Connect with us

تازه خبرونه

د لومړنیو خوراکي توکو د بیو له لوړیدو خلک اندېښمن شوي

خپور شوی

 په

(Last Updated On: غویی ۱۹, ۱۳۹۸)

هېوادوال وايي د روژې له رارسیدو سره سوداګرو بیې لوړې کړي، چې له کبله يي ولس له ګڼو ستونزو سره مخ شوی دی.

د کابل ښار او سیدونکي وايي، چې د روژې له پیل سره د لومړنیو توکو په بیوکې د پام وړ ډېروالی راغلی، چي خلک يي له ګڼو ستونزو سره مخ کړي دي.

د کابل ښار اوسیدونکی حسین علي وایي؛ مونږ په یوه داسې ښار کې ژوند کوو، چې سوداګرو یې سوداګریزه خپلسري پیل کړې، بیې لوړې شوي او خلک يې د پېرېدلو وس نلري.

د کابل ښار یو شمېر پلورونکي وايي؛ بیې د دالرو له بیو سره تړلي؛ نو، ځکه د لومړنیو توکو بیې تر یوه بریده لوړشوي.

دوی له حکومت څخه د بازار د څارنې غوښتنه کوي.

د کابل ښار پلورونکی احمد الله  وایي: بیې، چې کومه اندازه لوړ شوي؛ لامل یې د دالرو لوړیدل دي. د رو ژې لپاره هومره ندي لوړ شوي، څومره، چې خلک وايي.

د سوداګرۍ خونې مسوولین وايي، که حکومت له بازاره څارنه وکړي؛ د لومړنیو توکو بیې به دومره لوړې نشي.

دوی ټولو سوداګرو ته خبرداری ورکوي، چي که بیې له نړیوال بازار سره تنظیم نکړي؛ نو دوی به د پوره څارنې لپاره له صنعت او سودا ګرۍ وزارت سره د څارني ګډه جرګه ګۍ جوړه کړي.

د سوداګرۍ خونې مرستیال یو نس مومند وایي: حکومت باید د ځینو قوانینو د عملي کولو لپاره هڅه وکړي؛ ځکه، چې له دې سره به خپلسري لږ شي. لکه د مستحلکینو د حقونو د خوندیوالي قانون.

سوداګر وايي، چې د دالر د لو ړیدو ترڅنګ د خپليسرو اخاذیو ډېروالي هم پر بیو منفي اغېز کړي. دا، چې د بازار د څارنې لپاره د صنایعو او سوداګرۍ وزارت کوم تدابیر نیولي تر دې دمه یې په دې اړه څه ندي ویلي.

خبریال: اسلم حجاب.

تازه خبرونه

په بادغیس ولایت کې زلزلې ۳۰ کسانو ته مرګ و ژوبله اړولې

خپور شوی

په

توسط

(Last Updated On: مرغومی ۲۸, ۱۴۰۰)

سیمه ییزو چارواکو څرګنده کړې، چې د دوشنبې پر ورځ د افغانستان په لويدیځ بادغیس ولایت کې زلزلې  ۲۶ کسان مړه کړي، ۴ ژوبل او سلګونه کورونه ویجاړ شوي دي.

رویټرز د سیمه ییزو چارواکو لخوا د خپاره شويو انځورونو له مخې څرګنده کړې، چې د ریښتر پر کچه ۵ اعشاریه ۶ درجې زلزلې له ترکمنستان سره پر ګډه پوله پروت بادغیس ولایت ولړزاوه، چې او له خښتو جوړ شوي سلګونه کورونه یې ویجاړ کړل.

د بادغیس ولایتي ادارې د اطلاعاتو او فرهنګ مشر باز محمد سروري  زیاته کړې: له بده مرغه زمونږ لومړني راپورونه ښيي، چې د پېنځه ښځو او څلور ماشومانو په ګډون ۲۶ کسان مړه شوي او څلور نور ټپیان دي.

نوموړي د اسلامي امارت ځواکونو ته په نغوته کې څرګنده کړې: مجاهدین یو شمېر زیانمنو سیمو ته رسېدلي؛ خو بادغیس یو غرنی ولایت دی ښايي د تلفاتو شمېر له دې هم لوړ شي.

هغه زیاته کړې، چې اوس هم په سیمه کې سخت باران روان دی.

د رویټرز د راپور له مخې؛ د افغانستان د بېړنیو چارو وزارت د بېړنیو عملیاتو مرکز مشر ملا جانان ساقي د وژل شویو کسانو شمېر تائید کړی او ویلي یې دي، چې له ۷۰۰ ډېر کورونه زیانمن شوي دي.

