Connect with us

تازه خبرونه

داعش دننګرهار په یو شمېر ولسوالیو کې مدرسې او ښوونځي تړلي

Ariana News

خپور شوی

 په

(Last Updated On: کب ۲۰, ۱۳۹۵)

vlcsnap-2017-03-10-14h23m10s26داعش د ننګرهار په یو شمېر ولسوالیو کې دیني مدرسو او ښوونځیو ته د زدکوونکیو او طالبانو په ورتګ بندیز لګولی دی.

په ننګرهار کې له داعش سره روانې جګړې د پوهنې پر بهیر هم ناوړه اغېز کړی؛ ښوونځي نړیدلي او د کتابونو پاڼې په هر ځای کې باد وهي.

د دغه ولایت د پوهنې ریاست ویاند  محمد آصف شینواری وايي، چې د روانې جګړې له کبله په ۴ ولسوالیو کې درې زره پېنځه سوه زدکوونکي له زدکړو پاتې دي.

د نوموړي په وینا؛ داعش د خپل فعالیت په سیمو کې دیني مدرسو او ښوونځيو ته د زدکوونکیو په ورتګ هم بندیز لګولی دی.

دی زیاتوي، چې داعش په ننګرهار کې د خپلې خوښې د زدکړو بهیر هم پیل کړیدی.

هغه له ښکېلو خواوو غواړي، چې ښوونځي او مدرسي د سنګر په توګه ونه کاروي او پر زدکوونکیو پوځي اکمالات ونکړي.

د داعش له سیمو بیځایه شوي زدکوونکي اوس د ښوونځي څخه محروم دي او د ګولیو پر پوچګو او خولونو خپل وخت تېروي.

د ننګرهار والي ویاند عطاالله خوږیانی وايي، چې د ښوونځيو د پرانیستلو لپاره د داعش پر ضد عملیات پیل شوي او هڅه کیږي، چې تړلي ښوونځي بیا پرانیستل شي.

دا یوازې ننګرهار نه دی، چې ښوونځي په کې تړل شوي، بلکې د هېواد په بېلا بېلو ولایتونو کې د ناامنیو او جګړو له کبله سلګونه ښوونځي تړلشوي او ماشومان له زدکړو بې برخې پاتې دي.

خبریال: فواد ناصري

 

Continue Reading
Advertisement

تازه خبرونه

افغان حکومت سبا ته د افغان سولې د سیمه ییزې ناستې کوربه دی

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

ارګ د دوشنبې پر ورځ د امریکا، روسیې، چین، هند، ایران، پاکستان، ملګرو ملتونو او ۱۹ نورو هېوادونو د استازیو په ګډون د افغان سولې د سیمه ییزې ناستې کوبتوب کوي.

ارګ د دوشنبې پر ورځ د ۱۹ هېوادونو او ملګرو ملتونو د استازیو په ګډون د یوې ودیدیوي ناستې کوربتوب ته چمتووالی نیولی، چې امریکا، روسیه، چین، پاکستان، هند، ایران، قطر، سعودي عربستان او ګاونډ هېوادونه یې برخوال دي.

د بهرنیو چارو وزارت ویاند ګران هېواد د افغانانو خپلمنځي خبرې، د تاوتریخوالي کمی، د بندیانو تبادله او د بشردوستانه اوربند ټینګښت د دې ناستې اجنډا بولي.

 د بهرنیو چارو وزارت ویاند  ګران هېواد وایي، چې د دوشنبې پر ورځ به په ارګ کې د افغان سولې بهیر په اړه د سیمې هېوادونو او د افغانستان د نړیوالو ستراتیژیکو ونډوالو په ګډون یو ویدیوي کنفرانس تر سره شي.

د دوشنبې د ورځې په ناسته کې به د هغو هېوادونو استازي هم را غونډ شي، چې د ګټو ټکر لري؛ دوی د سولې خبرو په تړاو د یوې اجماع د جوړولو هڅه کوي. که څه هم دولت تل ویلي، چې د سولې په اړه په  سیمه کې اجماع شته.

په پاکستان کې پخواني دیپلومات احمد سعیدي ویلي؛ د افغانستان حکومت تل ویلي، چې د ځان په ګټه سیمه ییزه اجماع لري. د سبا ناسته یو ځل بیا د افغانستان د سولې او امنیت لپاره پر سیمه ییزې همغږۍ ټینګار کوي

ټاکل شوې، چې په کابل کې به سیمه ییزه ناسته د ولسمشر غني پر خبرو پیل شي او په پای کې به ۱۹ هېوادونه او ملګري ملتونه د افغانستان د سولې په اړه ګډه اعلامیه وړاندې کړي.

ویل کیږي، چې د سې شنبې پر ورځ کابل د افغانستان، پاکستان او چین د درې اړخیزې ناستې کوربه دی، چې په کې د سولې خبرې کیږي؛ خو په دې خبرو کې د هند نه حضور د سولې پر زیان انګېرل کیږي.

Continue Reading

تازه خبرونه

په کابل کې د ۵ پراختیایي پروژو هوکړه لیکونه لاسلیک شول

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

په کابل کې د اقتصاد، لوړو زدکړو او پوهنې وزارتونو او د هند سفارت تر منځ د ۵ پراختیایي پروژو هوکړه لیکونه لاسلیک شول.

