Connect with us

تازه خبرونه

اشرف غني په پټه یو پلاوی د خبرو لپاره قطر ته لیږلی

Ariana News

خپور شوی

 په

(Last Updated On: لړم ۱۸, ۱۳۹۸)

طالبانو ته نږدې شننونکیو ویلي، چې د ملي امنیت شورا یو پلاوی له طالبانو سره د خبرو لپاره قطر ته تللی دی.

سیاسي شنونکي وحید مژده زیاته کړې، دغه پلاوی د دولت استازیتوب نه، بلکې یوازې د ولسمشر غني استازیتوب کوي، چې د انس حقاني او نورو طالبانو د خوشې کولو په بدل کې له طالبانو څخه د اوربند غوښتنه وکړي او له افغان حکومت سره د سولې خبرې پیل کړي.

نوموړي دا هم په ډاګه کړې؛ دغه پلاوی به له طالبانو وغواړي، چې د بیجینګ په غونډه کې یوازې د افغان حکومت له پلاوي سره په رسمي توګه خبرې وکړي. سرچینې ویلي، چې تر اوسه طالب پلاوی د افغان حکومت له پلاوي سره خبرو ته ندی حاضر شوی.

طالبانو ته نږدې سرچینې وايي، چې قطر ته د ملي امنیت لیږل شوي پلاوي په دوحه کې له قطري چارواکو سره پر افغان سوله خبرې کړې دي.

پخوانی طالب چارواکی سید اکبرآغا ویلي؛ فکرنکوم، چې طالبانو به د زندانیانو د تبادلې په اړه رسمي خبرې پیل کړې وي.

په قطر کې طالب استازیو  تر دې دمه پدې اړه څه ندي ویلي؛ خو د افغانستان د ملي امنیت شورا قطر ته د پلاوي لیږل رد کړي او وایي، چې  داسې کوم پلاوي د دوی لخوا دوحې ته ندی لیږل شوی.

دا، چې قطر ته د تللي پلاوي د خبرو یوه موضوع هم د بجینګ غونډه ده؛ نو، ځکه ویل کیږي، چې افغان حکومت تر اوسه دغې غونډې ته د ټاکلي پلاوي نوملړ پټ ساتلی دی. اجرائيه ریاست بیا وايي، چې د بجینګ غونډې ته د پلاوي نوملړ به ژر اعلان شي.

د اجرائيه ریاست د ویاند مرستیال امید میثم وایي، چې بیجینګ ته تلونکی پلاوی به تر دوه اوونیو په بیجینګ کې وویني. پر پلاوي غور روان دی او د ټول افغانستان استازیتوب به وکړي.

تېره جمعه د ولسمشر دوه یم مرستیال سروردانش هم ویلي وه، چې افغان دولت د طالب زندانیانو خوشي کولو ته چمتو دی؛ خو په دې شرط، چې طالبان اوربند وکړي او حکومت سره خبرو ته چمتو شي.

تازه خبرونه

ډیلي ته د افغان سکهانو د الوتنې الوتکه د امنیتي اندېښنو له کبله وځنډول شوه

Ariana News

خپور شوی

په

توسط

(Last Updated On: زمری ۲۲, ۱۳۹۹)

د یو شمېر سرچینو د څرګندونو له مخې؛ د چارشنبې پر سهار د ۱۸۰ افغان سکهانو او هندوانو د الوتکې الوتنه له کابل څخه ډیلي ته د یوې اوونۍ یا څو ورځو لپاره ځنډول شوې ده.

یو افغان سکهـ مشر، چې نه غواړي نوم یې څرګند شي تایمز اف اندیا ورځپاڼې ته ویلي: زه فکر نه کوم، چې له امنیتي اندېښنو پرته دې الوتنه ځنډول شوې وي.

تایمز اف اندیا دا هم په ډاګه کړې، چې د هندي استخباراتي سرچینو په وینا: هیڅ څوک نه غواړي د افغان سکهانو او هندوانو په اړه، چې د خپل هېواد پریښودو ته اړ شوي غږ پورته کړي؛ ځکه، چې د دوی په وینا دا کار نور وسلوال بریدونه هم رامنځته کولی شي.

دا د شاوخوا ۷۰۰ افغان سکهانو او هندوانو دوه یمه ډله ده، چې له افغانستان څخه وځي.

