تازه خبرونه
د نړیوالي ټولني له ملاتړ پرته به ټاکنیز بهیر ډېر ستونزمن شي- ټاکنڅاري
ټاکنڅارې ډلې خبردارۍ ورکوي، چې د نړیوالې ټولنې له ملاتړ پرته به ټاکنیز بهیر له ډېرو ستونزو سره مخ شي.
د ولسمشریزو ټاکنو د نېټې له رانږدې کیدو سره سم د ټاکنو خپلواک کمیسیون پر کار ځنډولو نیوکي ډېریږي.
ټاکنڅارې ډلې که څه هم وایې، چې کمیسیون برنامه نلري او حکومت د دوی په کار کې مداخله کوي؛ خو خبرداری ورکوي، چې د نړیوالې ټولني له ملاتړ پرته به د ولسمشریزو ټاکنو ترسره کول ځانوژنه وي.
ټاکنڅاري بنسټونه( فیفا او تیفا) وایي، د نړیوالې ټولنې ملاتړ او ژمنې شته؛ خو بیا هم تراوسه ناڅرګندې پاتې دي.
دوی دا هم وایي، که نړیوال لوبغاړي ټاکنو ته ځانګړی رنګ ورنکړي؛ دا بهیر به د کړکیچ خوا ته ولاړ شي.
دوه ټاکنڅاري بنسټونه وایي، چي د ټاکنوخپلواک کمیسیون د تلي پر شپږمه د ولسمشریزو ټاکنو تر سره کولو ته چمتووالی نلري.
د افغانسان د رڼو ټاکنو بنسټ رییس نعیم ایوب زاده وایي، چې که د ټاکنو په بنسټیز بهیر کې نړیواله ټولنه رښتینې پاتې نشي؛ د ټاکنو پر لوري تګ به مو ځانوژنه وي.
د ټاکنڅاریو بنسټونو(فیفا او تیفا) د موندنو له مخې؛ د تلې پر شپږمه نېټه ولسمشریزې ټاکنې تر سره کیږي؛ خو د ټاکنو کمیسیون تر دې دمه د رڼو ټاکنو تر سره کولو ته چمتو ندی.
د ټاکنو خپلواک کمیسیون ټینګار کوي، چې د تلي پر شپږمه نېټه به رڼې ټاکنې ترسره شي.
د ټاکنو خپلواک کمیسیون د دارالانشا رییس حبیب الرحمان ننګ ویلي، چې دارالانشا او د کمیسیون رهبري همغږي لري او هڅه کوي، چې پخپل وخت رڼې او خلکو ته ځواب ورکوونکې ټاکنې تر سره کړي.
د افغانستان د رڼو ټاکنو بنسټ رییس نعیم ایوب زاده وایي، د ټاکنیزو ډلو لخوا حکومتي سرچینې کارول له وخته مخکې کمپاین دی او د یو شمېر پروګرامونو پیلول او ان په دې بهیر کې د ښځو کارول هم ستره ټاکنیزه جفا ده.
د افغانسان د آزادو او عادلانه ټاکنو بنسټ اجرائیوي رییس یوسف رشید هم ویلي، چې د ټاکنو خپلواک کمیسیون باید خپلې پرېکړې پخپل وخت په ډاګه کړي او نوماندان هم له خپلو خیالونو راووځي او د ټاکنو د ترسره کیدو خنډ نشي.
سپیدار ماڼۍ تر دې دمه په دې اړه څه ندي ویلي؛ خو ارګ د ولسمشر وروستۍ هڅې حکومتي مسوولیت بولي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