سره بېل شوي دي.

Continue Reading

Trending