دغه هېوادوال په داسې حال کې خپل هېواد د هند پر لوري پریږدي، چې تېر مارچ د دوی پر درمسال داعش وسلوالو ځانمرګی برید او چاودنې تر سره کړې، چې په کې ۲۵ سکهـ هېوادوال ووژل شول.

دا لومړی ځل ندی، چې په درمسال کې د افغانستان دغه لږکي د داعش تر برید لاندې راځي.

په جلال آباد کې هم اوړم کال داعش جنګیالیو لخوا د سکهانو او هندوانو ۱۷ مشران ووژل شول.

هغه وخت د سکهانو مشرانو غوښتل جلال آباد ته د ولسمشراشرف غني د سفر پر مهال له هغه سره وویني؛ خو له لیدو مخکې پرې چاودنه تر سره شوه.

د دې مذهبي لږکي پر وړاندې د داش لخوا روان او بالقوه ګواښونه او بریدونه د دې لامل شول، چې په امریکا کې سکهـ حقوقي هڅاندو له ملګرو ملتونو غوښتنه وکړه، چې په افغانستان کې د سکهانو او هندوانو په ایستلو کې مرسته وکړي.

تر دې دمه هند د دغو سکهانو او هندوانو د ایستلو او ورسره د مرستې لپاره ډاډمن ګامونه پورته کړي او تېره میاشت یې د دوی د ماشومانو او ښځو په ګډ‌ون ۱۱ کسیزې ډلې ته ښه راغلاست ووایه او هغو ته یې پناه ورکړه.

تر ۱۹۸۰ لسیزې پورې په افغانستان کې له ۸۰۰۰۰ ډېرو سکهانو او هندوانو د هېواد په بېلابېلو سیمو کې ډاډمن ژوند کاوه؛ خو ډېري یې په ۱۹۹۲ زېږدیز کال کې د وخت د شوروي اتحاد له ړنګیدو وروسته له هېواده کډې بار کړې او ووتل.

ځینو یې ​​د طالبانو او په ځانګړي توګه د نوي نظام له رامنځته کیدو سره د آرام ساه واخیسته او بېرته هېواد ته راستانه شول او حکومت هم افغان سکهان بېرته راستنولو ته وهڅول؛ خو په وروستیو کلونو کې د داعش لخوا پرې بریدونه ترسره شول او اوس په هېواد کې له ۷۰۰ لږ سکهان ژوند کوي.

Continue Reading

تازه خبرونه

افغانستان له اماراتو سره پر لمریزې برښنا د پانګونې هوکړه لاسلیک کړه

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان حکومت د متحده عربي اماراتو له یوه شرکت سره د لمریزې برښنا پر تولید د پانګونې هوکړه لاسلیک کړ.

د ولسمشرۍ د چارو ادارې په ډاګه کړې، چې دا پروژه به تر ۳۰۰۰ میګاواټه برښنا تولید کړي او په ټول افغانستان کې به پلې شي.

د یاد بنسټ د څرګندونو له مخې؛ دغه هوکړه لیک د اماراتي لمریزې برښنا تولیدي شرکت د مشر محمد ظفر او د ولسمشرۍ د چارو ادارې د عمومي ریاست د پانګونې آسانتیاوو مشرعطاء الله نصیب او د برښنا شرکت د مشر احمد داود نورزي تر منځ د ولسمشر د لوی حقوقي سلاکار کبیر عیسی خېل په شتون کې لاسلیک شو.

دا هوکړه لیک د متحده عربي اماراتو د پلازمېنې ابوظبۍ په افغانستان سفارت کې لاسلیک شو او د برښنا شرکت مشر د ویډیو کنفرانس له لارې وصل شو.

دوی څرګنده کړې، چې دا شرکت به د پلیتونو په چمتو کولو او نصبولو او د لمریزې برښنا پر تولید پانګونه وکړي.

له دې مخکې د کندهار سولر برښنا شبکه د ۳۹ دېرش میلیون دالرو پر ارزښت د خصوصي سکتور له بدجې او د  مالیې وزارت په سب سایدۍ ګټې اخیستنې ته سپارل شوېو چې ۳۰ میګاواته برښنا تولیدوي او دغه راز په بامیان کې د لمریزې برښنا شبکه پرانیستل شوې، چې زرګونه کورنیو ته برښنا رسوي.