د بادغیس په مرکز کې د مرکزي روغتون د نرسنګ مشر ثناء الله ثابت وایي؛ دوی ته د زلزلې پېنځه ټپیان ورلېږدول شوي، چې د ډېرو یې هډوکي مات شوي دي.

د اروپایي سرچینو د څرګندونو له مخې، یاده زلزله ۳۰ کیلومټره ( ۱۸ اعشاریه ۶۴ میله) ژوروالی لري.

Continue Reading

تازه خبرونه

پاکستان د افغانستان پر ختیځو سیمو ۲۱ توغندي توغولي – چارواکي

خپور شوی

په

توسط

(Last Updated On: مرغومی ۲۸, ۱۴۰۰)

د ختیځ زون پوځي چارواکو آریانا نیوز ته څرګنده کړې، چې د یکشنبې پر شپه ډیورنډ کرښې ته نږدې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته شوې ده.

چارواکو په ډاګه کړې؛ پاکستانيو ځواکونو د افغانستان پر لوري ۲۱ توغندي وتوغول، چې مرګ و ژوبله نلري.

د ختيځ زون د لومړۍ سرحدي لوا وياند حمدالله همدرد ويلي، چې د اسلامي امارت ځواکونو هم پر پاکستانيو ځواکونو يو شمېر توغندي توغولي دي.

دغه راز ویل کیږي، چې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته هم شوې ده.

حمد الله همدرد زیاته کړې، چې جګړه د شپې تر ۹ بجو روانه وه. د نښتې لامل د پاکستانيو ځواکونو برید و، په ځواب کې یې د اسلامي امارت ځواکونو توغندي توغولي او ښايي مرګ و ژوبله یې هم اړولې وي. زموږ ځواکونو او خلکو ته مرګ و ژوبله نده اوښتې.

د اسلامي امارت چارواکو ویلي، چې د ډیورنډ کرښې په اوږدو کې د پاکستانيو ځواکونو د بریدونو د مخنیوي لپاره ۳۲ نوې پوستې جوړوي.

Continue Reading

تازه خبرونه

په چین کې د زیږون کچه ډېره راټیټه شوې

خپور شوی

په

توسط

(Last Updated On: مرغومی ۲۸, ۱۴۰۰)

د چين د احصائې ملي ادارې د دوشنبې پر ورځ ( د مرغومي ۲۷ ) څرګنده کړې، چې په ۲۰۲۱ زېږدیز کال کې د زېږون کچه په هرو زر کورنیو کې ۷.۵۲ راټيټه شوې ده.

چین په ۲۰۱۶ زېږدیز کال کې د څو ماشومانو پالیسي له منځه یوړه او پر ځای یې د دوه اولادونو محدودیت وضع کړ، چې له اقتصادي ستونزو څخه د وګړیو د ژر زړښت مخه ونیسي؛ خو د ښاري ژوند لوړ لګښت د ډېرو ماشومانو د لرلو مخه ونیوله.

له همدې کبله کله، چې د احصائې ادارې په دې اړه د معلوماتو راټولول پیل کړل؛ نو په ‌ډاګه شوه، چې  د زیږون کچه له ۱۹۴۹ کال راپدیخوا ترټولو ټیټه شوې ده.

د چین د وګړیو د طبیعي ودې کچه له کډوالۍ پرته د ۲۰۲۱ لپاره یوازې ۰.۰۳۴ سلنه ده، چې له ۱۹۶۰ راپدیخوا ترټولو ټیټه کچه ده.

د پن پواینټ شتمنیو مدیریت مرکز لوی اقتصاد پوه ژی وی ژانګ ویلي؛ د نفوس ننګونه ښه پېژندل شوې؛ خو د وګړیو د عمر کچه په څرګنده توګه د تمې په پرتله ګړندۍ روانه ده.

دا ارقام ښیي، چې په ۲۰۲۱ زېږدیز کال کې ۱۰.۶۲ میلیون د ۲۰۲۰ کال پر پرتله، چې ۱۲ میلیون ماشومان ول؛ زېږېدلي دي.

د یادونې ده، چې په چین کې د زیږون کچه د ۲۰۲۰  کال له مخې په هرو ۱۰۰۰ خلکو کې ۸.۵۲ سلنه ده.

Continue Reading

Trending

Copyright © 2022 Ariana News. All rights reserved!