د اقتصاد وزیر مصطفی مستور ویلي؛ د اقتصاد، لوړو زدکړو او پوهنې وزارتونو او په افغانستان کې د هند سفیر تر منځ د ۶.۲ میلیون دالرو پر ارزښت د پېنځه پرمختیايي پروژو تړون لاسلیک شو، چې له مخې به یې په بدخشان او نورستان کې درې ښوونځي او په فراه او کاپیسا کې دوه پوهنتونونه بیا ورغول شي.

د نوموړي د څرګندونو له مخې؛ په بدخشان کې دوه ښوونځي او یو بل به هم په نورستان ولایت کې د پوهنې وزارت لخوا  جوړ شي او دغه راز د کاپیسا د طبي پوهنتون سړک او د فراه تدریسي ودانۍ په پام کې نیول شوي دي.

د پوهنې وزارت اداري او مالي مرستیال عبدالسبحان رووف ویلي؛ د بدخشان او او نورستان پر دغو ښوونځیو ۹۰۰ زره دالر لګښت راځي.

د لوړو زدکړو وزارت چارسمبالی عبدالتواب بالاکرزی وایي؛ هیله ده، چې دغه پروژې د اقتصاد وزارت لخوا پلې شي.

په کابل کې د هند سفیر ویلي، دا ډول پروژې د زد کوونکیو او محصلانو د پوهې د کچې په لوړولو کې اړینې دي.

په افغانستان کې د هند سفیر ویني کمار وایي، چې هند نه یوازې په افغانستان کې فزیکي کارونه کړي، بلکې د ځوانانو د وړتیاوو په جوړولو کې یې هم همکاري کړې، چې خپله پروژې جوړې کړي.

له ۲۰۰۵  کاله تر اوسه هند د اقتصاد وزارت په همکارۍ څلور سوه پراختیایي پروژې پلې کړي او دا هېواد ژمنه کوي، چې له افغانستان سره به په بېلابېلو برخو کې اوږد مهاله مرسته وکړي.

Continue Reading

تازه خبرونه

د ټولو افغان ځواکونو خوشې کول، د بندیانو د تبادلې اړین اړخ دی

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

د ولسمشرۍ ویاند ویلي؛ حکومت د افغانانو خپلمنځي خبرو ژر پیل ته ژمن دی، خو د افغان دولت لپاره د طالبانو له بنده د ټولو افغان ځواکونو خوشې کول د بندیانو په تبادله کې اړین اړخ دی.

ټاکل شوې وه، چې د یکشنبې پر ورځ افغان حکومت د څو سوه طالب بندیانو د خلاصون په اړه پرېکړه وکړي؛ خو د ورځې په پای کې ولسمشرۍ ماڼۍ په یوه اعلامیه کې په ډاګه کړه، چې نور بندیان به د طالبانو له لوري د افغان ځواکونو د بندي منسوبینو او سرتېرو له خلاصولوو سره خلاص شي.

د افغان حکومت په اعلامیه کې راغلي؛ طالبان دې هم د افغان ځواکونو بندیان خوشې او تاوتریخوالی کم کړي، چې د افغانانو خپلمنځي خبرې پیل شي.

د ولسمشرۍ ویاند صدیق صدیقي په یوه تویت کې څرګنده کړې، چې حکومت د سولې خبرو پیل، ثبات او د جګړې پای ته ژمن دی؛ خو د افغانستان د ملي امنیتي او دفاعي ځواکونو پوره خوشې کول د افغانستان خلکو او حکومت ته د بندیانو تبادله د دې بهیر د بنسټیز اصل په توګه ارزښت لري. 

 

طالبان بیا افغان حکومت په دوسیو جوړولو او د بندیانو په خلاصون کې د ننګونو پر جوړولو تورنوي.

د ولسي جرګې غړی گل احمد نورزاد  وایي، چې د دوحې هوکړه له لومړي سره ستونزمنه وه. اوس باید دواړه خواوې یو او بل ته سره تېر شی او زندانیان خوشې کړي.

د مخالفتونو اصلي ټکی د شاوخوا سل طالب بندیانو کیسه ده، چې خطرناک کسان ګڼل شوي او په خونړیو بریدونو کې پر لاس لرلو تورن دي؛ خو د طالبانو د سیاسي دفتر ویاند آریانا نیوز ته ویلي، چې حکومت دوسیې جوړوي او د بندیانو د خلاصون په بهیر کې خنډونه را پورته کوي.

سیاسي شنونکی سید اسحاق گیلاني ویلي: د افغانستان حکوممت باید پوه شي، چې امریکایانو له طالبانو سره د بندیانو د خوشې کولو هوکړه کړي. نه پوهیږم، چې د حکومت ټینګار د څه لپاره دی.

له څو اوونیو راپدیخوا د طالبانو او حکومت تخنیکي ډلو د بندیانو پر خلاصون کار روان ساتلی او د حکومتي معلوماتو له مخې؛ تر دې مهاله نږدې څلور زره بندیان آزاد شوي او طالبانو هم ویلي، چې له اووه سوه ډېر حکومتي بندیان یې خوشې کړي دي. دا په داسې حال کې ده، چې طالبان افغان حکومت پر دوسیو جوړولو او د بندیانو په خلاصون کې د ننګونو په رامنځته کولو تورنوي.

د طالبانو پخواني غړي سید اکبر آغا ویلي، چې که بندیان خوشې شي؛ نو د خبرو وخت به هم ژر وټلکل شي.

تمه ده، چې د افغانانو خپلمنځي خبرې په دوحه کې روانه میاشت پیل شي؛ خو مخکې له هغې ۵ زره طالب بندیان او زر حکومتي بندیان باید خوشې شي.

Continue Reading

Trending