Connect with us

تازه خبرونه

رای شمېرنه بحراني او حکومتي ټاکنیزې ډلې ناندریزې دي

Avatar

خپور شوی

 په

(Last Updated On: تله ۳۰, ۱۳۹۸)

د ولسمشریزو ټاکنو د نوماندانو شورا وايي، چې د رای شمېرنه بحران ته تللې او حکومتي ټاکنیزې ډلې له یو بل سره پر ناندریو اوښتې دي.

د ټاکنو د لومړنیو پایلو له ځنډیدو سره د ټاکنو خپلواک کمیسیون چارې هم له عادي حالته وتلي او د نوماندانو شورا اندېښنې یې راپارولي دي.

د دغې شورا غړیو ویلي، چې د رایو شمېرنه بحراني شوې او د ټاکنیزو ډلو تر منځ ناندریو د ټاکنو تخنیکي او حقوقي اړخونه زیانمن کړي دي.

 دوی وايي چې د ځينو ټاکنیزو ډلو تر منځ روانو ناندریو او شخړو د ټاکنو تخنیکي او حقوقي برخې له ستونزو سره مخامخ کړي دي او د پایلو ځنډیدو درغلیو ته لاره پرانیستې ده. د ټاکنو خپلواک کمیسیون وايي چې له څلورو ورځو راهیسې معلوماتي زیرمتون ته له بایو متریک دستګاوو څخه معلومات نه دي لیږدول شوي.

د نوماندانو شورا غړي شهاب حکیمي څرګنده کړې، چې د غني د دولت جوړونې او د عبدالله د ثبات او همپالنې ډلو تر منځ تاوتریخوالي د ټاکنو کمیسیون په لاره کې خنډونه رامنځته کړي دي.

هغه زیاته کړې، چې د لومړنیو پایلو ځنډول به ټاکنیزو درغلیو ته زمینه برابره کړي.

ځينې نور نوماندان هم په ټاکنو خپلواک کمیسیون کې وروستیو پېښو اندېښمن کړي دي.

د ولسمشرۍ نوماند  فرامرز تمنا ویلي، چې د دروازو ماتول که په هره بهانه وي؛ باید بیا تکرار نشي او اړینه ده، چې عاملان یې عدلي او قضایي بنسټونو ته وروپېژندل شي.

نوماندان د ټاکنو د لومړنیو پایلو پر ځنډ هم نیوکه کوي او وايي، چې دغه کار په ټاکنو کې درغلیو ته لار اواره کړې ده.

د ولسمشریزو ټاکنو نوماند عبداللطیف پدرام پوښتي، چې ولې دا بې پامي رامنځته شي؛ دا هر څه د ټاکنو خپلواک کمیسیون بېوسي ښیي. امریکا هڅه کوي، چې د ټاکنو پایله د خپل یو تالي څټي په ګټه اعلام کړي.

د ولسمشریزو ټاکنو ډېر نوماندان په ټاکنو خپلواک کمیسیون کې له روانو حالاتو خوښ ندي.

د ټاکنو خپلواک کمیسیون هم مني، چې له څو ورځو راپدیخوا معلوماتي زیرمتون ته له بایومتریک دستګاوو څخه د معلومات لیږد په ټپه ولاړ دی.

د ټاکنو خپلواک کمیسیون غړی، مسافر قوقندي ویلي؛ مونږ له درملوګ شرکت څخه رسمي مکتوب ترلاسه کړی، چې په تېرو څلور ورځو کې د تخنیکي ستونزو له کبله هیڅ ډول معلومات سیستم ته ندی سپارل شوي.

دا هر څه هغه وخت په ډاګه شول، چې د داکترعبدالله ډلې پولیس د دیجیتل دیتا د مرکز د دروازې پر ماتولو تورن کړل.

په هره توګه پولیسو دا تورونه رد کړل او څرګنده یې کړه، چې پولیسو هیڅ راز ناقانونه کار ندي ترسره کړی.

د دوشنبې پر ورځ د ټاکنو خپلواک کمیسیون یوه غړي هم ومنله، چې د کمیسیون په چارو کې نیمګړتیاوې شته او لویې څارنوالۍ ته یې د ځینو کارکوونکیو د معرفي کیدو غوښتنه وکړه.

د طالبانو د پرله پسې ګواښونو سره سره ، د افغانستان ولسمشریزې ټاکنې د میزان پر ۶ ترسره شو؛ خو پایلې یې پر ټاکلي وخت اعلان نه شوي او اوس هم معلومه نده، چې کله به اعلام شي.

تازه خبرونه

آسټرالیا په نړۍ کې تر ټولو چټک د انټرنټ سرعت کشف کړ

Avatar

خپور شوی

په

توسط

(Last Updated On: غبرګولى ۵, ۱۳۹۹)

د موناش، سوینبرن او آر ام آی ټي پوهنتونونو څیړونکو د آپټیکل (نوري) چپ څخه د نړۍ ترټولو چټک او ګړندی انټرنیټ سرعت چې په ثانیه کې د ۴۴ اعشاریه ۲ تیرابیت ظرفیت لري، کشف کړې دې.

یوه شننه چې د نیچر کمیونیکشنز په مجله کې خپره شوې ښیې چې په آسټرالیا کې د موناش، سوینبرن او آر ام آی ټي پوهنتونونو د څیړونکو یوې ډلې د انټرنیټ ترټولو چټک سرعت ایجاد او په بریالیتوب سره ازموینه هم کړې.