د اوبو او برښنا وزارت ویلي، چې افغانستان د نوي کیدونکي انرژۍ د ۳۰۰۰۰۰ میګاواته تولیدي وړتیا لري، چې په دې کې طبیعي ګاز، حرارتي انرژي، د اوبو برښنا، لمریزه او بادي انرژي رانغاښتل شوي دي.

که څه هم په تېره لسیزه کې په دې اړه د پام وړ پرمختګ شویګ خو د افغانستان د برښنا ډېری اړتیاوې اوس هم له ګاونډ هېوادونو واردیږي.

Continue Reading

تازه خبرونه

ولسمشر غني د تاریخي خبرو له پیل مخکې له خپل مرکچې پلاوي سره وکتل

Ariana News

خپور شوی

په

توسط

(Last Updated On: زمری ۲۱, ۱۳۹۹)

ارګ په ډاګه کړې، چې نن له غرمې مخکې ولسمشر اشرف غني له طالبانو سره د تاریخي خبرو له پیل مخکې د حکومت د مرکچي پلاوي له غړیو او مشر معصوم ستانکزي سره د سولې بهیر په اړه خبرې وکړې.

د ارګ د څرګندونو له مخې معصوم ستانکزي ویلي؛ له طالبانو سره د سولې په خبرو کې به د مشورتي لویې جرګې غوښتنو ته پوره پاملرنه وشي.

ولسمشر غني ویلي، د سولې مشورتي لویې جرګې د افغانستان حکومت ته د سولې تګلاره وټاکله او مونږ یې پلي کیدو ته ژمن یو.

ولسمشر غني مرکچي پلاوی ډاډه کړ، چې د سولې په مشورتي لویه جرګه زمونږ سیاسي قوت ټولو ولید او نړۍ په یوه لیدلوري او قوت ستاسو ملاتړې ده او دا ستاسو لپاره لویه پانګه ده.

د هېواد په بشپړ ټینګار په ډاګه کړه، چې مونږ سولې ته ژمن یو او د دې لپاره مو عملي هڅې او کړنې تر سره  کړي او موخه مو په کې داده، چې جګړه په بنسټیزه توګه پای ته ورسېږي.

دغه راز ولسمشر غني ویلي؛ د افغانستان د حکومت مرکچي پلاوی له طالبانو سره د تلپاتې او باعزته سولې لپاره، چې د خلکو غوښتنه ده، خبرې کوي.

ولسمشر غني د ۴۰۰ طالب بندیانو د بښنې فرمان د لاسلیک په اړه وویل؛ د خلکو تمه دا ده، چې د افغانستان له حکومت سره د طالبانو د خبرو پر وړاندې باید نور هیېڅ خنډ او پلمه وجود ونلري او ژر تر ژره باید خپلمنځي خبرې پیل شي.

د پخلاینې عالی شوار ویاند فریدون خوځون په ډاګه کړې؛ د سولې اجنډا او ځای ټاکل شوی او د مذاکراتو د نېټې له اعلان سره به  مرکچي پلاوی له طالبانو سره د خبرو لپاره دوحې ته ولاړشي.

د ولسمشرد ویاند مرستیال دواخان مینه بال څرګنده کړې؛ د ولسمشر د فرمان له لاسلیک وروسته د څلور سوه بندیانو خوشې کیدو لپاره عملی ګامونه پورته شوي او تمه ده، چې د چهارشنبې پر ورځ به څلورسوه طالب بندیان له بنده خوشې شي او د دی بندیانو له خوشې کیدو سره به د سولې خبرو پر وړاندې پراته خنډونه لیرې شي.

تمه ده، چې د څلور سوه طالب بندیانو له خوشي کیدو سره به راتلونکې اوونۍ د خپلمنځي خبرو لومړی پړاو په دوحه کې پیل شي.

د حکومت مرکچې پلاوي غړي عبدالحفیظ منصور ویلي، چې د مزاکراتو په لومړي پړاو کې به دولت او طالبان پر اوربند خبری وکړي او تمه ده، چې په دي پړاو کې دواړه خواوې به پر اوربند هوکړه وکړې.

طالبانو ویلي، چې دوی به هم به دی پړاو خبرو کې پر اوربند او د راتلونکي سیاسي نظام پر جوړښت  خبری وکړي.

د یادونې ده، چې افغانستان د خپل سیاسی برخلیک نوی پړاو ته د وردننه کیدو په درشل کې دی او ډېري د جګړې پای  او د خبرو پیل ته هیله من شوي دي.

Continue Reading

Trending