Connect with us

تازه خبرونه

د ننګرهار شیخ مصري صنعتي ښارګوتی له بېخبنایي پروژو بې برخې پاتې دی

خپور شوی

د

(Last Updated On: لړم ۳, ۱۴۰۱)

سیمه ییزو چارواکو ویلي، چې د ننګرهار ولایت د جلال آباد ښار د شیخ مصري د صنعتي ښارګوټي له پرانستې یوه لسیزه تېره شوې؛ خو تراوسه په کې هیڅ ډول بېخبنایي يي پروژې پلې شوي ندي.

سوداګر  وايي، حکومت د صنعت د ودې چغې ډېرې وهي؛  خو په عمل کې د ډاډ وړ ګامونه نه پورته کوي.

فابریکداران وايي، د شیخ مصري په صنعتي ښار ګوټي کې د زیربینايي کارونو د نه پلي کېدو له امله دوی  اړ شوي، چې خپلې فابریکې وتړي.

د شیخ مصري په صنعتي ښارګوټي کې د اوسپنې کار خونې لرونکی  یاسین احمدزی وایي؛ دغلته برښنا نشته، سړکونه خام دي، د اوبو سیستم خراب دی او ناامني ډېره ده.

د شیخ مصري صنعتي ښارګوټي د وریجو کار خونې لرونکی شېرزاد عزیزي د څرګندونو له مخې؛ په تشه دښته کې  پانګونه شوې، چې هیڅ راز آسانتیاوې په کې نشته او دمګړۍ څوک پانګونې ته هم زړه نه ښه کوي.

په ننګرهار کې د کانونو او صنایعو د خونې مرستیال انجنیر محمد قاسم یوسفي وایي، چې د شیخ مصري صنعتي ښارګوټی د ۶۰۰ صنعتي فابریکو لپاره دیزاین شوی؛ خو تر اوسه په کې یوازې ۵۵ صنعتي فابریکې فعالې دي، چې خڼدنۍ هڅې تر سره کوي.

په ننګرهار کې د صعنت او سوداګرۍ رييس خالِيدګردیوال مني، چې د شیخ مصري په صنعتي ښارګوټي کې هېڅ ډول خدمات ندي ترسره شوي.

هغه زیاتوي، چې په دې برخه کې دوی نه، بلکې مرکزي حکومت ډېره بې غوري کړې ده.

د شیخ مصري صنعتي ښارګوټی د طالبانو د واکمنۍ پر مهال دیزاین شوی؛ د پخواني ولسمشر حامدکرزي د واکمنۍ په وروستیو کې یې پرانسته وشوه، د ملي وحدت حکومت اوسنیو مشرانو د ټاکنیزو کمپاینونو پرمهال د شیخ مصري او حصارشاهي صنعتي ښارګوټو د بشپړولو ژمنې کړې وې؛ خو تراوسه یې دغلته هیڅ ډول اقدامات ندي ترسره کړي او د پانګوالو په وینا تشې ژمنې ورسره کېږي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!