دا څیړنه ښیې چې د دې اختراع په کارولو سره، د معلوماتي ټیکنالوژۍ پدې سرعت سره، مونږ کولی شو په ثانیو کې ۱۰۰۰ لوړ کیفیته فلمونه ډاونلوډ کړو.

څیړونکو د انټرنیټ دا لوړه وړتیا د ۸۰ لیزرونو پر ځای چې دمخه د مخابراتي سیګنالونو لیږدولو لپاره کاریدل، یو د مایکرو کام یا نوري چپ په کارولو سره، لاسته راوړې ده.

د یادو موندنو له مخې، په دې ټکنالوژې سره به نه یوازې د آسټرالیا د مخابراتو ظرفیت ګړندی شي، بلکه په ټوله نړۍ کې به دغه ټیکنالوژي وکارول شي.

د دې موندنو پراساس، دغه ټیکنالوژي به په میلبورن، آسټرالیا او په نړۍ کې ترټولو لوړ انټرنیټ سرعت وي چې ملیاردونو پیرودوني به ترې خوند واخلي.

دا لومړی ځل دی چې یو مایکرو کام په داسې تجربه کې کارول شوی، او دا د نوري چپ څخه رامینځته شوي عنصر، د خورا ډیر معلوماتو ظرفیت لري.

ډاکټر بل کورکوران، چي د یادو څیړونکو له جملې څخه یو دې، داسی وایي: “موږ اوس په دې پوهیږو چې څنګه د انټرنیټ کارولو بې ساري شمیر له امله، په دوه یا دریو کلونو کې د انټرنیټ بیخبنا لا زیاته ګړندې کړو.”

Continue Reading

تازه خبرونه

طالبان د حکومت لخوا د ۲زرو بندیانو د خوشې کولو اعلان یو ښه ګام بولي

Avatar

خپور شوی

په

توسط

(Last Updated On: غبرګولى ۵, ۱۳۹۹)

طالبانو د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې د ۵ زرو بندیانو خوشې کول اړین ټکې دې.

د طالبانو د سیاسي دفتر ویاند سهیل شاهین د ټویټر له لارې د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې افغانانو د خپلمنځي خبرو د پیل لپاره د ۵ زرو بندیانو خوشې کول د دوحې په هوکړه منل شوې دي.

هغه لیکي: “د دوحې په توافقنامه کې د ۵ زرو بندیانو د خلاصون غوښتنه د دې لپاره وه چې د اعتماد مناسبه فضا رامنځته شي، باید دغه پروسه تکمیل شی څو د بین الافغاني مذاکراتو د پيل په مخکې خنډونه لیري شي.”

همداراز هغه زایته کړې چې طالبان “هم په خپله خوا کې د بندیانو خلاصون ته متعهد دی.”

دا په داسی حال کې ده چې تیره ورځ، د اختر له لمانځه وروسته، ولسمشر غني د طالبانو د درې ورځني اوربند اعلان په څواب کې وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

له بلی خوا، متحده ایالاتو هم د افغانستان د ولسمشر محمد اشرف غني لخوا د دې اعلان ستاینه کړې ده.

ولسمشر په خپل ټویټر کې لیکلي چې هغه د امریکې د بهرنیو چارو د وزیر مایک پامپیو څخه په دې مناسبت تلیفون اړیکه ترلاسه کړې او وایي: “هغه د افغان حکومت څخه د ۲زرو طالب بندیانو د خوشې کولو دغه زړوره پرېکړه وستایله. هغه تاکید وکړ چې متحده ایالات به د اوږد مهاله اوربند / د تاوتریخوالي کمول او د مستقیمو خبرو اترو د پیل لپاره ټینګار وکړي.”

د یادونې وړ ده چې حکومت د متحده ایالاتو او طالبانو ترمینځ افغانستان ته د سولې راوستلو د تړون له لاسلیک وروسته، ۱۵۰۰  طالب بندیان خوشې کړل. همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي. خو ښایي چې د امریکي استازي زلمي خلیلزاد تازه هڅې زرغونې شوي او دغه لړې بیا پیل کیږي.

Continue Reading

تازه خبرونه

حکومت د ۲ زرو طالب بندیانو د خلاصون ژمنه وکړه

Avatar

خپور شوی

په

توسط

(Last Updated On: غبرګولى ۵, ۱۳۹۹)

د اختر له لمانځه وروسته، ولسمشر غني وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

ولسمشر غني د طالبانو د درې ورځني اوربند اعلان هرکلی وکړ، او په دې ډله یې غږ وکړ چې نور د افغانستان خلکو ته زیان ونه رسوي. هغه وایي چې د هیواد د هر وړي وژنه یو توجیه نکونکې دردمن کار دې.

د ولسمشر په وینا، افغان حکومت چمتو دی چې سمدستي د سولې خبرې پیل کړي. هغه وویل: “د ټولو افغانانو په استازیتوب د سولې خبرو اترو پلاوي له طالبانو سره د سولې مخامخ خبرو ته چمتو دي.”

ولسمشر باور لري چې د افغانستان خلک د سولې په پروسه کې رښتیني ګټونکی دي. نو هغه پر طالبانو غږ وکړ چې د افغانستان خلکو ته زیان ونه رسوي.

د افغانستان حکومت د متحده ایالاتو او طالبانو ترمینځ د سولې د تړون له لاسلیک وروسته ۱۵۰۰  طالب بندیان خوشې کړل.

همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي.

Continue Reading

Trending